الموضوع: .... تجــربتى مع الدايهاتســـو ميـــرا موديــل 2000 و مركزصيانة م/سيد الفراش ....

المشاركة الأصلية كتبت بواسطة for_ever

معلش يا جماعة ايه هو ال Tps ؟؟؟؟

دى مشاركة للمهندس / سبعاوى شارح فيها الـ tps

التى بى اس هو حسار وضع صمام الخنقthrotle position sensor او بالبلدى كدة حساس دواسة البنزين، يعنى هو اللى بيحس انت دايس بنزين قد ايه، وهو فيه 3 منظومات، منظومة للاحساس انت دايس بنزين قد ايه ودى عبارة عن potentiometer، او بالبلدى حاجة زى زرار تعليه الصوت بتاع الراديوهات القديمة كدة، كل ما يلف يدى اشاره اعلى لكومبيوتر السيارة، ومنظومة تانية للاحساس انك شرلت رجلك من على البنزين عبارة عن limit switch او مفتاح كهربى بسيط ييلمس ويوصل التيار لما تشيل رجلك من على البنزين ، ومفتاح تانى زيه بيلمس ويوصل تيار لما تدوس بنزين على الآخر ، الموتور بينتقل من مود التحكم بالدواسة الى مود السلانسيه لما المفتاح بتاع (انت شايل رجلك) يوصل التيار لكونترول السيارة وبالتالى الكونترول بيعرف انك شايل رجلك من على الدواسة

التى بى اس على بعضه عبارة عن حتة اسطوانة بلاستيكية سوداء صغيرة فى حجم غطاء جركن الزيت، موجود على اعلى جسم المحرك فى المنطقة المسماهthrotle body اللى هى عند نهاية خرطوم الهواء اللى جاى من فلتر الهواء رايح للموتور، هتلاقيه ورا الثروتل بادى ، بينه وبين جدار كابينة القيادة وراكب فيه فيشتين واحدة زرقاء وواحدة بنى، الزرقاء تخص حالة ضغط الدواسة والبنى تخص النهايتين(شايل رجلك او دايس على الآخر)

شكرا يا باشا علي ردك :)

شكراً على هذه المعلومات القيمة.. وجزاكم الله خيراً..

المشاركة الأصلية كتبت بواسطة عزيز محمد

وعليكم السلام ورحمة الله وبركاته

الكانشيل هى نفس الميرا 92 من الداخل والخارج، وبالتالى قطع غيارهم واحدة وميكانيكاتهم واحدة وبالتالى اللى يعرف يشتغل فى الميرا يعرف يشتغل فى الكانشيل.

استاذ عزيز حضرتك قلتلي قبل كده ان قطع غيارهم واحده هل حضرتك ممكن تقولي قطع الغيار دي تكلفني اديش؟

اولا الزجاج الامامي او اسمو ببريز موش عارف مكسورًا :(
ثانيا المرايا الجانبيه طايره يعني مرايا جانبيه كامله
ثالثا الفانوس الخلفي والفوانيس الاماميه وفوانيس الشابوره
رابعا تغير وتركيب المكونات اللي لازم تتغير زي في الكهربا او تيل الفرامل واللي للأسف ماعرفش هي ايه بالظبط بس اسمع ان دي حاجات لازم تتغير وتظبط في اي عربيه مستعمله

بيجد انا محتاج اعرف كل ده وفي السريع

المشاركة الأصلية كتبت بواسطة mucho

اولا الزجاج الامامي او اسمو ببريز موش عارف مكسورًا :(
ثانيا المرايا الجانبيه طايره يعني مرايا جانبيه كامله
ثالثا الفانوس الخلفي والفوانيس الاماميه وفوانيس الشابوره
رابعا تغير وتركيب المكونات اللي لازم تتغير زي في الكهربا او تيل الفرامل واللي للأسف ماعرفش هي ايه بالظبط بس اسمع ان دي حاجات لازم تتغير وتظبط في اي عربيه مستعمله

