ايه هو سير الكاتينة وايه اللي يحصل لما يتقطع؟

**tabeb** · 18-04-2009 10:38 PM

يا شباب يا ريت حد يوضحلي ايه هو سير الكاتينة؟ ووظيفته ايه؟ ويحصل ايه لما يتقطع؟وامتي يتغير؟

**ahmed1981** · 18-04-2009 11:39 PM

لو إتقطع الصبابات تتكسر
بيتغير كل 40000 كلم

**evoo90** · 19-04-2009 02:09 AM

ده سير بياخد الحركه من عمود الكرنك يوديها لعمود التاكيهات اللى هو متركب عليه الصبابات او الصمامات ..

**casper1500** · 19-04-2009 04:08 AM

متهيألي ان الصبابات متتكسرش الا لو اتقطع و حولت تدور و السير مقطوع

**Ahmed Hassan** · 19-04-2009 04:34 AM

لو إتقطع الصبابات تتكسر
بيتغير كل 40000 كلم

مش كل المواتير بتكسر صبابات لما السير يتقطع. الصابات بتتكسر (وممكن البستم كمان) علشان بيخبطو في بعض لما سير الكاتينه بيقطع. فيه مواتير تصميمها ان مفيش اصلا تداخل داخل غرفه الاحتراق بين البستم و اصباب فمش بيخبو في بعض حتى لو البستم شغال و الصباب مفتوح على طول بسبب انقطاع السير

متهيألي ان الصبابات متتكسرش الا لو اتقطع و حولت تدور و السير مقطوع

.

لأ بتتكسر خصوصا لو ماشي على سرعه عاليه. بس طبعا التدوير بيزد الضرر في جمع الأحوال (في حاله الصباب و البستم اللي بينهم تداخل)

**ehab4367** · 19-04-2009 12:09 PM

حد يعرف بكام؟؟؟؟؟؟؟؟؟؟؟؟

**Sharaf2009** · 19-04-2009 10:15 PM

على حسب مكان عمود الكامات: فى بعض المحركات بيكون عمود الكامات اسفل المحرك(side cam mechansim) وده لا يتطلب سير كاتينه. البعض الاخر بيكون عمود الكامات اعلى الموتور (Over head cam mechansim) وده بيتطلب وجود سير من الكاوتش او كاتينه من الحديد لنقل الحركه من ترس على عمود الكرنك الى ترس مثبت على عمود الكامات .

اهم ما فى الموضوع ده هو ضبط التقسيمه او علاقة دوران عمود الكامات بالنسبه لدوران عمود الكرنك.

عمود الكامات مسئول عن فتح صمامات المحرك وده بيفسر كلام الاخ اللى بيقول ان السير لو اتقطع ممكن يسبب كسر فى الصمامات على اساس ان التقسيمه ها تخلف وهاتخبط الصمامات فى المكابس .... يعنى.

الخلاصه انك تعرف السير ده بيتغير على كام (كم) وتكون حريص انك تغيره قبل ميعاده علشان تضمن انك تكون فى السيف سيد.....

**ابو حسين** · 20-04-2009 03:48 PM

لو إتقطع الصبابات تتكسر

**ahmed azab** · 20-04-2009 04:08 PM

يسمي سير التوقيت نظرا لانه بينقل الحركة كما ذكر في توقيت متناغم بين حركة البستم في الاشواط و حركة الصبابات بين الفتح والغلق لادخال الوقود ليحترق وسحب العادم الناتج بدون تقديم او تأخير
وهذا مايحدث عند انقطاعه فيحدث ذلك الخلل في هذه العملية الميكانيكية الذي يؤدي الي تداخل في عمل البساتم والصبابات معا مما ينتج عنه مقابلة شديدة الحرارة بينهم تؤدي الي كسر احدهم او التوائه وانسي ان العربية تدور
بعض السيارات الكتينة فيها جنزير وليس سير كاوتش مثل الادا
علشان كدا تلاقي صوتها مشاء الله ايه مجلجل