سؤال في الانجيكشن

**dr_abooody** · 02-05-2009 06:44 PM

هل صحيح معظم السيارات الجديدة الانجيكشن لما يتعمل فيها اس صيانة او اي حاجة بسيطة حتى و لو فصلت كابل البطارية

بتحتاج تظبطها على جهاز كمبيوتر عشان تظبط الانجيكشن مع الباور مع الفرامل ؟؟

و اية حكاية ان الكمبيوتر اللي في كل عربية و اسمع ان الواحد ممكن يفصل الكمبيوتر دة ؟؟

يا ريت حد يفهمني

**samirayad** · 02-05-2009 07:40 PM

_ السيارات الحديثه بتزود بوحدة تحكم الكترونى ( اللى بيقولوا عليه الكمبيوتر )........وهو ده العقل المدبر للتحكم فى آداء السياره ( سواء محرك أو فتيس أو أى opitions ) حسب التصميم بتاع السياره...............................

_ داخل الكمبيوتر ده بيوجد البروسوسور ومجموعه من الدوائر الألكترونيه ( كل دايره خاصه بمراقبة آداء معين فى العربيه )...........

_ لغة التخاطب بين وحدة التحكم والعناصر اللى فى العربيه فى أى مكان ( حساسات الأشاره ).....هى الأشارات فى صورة فولت كهربى أو تغير فى المقاومه بتاعة الحساس ده وهكذا.........

_ الأشارات دى لما بتروح لوحة التحكم بيتم التعامل معها .....ومقارنتها بالقيم المثاليه المخزنه داخل وحدة التحكم فى دواير الكترونيه معينه.........

_ وحدة التحكم بتعمل أثاره أو تهييج معين لنواقل أشاره منها الى الأجزاء اللى فى العربيه ( محرك بلف الأيدل _ سولونيد رشاش وهكذا )..........

_ كل ده بعد مابيتم مقارنة الأشارات اللى جايه للوحده مع القيم المخزنه داخلها عند ظروف التشغيل المعينه ..................

_ ومن هنا بيتم التحكم فى الآداء ...............

_ وحدة التحكم بيلزم لها بصفه دوريه تغذيه كهربيه من البطاريه ( سواء العربيه مجرشه أو شغاله ).....لجعل الذاكره بتاعتها دايما جاهزه لأى أجراء مطلوب من وحدة التحكم ....والا ممكن يحدث خلل فى عمليه التحكم .........

_ دايما لما بنحتاج لعمل صيانه معينه ( زى تغيير حساس _ أو بلف الأيدل وهكذا ) ومع تواجد فصل لبطاريه بيجب عمل أعادة تنشيط لذاكرة وحدة التحكم ......وبالذات لعدم التأثيرعلى سرعة السلانسيه ....وحدوث خلل فى عملية التحكم ....

_ دى صوره مبسطه وعلى السريع عن عمليات التحكم الألكترونى........لأن ده فيلم كبيييييييييييير

_

**ابو حسين** · 02-05-2009 08:53 PM

الف شكر رررررررررررررررر

**samirayad** · 02-05-2009 09:01 PM

المشاركة الأصلية كتبت بواسطة ahah

الف شكر رررررررررررررررر

الله يخليك يا أخى وشكرا للزملاء على الدعم ......وأخص بالشكر أخى الفاضل ( المهندس : خالد )

**Michael_Lanos** · 02-05-2009 09:10 PM

اظن ده اللى بيسموه Ideal Learn
وكان محمد ممدوح شارحه ليبنا يا بنوع الدايو ومش عارف ينفع لكل العربيات ولا لاء

وادي لينك الموضوع والطريقه السهله
طريقة تنظيف الايدل كونترولر
http://www.nilemotors.net/Nile/showthread.php?t=70279