بيجد انا محتاج اعرف كل ده وفي السريع

شوف يا افندم أنا عربيتى موديلها مختلف (شكلها الخارجى مختلف عن الميرا 92 وعن الكانشيل) علشان كده زجاجها وفوانيسها أسعارهم مختلفة (غالبا أغلى) (من سنتين كان الفانوس الخلفى 125 ومن سنة تقريبا الفانوس الأمامى عمل 150، البربيز مش عارف)

مرايا الجنب من سنتين كان سعرها 45

فوانيس الشبورة: مش عارف

طقم الكهرباء والتيل برضه بصراحة مش فاكر لإن الكلام ده كان من فترة طويلة

أحسن نصيحة: تكلم محلات قطع الغيار اللى عناوينهم وتليفوناتهم مثبتة فى المنتدى، أو تروحلهم مباشرة بالعربية.

كلمتهم واسعارهم متايبنه جدا :( يمكن عشان انا بدي انطباع اني موش فاهم اوي في العربيات وده حقيقي

متشكر لحضرتك، وياريت لو تقدروا تساعدوني اكتر من كده يبقى متشكر لذوقكم المعتاد

المشاركة الأصلية كتبت بواسطة عزيز محمد

شوف يا افندم أنا عربيتى موديلها مختلف (شكلها الخارجى مختلف عن الميرا 92 وعن الكانشيل) علشان كده زجاجها وفوانيسها أسعارهم مختلفة (غالبا أغلى) (من سنتين كان الفانوس الخلفى 125 ومن سنة تقريبا الفانوس الأمامى عمل 150، البربيز مش عارف)

مرايا الجنب من سنتين كان سعرها 45

فوانيس الشبورة: مش عارف

طقم الكهرباء والتيل برضه بصراحة مش فاكر لإن الكلام ده كان من فترة طويلة

أحسن نصيحة: تكلم محلات قطع الغيار اللى عناوينهم وتليفوناتهم مثبتة فى المنتدى، أو تروحلهم مباشرة بالعربية.

المشاركة الأصلية كتبت بواسطة mucho

وياريت لو تقدروا تساعدوني اكتر من كده يبقى متشكر لذوقكم المعتاد

يا افندم أنا مش فاهم هل إنت اشتريت فعلا (يعنى العربية معاك) ولا لسه بتدور، ولا بتتكلم عن عربية معينة معروضة عليك (من واقع مشاركة حضرتك فى موضوع محلات قطع الغيار)، عموما:

لو حضرتك اشتريت يبقى تطلع على م/ سيد الفراش فى الحرفيين وإن شاء الله هيحل لك كل مشاكلها بسعر كويس.

لو بتعاين عربية معينة يبقى برضه نصيحة خد العربية مع صاحبها وروحوله (سيد الفراش برضه) وهو يفحصهالك ويقولك محتاجة إيه وكمان يديلك سعر ليها.
وماتحملش هم إن خبرتك قليلة لإن الموضوع بسيط بإذن الله

المشاركة الأصلية كتبت بواسطة عزيز محمد

يا افندم أنا مش فاهم هل إنت اشتريت فعلا (يعنى العربية معاك) ولا لسه بتدور، ولا بتتكلم عن عربية معينة معروضة عليك (من واقع مشاركة حضرتك فى موضوع محلات قطع الغيار)، عموما:

لو حضرتك اشتريت يبقى تطلع على م/ سيد الفراش فى الحرفيين وإن شاء الله هيحل لك كل مشاكلها بسعر كويس.

لو بتعاين عربية معينة يبقى برضه نصيحة خد العربية مع صاحبها وروحوله (سيد الفراش برضه) وهو يفحصهالك ويقولك محتاجة إيه وكمان يديلك سعر ليها.
وماتحملش هم إن خبرتك قليلة لإن الموضوع بسيط بإذن الله

ايوان هو بالظبط زي ما حضرتك قلت معروضه عليا وحالتها زي ما انا وصفتها مزريه بس الاساس كويس اوي، اوك انشاء الله هاتصل بالمشهندس والف شكر على تعبك