### رابطه مالكى و عشاق الشاهين و الدوجان ###

**macsherif** · 21-04-2009 03:04 PM

الى كل من يمتلك سياره شاهين او دوجان
مهما كان رايه فيها مبسوط و لا زعلان
و حتى ان كان ما بين بين
من فضلك تحدث عن أسباب اعجابك بسيارتك الشاهين أو الدوجان
أو فضفض عن أسباب تعبك منها
أو من الآخر رأيك فيها مع ذكر الأسباب وراء هذا الرأى من خبرات
و أرجو من اداره المنتدى ان توافق على انشاء هذة الرابطه
لم فى هذا من نفع لكل مالكى هذا النوع من السيارات من أعضاء المنتدى من تبادل الخبرات
والتعارف فيما بينهم
حيث ان هذة السياره من اكثر السيارات شيوعا فى مصر و قد اثبتت جدارتها كسياره عمليه وحماله أسيه
و شكرا

**ahmedzizo131** · 21-04-2009 03:30 PM

الف الف مبروك على الرابطة ، و ربنا يوفقكم .
وعلى العموم احنا قرايب ( 131 و الدوجان و الشاهين )

**macsherif** · 21-04-2009 03:52 PM

الله يبارك فيك
و لو معندكش مانع تقول رأيك وخبراتك مع عربيتك
لأنى اسمع ان الشاهين نسخه معدله من فيات131 فى الميكانيكا و الريجاتا فى الشكل الخارجى
وشكرا لك

**ahmedzizo131** · 21-04-2009 06:12 PM

بكل بساطة عربية ذى الفل ، و الحمد لله عمرها ما قلت باصلها معايا .

**فادى** · 22-04-2009 12:37 AM

أنضم معكم الى الرابطة. باعتبارى مالك لسيارة شاهين 1600 موديل 2006,
و ده كان موضوع كتبته عن تقييمى للسيارة :
http://www.nilemotors.net/Nile/showthread.php?t=49586
بالمجمل سيارة ممتعة و جميلة و اعتمادية و متينة, عيبها الوحيد هو الراحة المنقوصة خاصة على الطرق السريعة, و هو ما لا يعتبر عيبا مزعجا بالنسبة لى.

**macsherif** · 22-04-2009 11:27 AM

المشاركة الأصلية كتبت بواسطة ahmedzizo131

بكل بساطة عربية ذى الفل ، و الحمد لله عمرها ما قلت باصلها معايا .

ربنا يباركلك فيها و كفيك شرها
و لكن أكيد فى حاجات بتعملها علشان كده هى بالمستوى ده من الأداء معك
يا ريت لو تقولنا برنامجك فى متابعتها و مبادئك فى الصيانه بمعنى هل تستخدم قطعه الغيار لحد ما تنتهى خالص ام لفتره تشغيلها الفترضه فقط

**Sherifmt** · 22-04-2009 11:30 AM

يسعدني أنضمامي معاكم انا معايا دوجان 1600 مكيفة موديل 93 انا من عشاق العربية الجامدة دي ودة يمكن لأن اول عربية أشتريتها كانت 124 سبور وبعدها 131 سبور والدوجان طبعا هي التطور الطبيعي لواحد غاوي سواقة رياضية زي حلاتي بجد عمرها ما قصرت معايا ودة يمكن لأن ايدي فيها باستمرار بس مشكلة العزل بين الحوض والصالون لكن بسيطة ... مبروك وعقبال ما نكون كام الف (:

**macsherif** · 22-04-2009 11:46 AM

المشاركة الأصلية كتبت بواسطة فادى

أنضم معكم الى الرابطة. باعتبارى مالك لسيارة شاهين 1600 موديل 2006,
و ده كان موضوع كتبته عن تقييمى للسيارة :
http://www.nilemotors.net/Nile/showthread.php?t=49586
بالمجمل سيارة ممتعة و جميلة و اعتمادية و متينة, عيبها الوحيد هو الراحة المنقوصة خاصة على الطرق السريعة, و هو ما لا يعتبر عيبا مزعجا بالنسبة لى.

أولا: أهلا بك وسعداء بوجودك
ثانيا : أهنئك على تقييمك العملى الواضح للسياره
ثالثا : أرجو ان تكتب من وجهه نظرك وانت واضح انك تعرف السيارة جيدا ماذا يمكن ان يضاف لها لأستكمال الراحه المنقوصه حسب تعبيرك و زياده الثبات وكل الجوانب التى أعطيت فيها السياره تقديرات ضعيفه

**macsherif** · 22-04-2009 11:53 AM

المشاركة الأصلية كتبت بواسطة Sherifmt

يسعدني أنضمامي معاكم انا معايا دوجان 1600 مكيفة موديل 93 انا من عشاق العربية الجامدة دي ودة يمكن لأن اول عربية أشتريتها كانت 124 سبور وبعدها 131 سبور والدوجان طبعا هي التطور الطبيعي لواحد غاوي سواقة رياضية زي حلاتي بجد عمرها ما قصرت معايا ودة يمكن لأن ايدي فيها باستمرار بس مشكلة العزل بين الحوض والصالون لكن بسيطة ... مبروك وعقبال ما نكون كام الف (:

مرحب بيك
و ربنا يباركلك فى العربيه و يعطيك خيرها و يكفيك شرها
و ممكن تكتب و تقولنا نظامك ايه فى صيانه العربيه و هل انت حاسس فعلا ان دى افضل طريقه ولا لأ

**macsherif** · 22-04-2009 01:01 PM

عربيتى شاهين 1995 موتور 1300 الموتور اللى قبل استخدام موتور التمبرا
أشتريتها من واحد قريبى و كنت انا ثالث يد و تاريخ الشراء شهر 9 / 2008
فى البدايه وأنا لسه بفكر فى شراء عربيه كنت محتار لأنى كنت عاوز عربيه يكون شاسيها بحالته وتكون 1600 سى سى علشان التكييف وكدة
ولكن ربنا بعت العربيه دى وكنت عارف انها عربيه كويسه لأن عارف ان قريبى ده بيحافظ على حاجته
ولكنى فوجئت انها 1300 سى سى
حاولت افلفص من الموضوع الا انى لم اجد سياره اخرى حالتها مثل حاله عربيه قريبى
الا انى بعد كده لقيت ان الموتور دة فعلا أصيل وبيستجيب معايا زى مانا عاوز
وبعد كده عملت فى العربيه شويه تعديلات سنتكلم عنها بالتفصيل
رايى فى العربيه انها عربيه ممكن تعمل فيها اللى انت عاوزه و قابله للتطوير و التعديل لحد كبير أكتر من أى عربيه تانيه و هذا اعتقادى