اكبر مقارنه للسيدان في تاريخ المنتدى

**asdy97** · 23-04-2009 12:54 PM

انا عامل مقارنه بين 8_ عربيات من ناحية المواصفات الفنية

اتمنى تفيد كل حد عايز يشتري و محتار بين العربيات

علشان بعد ميقرا المقارنه دى يبقى الاختيار عنده متوقف على الشكل اللي بيستريحله اكتر
طبعا المواصفات دى انا جايبها من مواقع و بورشورات السيارات فممكن تكون فيها حاجات مش دقيقه جدا او ممكن يكون في اختلاف المواصفات من بلد لاخر

اتمنى من كل اللي يدخل يكتب نوع العربية اللي يفضلها

**islamnabil** · 23-04-2009 01:13 PM

تسلم ايدك
مجهود جبار ربنا يبارك لك

**kareemhisham** · 23-04-2009 01:18 PM

الف شكر على تعبك ,,

**kimo-nubira** · 23-04-2009 01:23 PM

الف شكر علي المجهود والمقارنه الجامده

انا صوتي راح للجيتا لاني من عشاق العربيه ديه والالماني عموما

وياريت لو تقدر تدخل الباسات في المقارنه لانها عربيه بجد تستحق التقدير والاحترام

**Sameh** · 23-04-2009 02:05 PM

طباً الف شكر ، بس هل حضرتك متأكد من المعلومات التالية :
وزن الأوكتافيا 1460 و الكورولا 1635 ؟
تسارع 0-100 لانسر 1.5 فى 8.9 فقط ؟

**asdy97** · 23-04-2009 02:20 PM

المشاركة الأصلية كتبت بواسطة Sameh

طباً الف شكر ، بس هل حضرتك متأكد من المعلومات التالية :
وزن الأوكتافيا 1460 و الكورولا 1635 ؟
تسارع 0-100 لانسر 1.5 فى 8.9 فقط ؟

و الله يا استاذ سامح انا نقلت اللي مكتوب في الكتالوجات و في التقارير اللي على النت فممكن تكون الارقام دى تبع نوع معين من العربيات او تحت ظروف معاينه ممكن يكون الاوكتافيا فاضية وزنها كدة و الكرورلا وزنها مليان يعني بعد متملى الشنطة بتاعتها و بعدد الركاب لان الاوكتافيا وزنها اكيد اتقل من اليباني كله بس انا نقلت الكلام دة من المواقع اللي عامله تقارير عن العربيات و من كتلوجات العربيات زي مقلت قبل كدة فلو في رقم غير منطقي عديهالي

**asdy97** · 23-04-2009 02:37 PM

المشاركة الأصلية كتبت بواسطة kimo-nubira

الف شكر علي المجهود والمقارنه الجامده

انا صوتي راح للجيتا لاني من عشاق العربيه ديه والالماني عموما

وياريت لو تقدر تدخل الباسات في المقارنه لانها عربيه بجد تستحق التقدير والاحترام

السلام عليكم

و الله من كتر احترامي للباسات اتكسفت احطها في المقارنه دى لاني بشوفها عربية اعلى من العربيات دى و مينفعش تتقارن بيهم هى عبها الوحيد انها 1600 في مصر لكن في خارج مصر متورها اكبر بكتير و ادائها اعلى بكتير

الباسات دى تتقارن مع بي ام و مرسيدس و فولفو دة رنجها لكن العربيات اللي انا حاططها في المقرنه اعتقد و دة راي شخصي انها كلها في نفس الرنج من ناحية الاداء و المواصفات و الواحد لو بيشتري عربية في الرنج دة بيكون في حيرة لانهم مواصفتهم قريبين من بعض جدا