الموضوع: علبة الديريكسيون والاسكاترا وحقيقة الامر

حضرتك رحت اي توكيل بالضبط؟؟ و المهندس اللي اتعاملت معاه اسمه ايه؟ لأن كده بصراحه تهريج و موضوع ميتسكتش عليه

حبيبى علبة الديريكسيون والاسكاترا هما اسمين لشئ واحد ،لو انت بتتكلم عن صنى شكل 2002-2008 فانا عارف انا بتكلم عن ايه بالظبط، هطلب منك 3 اشياء تعملهم

1- اقرا الموضوع ده https://www.nilemotors.net/Nile/69-4.html علشان تفض الاشتباك اللفظى بتاع السكاترا ده

2- هات لى العربية مدينة نصر وانا هظبطلك علبة الديريكسيون(السكاترا علشان خاطر اسيادنا الميكانيكية ميزعلوش) بنفسى وبدون مقابل

3- لما تجيب لى العربية هصور لك مكان المسمار بالظبط بالموبايل علشان تاخد الصورة تحطها فى عين اى جاهل بيفتى وهو مش فاهم حاجة او نصاب عايز ياخد منك مصاريف صيانة من غير ما يشتغل

انا مش بتكلم عن حاجة اتحكت لى او قريتها او سمعت عنها، انا بتكلم عن حاجة عملت بايدى اكتر من مرة

ودى يا عم رسمة علبة الديريكسيون(اسف قصدى اسكاترا بدل ما اولياء الله المكيانيكية يتهمونى بالخطأ فى المقدسات) بتاعة الصنى، قصيتها لحضرتك من مانيوال صيانة الصنى ورفعتهالك مخصوص على النت وفيها سهم مبين مكان المسمار اللى يبدو انه مش بيظهر لحد غير انا واللى عمل كتالوج صيانة النيسان، زى هاميس اللى محدش كان بيشوفها غير رشدى اباظة بس



كارثة ميكانيكية مصر انهم مثال صارخ لمصيبتنا الشهيرة اللتى تتلخص فى ان اللى مبيعرفش بيتكسف يقول معرفش ومش بس يفتى وهو مش مش فاهم، لا كمان يتريق على اللى جايبله معلومة صح

طيب التيدا عاندى نفس المشكلة الدركسيون مش مظبوط خالص بمعنى انه مالهوش مكان ارتكاز وطبعاً فى المطباط بسمع صوت تخبيط من الدركسيون او علبة الدركسيون

المشاركة الأصلية كتبت بواسطة karaktar

طيب التيدا عاندى نفس المشكلة الدركسيون مش مظبوط خالص بمعنى انه مالهوش مكان ارتكاز وطبعاً فى المطباط بسمع صوت تخبيط من الدركسيون او علبة الدركسيون

غالبا نفس الشئ، والتيدا بدورها لما مسمار ريجلاش هى الأخرى لأنى بصيت عليه فى مرة وحيدة اتيح ليا فياه انى اشوف التيدا من تحت

روح لحد يقفلهولك شوية، بس روح لحد بيفهم الله يرضى عليك

المشاركة الأصلية كتبت بواسطة sab3aawy

غالبا نفس الشئ، والتيدا بدورها لما مسمار ريجلاش هى الأخرى لأنى بصيت عليه فى مرة وحيدة اتيح ليا فياه انى اشوف التيدا من تحت

روح لحد يقفلهولك شوية، بس روح لحد بيفهم الله يرضى عليك

معنديش غير التوكيل همه اللى بروحلهم

المشاركة الأصلية كتبت بواسطة sab3aawy

حبيبى علبة الديريكسيون والاسكاترا هما اسمين لشئ واحد ،لو انت بتتكلم عن صنى شكل 2002-2008 فانا عارف انا بتكلم عن ايه بالظبط، هطلب منك 3 اشياء تعملهم

1- اقرا الموضوع ده http://www.nilemotors.net/Nile/showthread.php?t=69 علشان تفض الاشتباك اللفظى بتاع السكاترا ده

2- هات لى العربية مدينة نصر وانا هظبطلك علبة الديريكسيون(السكاترا علشان خاطر اسيادنا الميكانيكية ميزعلوش) بنفسى وبدون مقابل

3- لما تجيب لى العربية هصور لك مكان المسمار بالظبط بالموبايل علشان تاخد الصورة تحطها فى عين اى جاهل بيفتى وهو مش فاهم حاجة او نصاب عايز ياخد منك مصاريف صيانة من غير ما يشتغل

انا مش بتكلم عن حاجة اتحكت لى او قريتها او سمعت عنها، انا بتكلم عن حاجة عملت بايدى اكتر من مرة

يا سبعاوي انت عارف ان الميكانيكيه بيطلع منهم افتكاسات كتير غريبه.. بس اللي اقدر اقولهولك ان العربيه النيسان دي مراحتش و لا لميكانيكي و لا التوكيل (وفي الغالب العربيه مش موجوده اصلا) فكبر دماغك