الموضوع: أجهزة كشف الرادار إلي بتشتغل في مصر

المشاركة الأصلية كتبت بواسطة mshamy

سؤال حضرتك ده خاص بجهاز الكوبرا و ده انا لم أعد أستخدمة منذ أن اشتريت ال v1 اللي بيشتغل بنظام مختلف كالأتي:
1- نظام يكشف لحضرتك جميع الترددات بدون إستثناء all

2-نظام منطقي logic
3- نظام منطقي متقدم advanced logic
و باستخدام النمط المنطقي يبقى انا بأترك للكومبيوتر الخاص بالجهاز عملية تحديد إذا ما كان هناك رادار أم لا

اخى الفاضل ممكن اعرف ال sofware version لجهازك ال v1 و هل ده بيفرق لان فيه من اول 1.7 ال 3.8
و ايضا هل جهازك معدل لل euro mode
ياريت تفيدنى لانى انوى الشراء قريبا

المشاركة الأصلية كتبت بواسطة mshamy

الجهاز بتاعي لسه جايبة من حوالي 4 اشهر Euro Specs وكنت أعتقد انه أخر حاجة نزلت وعلشان أتأكد دخلت على الموقع الخاص بالصانع لقيت عندهم إمكانية التأكد من تحديث السوفت وير عن طريق الرقم المسلسل و لما كتبته طلعتلي الرسالة الأتية" Radar Circuitry known in-house as V1.8-Pop2 with Euro Mode. This is our latest and best performer on both radar and laser . Upgrade Recommendation: You already have our best."


وبناء عليه تأكدت انه فعلا أحدث إصدار من الشركة

شكرا لك على الرد ولغايه الان لا أعرف هل اشترى من موقع الشركه او من ال eBAY
لان موقع الشركه مش معروف الاصدار عاما سوف احدد الايام القادمه
تحياتى لك

انا رأيي الشخصي جدا ان الكلام ده كله مخالف للدين وللقانون لانه بيسمح للمخالف انه يفلت من العقاب . عاوزين ربنا يسترها معانا علي الطريق .. شكرا

المشاركة الأصلية كتبت بواسطة toola

يا ريت يا جماعة ماندخلش الدين فى كل حاجة, غير لما الحكومة تعمل رادار عشان تتربح منه هى و بعض من ضباط الشرطة و كثير من أمناء الشرطة الاعزاء مش عشان الحد من السرعة يبقى تستاهل انى اتحايل للافلات من العقوبة (و الا مكنوش يحطو الرادارات على الطريق السريع فى الأماكن ذات السرعة القصوى 60 كم, أو مثلن ينقى أجدعها منزل و يحطلك عليه الرادار), و هل يا ترى العقوبة هتتنفذ على ضباط الشرطة ووكلاء النيابة و أقاربهم و أصدقائهم و حبايبهم ولا على الملهوش ضهر بس.

انا عايز اقول لحضرتك ان قسم ادارة المرور هو أكثر الأقسام جاذبية لضباط الشرطة حاليا, و ذوى الحظ السعيد الربنا يكرمهم و يتعينوا فيه.

حضرتك هديك مثل بسيط, تعالى امشى فى عباس العقاد و اقف فى أى يوم بليل عند دخلة جنينة مول, دايما فى كام واحد بيوزهم الشيطان و يلفوا عكسى عشان يخدوا شارع جنينة مول من اولو, هتلاقى فجأة الارض انشقت عن 2 أمناء شرطة يوئفوق و يسئلوا على الرخص و يفضلوا يحوروا عشان يخضوا ال فيه النصيب, اللطيف فى الموضوع انهم أساسا أمناء أمن عام و ليسوا مرور أساسا (زى البيركبوا فى سيارات الدورية, أو دايما تلاقيهم زمان كانوا بيتمشوا غى الشارع من اجل الحفاظ على أمانه و لكن دلوقتى مبيظهروش خالص تلاقيهم بيسترزقوا غى أى حتا) و بالتالى ليس لهم الحق فى السوأل عن الرخص او حسابك على أخطائك المرورية, دول أخرهم يشوفوا بطاقتك وانتى ماشى على رجليك فى الشارع أو لو لقوك واقف بتعمل حاجة بطالة كف الله الشر فى العربية.

غير أنا مش فاهم الاخوة الضباط و الامناء البيستنوا الناس تدخل عكسى و بعدين يوقفوهم و يابسوهم 1000ج مخالفة, اليس من الأولى لتطبيق النظام وقوف عسكرى لمنع الدخول العكسى, ولا لازم أستنى اليغلط عشان أعقبوا و أنا فى ايدى امنع الغلط على الأقل فى 80% من الحالات

سيدي الفاضل: ارجو ان تتقبل مني هذه النصائح
1- الدين لازم يدخل في كل حاجه .. ولما بنقول الدين مش قصدي الاسلام بس لا كل الاديان السماوية لان كلها بتحرم الاضرار بحياتك وحياة الاخرين
2- كون ان في ناس بتفلت من العقوبة او بتعمل شيء مخالف ده ما يعطيناش الحق اننا نعمل زيهم او نحاول نتساوي بيهم في الغلط
3- الاحهزة اللي زي دي بتدي صاحبها جرأه كبيرة مش انه يتجنب غدر الشرطة زي ما حضرتك بتحكي بس كمان تمادى في الغلط ورأيي ان الاجهزة دي ضررها اكتر بكتير من نفعها
المثال اللي بتحكي حضرتك عنه يستاهل اللي يجراله لانه حتي لو الامناء بيرخمو عليه فلانه هو اللي ادالهم الفرصة
الواحد يا جماعة (بعد الشر يا رب عننا كلنا ) لو جراله اي حاجه بس السرعة هيحس فعلا بقيمة الكلام ده
مع العلم اني بمووووووووووووت في الجري .... بس الحمد لله ربنا هداني
ربنا يهدينا جميعا..
د. احمد

25 % من مخالفات الرادار هى نتيجه عدم ضبط الاجهزه و معايرتها بصفه دوريه و النسبه دى فى امريكا , تفتكر فى مصر تبقى كام
هناك فرق بين مخالفه القانون و مخالفه الدين
ومش معنى ان واحد مركب جهاز كشف رادار انه سوف يستعرض به فده شغل عيال صغيرين
لكن لما عملك يستلزم تنقلك المستمر بين المحافظات ولما تبقى ماشى ملتزم و تلاقيك بتدفع 150 جم علشان ماشى 102 بدل 100
او طريق كله 90 ك سرعه و تلاقى وصله صغيره حوالى 2 ك و يقولك السرعه هنا 60 و رخصك يا باشا ولما تعدى تانى ما تلاقيش ولا يافطه بتقول 60

ليست كل مخالفه للقانون مخالفه للدين و ليست كل مخالفه للدين مخالفه للقانون