الموضوع: التايم شير

الله يكون في العون دي تدبيسه وحشه اوي

أنا حصل معايا نفس الموضوع ورحت شركة خلف الميرلاند وعرض علي موضوع القسط لكن انا رفضت لما لقيت الأسلوب الغبي بتاعهم

ده بالاضافة إن الكلام اللي قاله لي المندوب في البزينة ما حصلش منه أي حاجة
يعني المندوب قال لي انت لك هدية موبايل أو حاجات تانية وطبعا ما حصلش أي حاجة ساعتها عرفت ان الموضوع مش مظبوط

شكرا للزين شاركوا فى الرد .. وادعو كل من لة تجربة او خبرة فى موضوع التايم شير للمشاركة معنا ليستفيد الجميع .. وشكرا .

بما انى كنت شغال فى شركه زى دى اهرب بجلدك بجد كلهم نصابيين

المشاركة الأصلية كتبت بواسطة ahmedcar

بما انى كنت شغال فى شركه زى دى اهرب بجلدك بجد كلهم نصابيين

طيب ممكن توضح لنا التفاصيل بما إنك دخلت المجال ده

اولا اللى بيكون معاك على الترابيزه و بشرحلك نصف كلامه اوهام ان ماكنش كله

و الله المدير كان بيقولى احلق للعميل (يعنى قوله كلام تانى ) علشان تبيع و اخد عموله

ثانيا لو حبيت تحجز هاتشوف الامريين و خصوصا لو هاتحجز فى وقت اجازات لازم تقولهم قبليها ب شهريين على الاقل مش 15 يوم

و مستوى الخدمه بيكون سيى جد جدا كفايه ان اللى فى الفندق لما بيعرفوا انك تايم شير بيعاملوك و كانك جاى تشحت منهم (سورى فى اللفظ )

و طبعا العروض اللى بيقولولك عليها فى البنزينه و الكلام ده كله و هم بمعنى و الله الهدايا خلصت انهارده فوت علينا بكره لحد ماتزهق وكده

يجدعان بمصاريف الصيانه اللى بتدفعها كل سنه تروح تاجر انظف مكان فى اى حته و فلوسك فى جيبك

كمان لو عرضوا عليك انهم ياجروا منك المكان فى السنه دى (اكيد قالولك كده علشان يحسسوك ان فلوسك هاترجعلك )عمره ماهايجبولك تمن الصيانه حتى الموظفيين بياخدوا الاسبوع ده لنفسهم و يدفعوا للعميل ماتجود به الانفس