الموضوع: استفسار عن اجزاء موجوده بصورة ماتور

طبعا مش ليا حد اسئله غير اعضاء المنتدى دايما مش بيبخلوا بالمعلومات علينا
وانا بدعبس على الانترنت لقيت صورة لماتور عربيه 131 زى عربيتى بس فيه بعض الاختلافات عن الموجود عندى
الصورة


ملاحظ فى الصورة ان فيها اختلافات عن الماتور اللى راكب عندى
1- الجزء اللى بيتحط فيه الابلتين والكوندسر(اعتقد ان اسمه اسبراتير يا ريت حد يصحح ليا) مكانه متغير عن اللى عندى
2- الكربيراتير فيه جزء زياده فيه عن اللى عندى وهو الجزء المجاور للماتور
3- فيه حاجه تحت الكربيراتير تشبه الدينامو بس ده حجمه اكبر من اللى عندى كبير وكمان مكانه متغير المفروض عندى يبقى فى الناحيه التانيه
4- فيه حاجه زى الريداتير بس اصغر موجوده جنب الريداتير فهل ده هو التكييف ولا ايه و له وصله واحده داخله على الكابينه
5- فى سلكين او خرطومين تخان طالعين من الكابينة و نهايتهم عند محول او حاجه زى كده ( عندى فى المكان ده الموبينه)

عاوز اعرف الاختلافات دى ايه مع العلم ان ماتورى 2 كامه برضه

شكرا يا استاذ احمد على التوضيح بس ليا بعض الاستفسارات
العربيه ذى الى عندك بس الجزء الى جنب الموتور ده الكربيراتير بس من غير العمة
واخد بالى ان الكربيراتير من غير عمه وكان قصدى على جسم او حاجه متركبه فى الكربيراتير من ناحيه الموتور شكلها زى طبق صغير مقلوب ما بين الكربيراتير و مكان الكامات