الموضوع: أفضل سخانات الغاز؟

انا حتكلم بناء على تجربة شخصية

احنا كنا في السعودية يعني واخدين على الميا اللي بتنزل سخنة جاهزة من الحنفية

لما جينا مصر مكوناش قادرين على السقعة عشان مش متعودين عليها

في الشقة القديمة: سخان غاز مصانع بقاله اكتر من 20 سنة شغال زي الحمار

في الشقة الجديدة سمعنا كلام فني تصليح وركبنا مصانع بنعيط منه دلوقتي
1. الشعلة شغالة على طول الانبوبة بتطير على طول
2. شكله عامل زي ما يكون معلق ربع عربية على الحيطة مفيش اي انسيابية
3. لما بييجي بيولع بتحس انك مشغل مفاعل نووي من صوته
4. آخر موضة ابتدا ينقط ميا رغم ان عمره معداش 4 سنين

لما اتجوزت ركب في شقتي سخان يونيفرسال 10 لتر للحمام الكبير وسخان اريستون للحمام الصغير والمطبخ

سخان يونيفرسال ميزاته
1. الشعلة مبتولعش غير عند الحاجه
2. الانبوبة متحافظ عليها
3. عايز ميا سخنه للصبح بس انت بس استحمل السخونية
4. مغيرتش فيه حاجه غير الحجارة كل سنة مرة عشان الاشعال الذاتي
5. يشتغل على اي ميا حتى لو ضعيفة

عيب السخان الغاز الوحيد انه بيتغير بتغير الميا يعني لو الميا متذبذبة عندك حتلاقي ان درجة السخونية بتتغير ودي الحاجه الوحيدة اللي بتخيليني اشد في شعري
اكون ضابط الميا على حد معين ودرجة حرارة معينة
الاقي لما الميا ضعفت الحرارة زادت لان كمية الميا اللي بتتسخن في الدقيقة الواحدة قلت وبالتالي حتاخد الحرارة اللي كانت بتسخن كمية ميا اكبر تلاقي ولعة نازلة عليك

لو الميا عندك متذبذبة
هات سخان كهربا : عندي في نفس الشقة بيقوم المطبخ والحمام الصغير 30 لتر نوعهfibreglass) Ariston) ايطالي سرجماله في الصناعة الايطالي الرائعة في السخانات ودرجة العزل
مرة كنا رايحين خروجة 3 ايام
فصلت الفيشة بتاعته ولما رجعت شغلت الميا السخنة لقيتها نازله دافية من 3 ايام

يعني العزل بتاعه ممتاز وبالتالي استهلاكه في الكهرباء معملش اي زيادة في الفاتورة على عكس ما كنت متوقع

اعرف ان فيه منه نوع جديد واحسن اسمه Ariston Titanium المهندس قال لي انه العزل بتاعه اعلى واعلى

لدرجة اني بفكر اشيل يونيفرسال واركب اريستون 50 لتر بداله لان الميا بتكون درجة حرارتها ثابته
وربنا يوفقك