الموضوع: اسئلة عن السلبيات الناتجة عن إستخدام "جير" غير مناسب للسرعة و عن الــEngine Braking

شكراً يا أستاذ أحمد دائما بستفيد من حضرتك :)

لما تكون على نقلة عالية زي الخامس مثلاً وتهدي الحمل بيزيد على الموتور
وبتحس بهزة وتصفيق أحياناً
وقتها يا تمور الفتيس يا تنزل نقلة
كلام مظبوط...

اولا اسئلة حضرتك مش بسيطه زى مانت فاكر ... دى اسئله بتمس اساس تصميم السياره

علشان تقدر تحرك السياره كجسم على طريق(انا باتكلم عن ديناميكا) فى بداية الحركه بتكون محتاج الى قوة كبير وكل ما سرعة السياره تزيد كل ما القوة المطلوب لدفعها بتقل ويجب تحويل هذه القوى الى تسارع. وبالتالى فان العلاقه بين القوى المطلوبه لدفع السياره وسرعتها علاقه عكسيه (كل ما سرعه السياره تزيد كل مل كانت القوى بتقل). اللى بيحقق ده هو الموتور الكهربى الـ دى سى علشان كده فى معظم السيارات الكهربيه تلاقى ما فيش صندوق تروس.

لسوء الحظ انهم اول ما اخترعو محركات الاحتراق الداخلى لاقو ان خصائص عزم المحرك مع السرعه غير مناسبه تماما لمتطلبات قيادة السياره وعلشان كده تم تصميم صندوق التروس.
لو لاحظت فى صندوق التروس هاتلاقى مجموعه من الغيارات من الاولى الى الرابع او الخامس. على الاول بيكون العزم الخارج من الفتيس كبير بينما السرعه صغيره وده بيناسب حركه السياره عند سرعات صغيره واللى بيحقق ده هو نسبة تخفيض الترس. كل ما تنقل سرعة التعشيق للفتيس (التانى - الثالث.....) بتقل نسبة التخفيض وبيقل معاها العزم الخارج وفى نفس الوقت نقص العزم يقابله زيادة فى سرعة دوران الفتيس وبالتالى سرعة السياره

ومن الطريف انك لو بصيت من جوا الفتيس هتلاقى ان شكل التروس (مجموعة الشجره) واخده شكل السلم اللى بيحقق نفس الغرض.

طيب نرجع لسؤالك لو سايق العربيه واختارت نقله فتيس غلط ايه اللى يحصل؟ اولا مش هاتاخد من المحرك الخارج اللى يحقق طلبك كمثال لو انت طالع مطلع (يعنى عايز عزم كبير) ونقلت على الخامس مثلا او الرابع فى الحاله دى العربيه مش ها تستجيب ومش هاتطلع مما يجبرك على نقل الغيار لغاية ما العزم يزيد . الحاجه التانيه ان ممكن يحصل اجهاد على صندوق التروس او تاكل فى مجموعة الغوايش علشان كده بتسمع صوت صرخه من الفتيس. او العكس ان يبقى فيه رجرجه فى المحرك وممكن يبطل منك.

الحاجه الاخيره اللى انا عايز اضيفها هو توقيت نقل الغيار سواءا كا ن من ترس اقل الى ترس اعلى او العكس: الموضوع ده كبير جدا وفيه دراسات كتيره لانه بيؤثر على اداء السياره - استهلاك البنزين - استهلاك المحرك نفسه. وبيعتمد على خبرة السائق نفسه الخلاصه لازم تخلى ودنك مع صوت المحرك وعينك على عداد rpm لغاية ما تتقن السواقه. يعنى لو حسيت ان الموتور صوته زاد اوى يبقى لازم تنقل للغيار الاعلى والعكس لو حسيت ان فى رجرجره وصوت الموتور وطى يبقى لازم تنقل على الغيار الاقل ... لغايه ما تخلى خارج المحرك فى وضع يناسب اللى انت عايزه العربيه تعمله

http://www.nilemotors.net/Nile/showthread.php?t=47308

ما هي السلبيات الناتجة عن إستخدام جير او نقلة غير مناسب(ة) للسرعة اللي العربية ماشية عليها .. مثال: اكون ماشي على الرابع (55-75كم) و اكون مضطر انني اهدي سرعني لــ40 كم مثلاً ... ساعات بيحصل و اروح مكمل عالرابع ( و دا من لبختي على فكرة في الطريق ) ... اية الأضرار اللي ممكن تحصل للعربية نتيجة حركة زي دي ؟؟

بمعنى إنك كسلت ترجع نقلة في الفتيس
في الحالة دية بيحصل تحميل كبير على الموتور وأجزاؤه
لذلك يفضل تنزل نقله بالفتيس لتفادي المشاكل

لكن لو إتلبخت متكبسش بنزين جامد وتسارع واحدة واحدة

الكلام دة صح بس كمان انت كدة بتزود من استهلاك البنزين مع تكرار الحركة دي كتيير
وخلينا نرجع للاصح انك مفروض تمشي علي سرعة كل غيار تمام

مش عارف اسمها اية بالعربي) بس الأعضاء الأفاضل تفضلوا شاكرين و اوضحوا انه من الأفضل ان الواحد يهدي العربية من غير ما "يمور" او بمعنى آخر يخليها معشقة و هو بيهدي بالفرامل عشان تكون العربية اسرع في التوقف و تقليل الحمل على الفرامل ... طب فرضاً اني ماشي بالخامس على طريق سريع و قدامي مطب و المفروض اني اهدي من سرعتي .. اللي بعمله انى بدوس فرامل و انا مخلي العربية على الخامس لكن لاحظت ان لما سرعتها بتقل اوي بيكون فيه حاجة غلط .. مش عارف بحس انها عايزة تسقف ( الكلام دي لما بقل عن 50 كم كدا ) ... اللي بعمله , اني لما اقلل من سرعتي لحد 60 كم ( و انا لسة عالخامس ) اروح ممور و اكمل باقي مشوار التهدية بالفرامل بس ... ممكن حد يفيدني دا بيحصل لية ؟ او يكون في طريقة تانية لموضوع الـengine braking غير الغيار العكسي لأني مش متمكن من

علي فكرة انا رأيي غير الاخوة الافاضل في المنتدي
لان فرامل الماتور بتحمل تحميل مباشر علي الاسطوانة وديسك الدبرايج
الي هية مسؤلة عن نقل الحركة من الماتور للعجل
ومع استمرار هذا النوع من فرملة الماتور طبعا بتقصر عمر الديسك والاسطوانة
يعني التوفير في التيل هيكون مدفوع في الديسك والاسطوانة
وعلي الكبالن لو العربية شد امام
وخلينا نرجع للاصح مفروض لما تدوس فرامل تفصل حركة الماتور عن العجل

وبعدين مش عوزين ننسي ان الماتور بيوصل لمرحلة معين من الفرملة ويبدأ يقاوم الفرامل علشان مش بطفي
يعني في الحقيقة هو بيزود من استهلاك تيل الفرامل وفترة الوقوف
ودة رأيي والله اعلم