طريقة عمل الايدل ليرن
http://www.nilemotors.net/Nile/showthread.php?t=71086

**sab3aawy** · 02-05-2009 09:11 PM

السيارت ذات الحقن الالكترونى اللى احتا بنستعملها لا علاقة فيها لكومبيوتر المحرك بالفرامل ولا بالباور ستيرنح، الباور ستيرنج فى العربيات العادية بتاعتنا منظومة ميكانيكة هيدروليكية(باستثانء بعض السيارات التى بدأت تظهر فى اسواقنا بدعم كهربائى للباور عوضا عن الدعم الهيدروليكى ، وهى لا تزال اعداد قليلة من السيارات) ، ومثلها الفرامل، وحتى بالنسبة للسيارات التى يوجد بها نظام نوجيه مدعوم بمحرك كهربى(باور كهربا) او فرامل بتحكم الكترونى لمنع غلق المكابح(anti brake lock system-ABS) او توزيع الكترونى للكبحelectronic brake distribution-EBD فوحدات تحكم هذة المنظومات تكون وحداات منفصلة تماما عن كومبيوتر المحركECU engine control unit ، يعنى باللغة البلدى بتاعتنا كل حاجة من دول لها كارتة لوحدها، فصل البطارية فى بعض السيارات ربما يؤدى الى فقد بعض المعلومات من وحدة كوبيوتر المحرك مثل معايرة التى بى اس او معايرة سرعة السلانسية، وحتى فى هذة الحالة فان الكومبيوتر يقوم بتصحيح اوضاعه اوتوماتيكيا بعد مرة او مرتين تدوير للسيارة لانه يقوم بعمل عملية learning مبسطة لهذة الاشياء كل عدة مرات تدوير للمحرك، وفى السيارات الأحدث فان فصل البطارية لا يؤدى الى فقد المعلومات حيث انها تكون مسجلة على ذاكرة لا تنمحى بفصل التيار ، سواء من نوعية EEPROM elecrically ereasable programable read only memory او من نوعية flash memory مثل تلك التى نحتفظ بها لنقل البيانات من كومبيوتر لآخر، وبالتالى فانه فى معظم السيارات فصل البطارية طالما تم بطريقة صحيحة(الأرضى يفصل قبل الموجب ويوصل بعد الموجب) لا يؤدى لأى مشكلة من اى نوع، واقصى ما يمكن ان يؤدى اليه هو ان عدم الحصول على اداء امثل للمحرك لعدة مرات تشغيل حتى يقوم المحرك بعمل learning للحساسات التى تحتاج الى ذلك ، غير انه فى بعض الأجيال الأولى من السيارات الفاخرة المعتمدة على تكنولجيا الكترونية معقدة تعتبر قديمة بالمقارنة بما هو متوافر حاليا، كان فصل البطارية يؤدى بالفعل الى مشاكل جسيمة فى التشغيل، من هذة السيارت مثلا مرسيدس كلاس S موديلات اوائل التسعينات(الشبح)، لكن بالنسبة للسيارات الموجودة فى ايدينا حاليا فاعتقد ان هذة المشكلة اصبحت جزءا من الماضى

**Sharaf2009** · 02-05-2009 10:17 PM

شكرا لصاحب الرساله...شكرا للمهندس سميروالمهندس سبعاوى

أحب أعلق على موضوع الذاكره وانواعها.
بتحتوى وحدة التحكم على انواع من الذاكره زى اللى موجوده فى الحاسب الشخصى بالضبط كما يلى:

ROM او Read only Momery النوع ده من الذاكره للقراءه فقط وده زى كتاب الاوامر المستديمه وعليه جميع التعليمات والبرامج اللى المصنع وضعها ودى لا تتاثر بانقطاع التيار الكهربى ومافيش حد يعرف يكتب عليها (يعنى يبرمجها) الا المصنع نفسه والبيانات المسجله عليها بتحدد كيفية تصرف نظام الحقن خلال ظرووف التشغيل المختلفه.

random access memory : RAM النوع ده من الذاكره بيتاثر بانقطاع التيار الكهربى ويستخدم لتخزين البيانات المقرؤه بواسطة الحساسات

PROM - EPROM وهى انواع من الذاكره يمكن الكتابه عليها وده معناه ان فى جزء من ذاكرة وحدة التحكم يمكن برمجتها وده بيقى مفتوح فى نظاق ضيق للغايه

الحاجه التانيه: ان فى اجيال كتيره من انظمة الحقن الالكترونى الفرق بينهم هو كيفية تفاعل وحدة التحكم مع أنظمة السياره المختلفه زى (منظومة الاشتعال - ABS - AT) وخلافه

**ابو حسين** · 03-05-2009 07:17 PM

ربنا يبارك لك يا باشا

**sheeko00** · 05-05-2009 02:54 PM

موضوع جامد

**محمد فريد** · 13-05-2009 10:34 PM

معلش سؤال على السريع

هو لو البطارية فكيت + بس عشان اغير مكون من المكونات
عادى؟
انا عملت ايدل ليرن وكله تمام

الموضوع: سؤال في الانجيكشن

LinkBack

أدوات الموضوع

عرض

سؤال في الانجيكشن - انشر الموضوع فى :

-

-

-

-

-

-

المواضيع المتشابهه

تنظيف الانجيكشن

لمبة الانجيكشن

الكربيراتير أم الانجيكشن؟؟

الانجيكشن

الانجيكشن

الكلمات الدلالية لهذا الموضوع

المفضلات

المفضلات

ضوابط المشاركة