لمبة البطارية عندها نشاط زائد

**eslamspirit** · 25-04-2009 01:00 PM

السلام عليكم يا رجال المنتدى
كان عندي استفسار بسيط في 128
لية لمبة الدينامو في التابلوة مش بتطفي الا لو دوست بنزين
يعني لو دورت عادي بالمفتاح فقط (زي الناس الطبيعين) تدور بس اللمبة تفضل شغالة و لو سيبتها لتاني يوم
لاااااازم دوسة البنزين..
افيدوني افادكم الله

**angel_man100** · 25-04-2009 01:47 PM

انا عندى نفس المشكله فى العربيه عندى مع انى مغير قاعده سليكونات وسير جديد ورلمان بلى جديد وكتاوت جديده وكله جديد فى جديد والمشكله دى عندى برضو ياريت الأعضاء يقولو لينا دى مشكله ولا طبيعى وملحوظه انا عليت السلانسيه وزى ماهى لازم تدوس بنزين عشان تطفى

**samirayad** · 25-04-2009 01:58 PM

أعتقد الحاله دى .....بسبب عدم شد سير الدينامو بطريقه صح .

_ وتلاقى السير كمان بيصرخ فى بداية الدواره .....

_ على أساس لما بيكون السير مبوش شويه بيكون خرج الدينامو لسه ضعيف .....ومش قادر يعمل قصر كهربى على اللمبه ويطفيها ( والبطاريه هى اللى بتكون لسه مشغله اللمبه ).............

_ ولكن لما بدوس بنزين سرعة الدينامو بتزيد ....وبالتالى خرج الدينامو (وبالذات الأمبير بتاعه )......ولحظه مابيزيد الأمبير اللى خارج من الدينامو عن الأمبير بتاع البطاريه ( هنا بقه بيحصل القصر الكهربى على اللمبه وبتنطفى )والخرج بتاع الدينامو بيكون رايح بعد كده لتعويض فقد البطاريه بسبب الدواره + تشغيل جميع المكونات الكهربيه الأخرى .......

_ من الآخر......مطلوب شد سير الدينامو شويه.......ودمتم

**bassem.naguib** · 25-04-2009 02:31 PM

ممكن يكون السير بتاع الدينامو عاوز يتشد شوية .. أو ممكن تكون المشكلة في سليكونات الدينامو ..

بس لازم تكشف على شحن الدينامو علشان ميأثرش على البطارية .

**bassem.naguib** · 25-04-2009 02:34 PM

المشاركة الأصلية كتبت بواسطة angel_man100

انا عندى نفس المشكله فى العربيه عندى مع انى مغير قاعده سليكونات وسير جديد ورلمان بلى جديد وكتاوت جديده وكله جديد فى جديد والمشكله دى عندى برضو ياريت الأعضاء يقولو لينا دى مشكله ولا طبيعى وملحوظه انا عليت السلانسيه وزى ماهى لازم تدوس بنزين عشان تطفى

في الحالة دي .. وبعد قياس شحن الدينامو أنه تمام .. يبقى تشيك على اللمبة اللي في التابلوة لأنها ممكن تكون ملمسه فمنورة على الفاضي .. مش لمدلول معين .