الموضوع: علاقة كهرباء الاسبراتير بإرتفاع الموتور

تعليه المحرك فى السلانسيه لا تحل محل ضبط الكهرباء، ضبط الكهرباء هو الاجراء الأساسى لضبط اداء المحرك حتى يعمل بدون تسقيف وبدون تقصير، اما تعليه السلانسيه فهو مجرد اجراء مكمل لتعويض اثر ضبط الكهرباء، ويمتد اثر اجراء ضبط السلانسيه لفترة تشغيل المحرك على السلانسيه فقط ولا دخل له باداء المحرك بمجرد ان تضغط على دواسة الوقود

المشاركة الأصلية كتبت بواسطة maha2maha2000

شكرا يا عم سبعاوي علي الرد
معلش سؤال كمان يا عم سبعاوي هو أنا أعرف منين ظبطة الكهربا بتاعت العربية
عشان في كهربائي رحتله عشان المارش بيعلق قالي ده عيب كهرباء العربية واخدة كهربا زيادة
و الميكانيكي بيقول كده مظبوطة عشان تدور إيه الحل

ظبطة الكهرباء المثالية هى اللى تخلى الموتور لا يسقف ولا "يغوف" (يعنى يتأخر فى التسارع، والوصول لها بيكون انك بتعلى الكهرباء وتجرب السيارة، لو مش بتسقف يبقى على حبة كمان وجرب، وهكذا، لحدا ما تبتدى تسقف منك ونت ماشى تقوم تنزلها الى اخر وضع كانت مش بتسقف فيه وتقفل على كدة، ميكانيكية كتير بيظبطو العربية على الواقف وعاملين فيها خبراء، واول ما تمشى بيها تلاقيها بتسقف ، انا فى رأييى ان ضبط الكهرباء على الواقف ده ضرب من ضروب دهان الهوا دوكو، لازم العربية تتعلى وتتجرب على كل الغيارات لحد ما نطمن انها مش بتسقف، لذلك انا طول عمرى لما كان بيكون معايا سيارة ذات ضبط كهرباء يدوى(حتى هذا اللحظة معايا واحدة-سوزوكى ماروتى خاصة بالسيدة زوجتى-لأن كل السيارات الحديثة ذات الحقن الألكترونى تضوم بضبط كهربائها الكترونيا ) بظبطها بايدى على التجربة وامشى بيها واجرب، لذلك افضل انك تظبط عربيتك بايدك، والموضوع سهل لا يحتاج سوى الى مفتاح 13 لو كانت عربيتك اوروبية او مفتاح 12 لو كانت عربيتك اسيوية

المشاركة الأصلية كتبت بواسطة maha2maha2000

شكرا يا استاذ سبعاوي مرة تانية
بس هو في علاقة فعلا بين دوران العربية و تأخير أو تقديم الكهرباء
يعني لو وطنا الكهرباء ده يخلي العربية تدور بصعوبة و هل ليه علاقو برقم الأوكتاب بتاع البنزين المستخدم

الكهرباء لو وطيت اكثر من اللازم او عليت اكثر من اللازم لا يدور المحرك