العناية الخارجية للانوس

**hon** · 28-05-2009 07:37 PM

[السلام عليكم ورحمه الله[
اليوم حتكلم مع حضرتكم عن العناية الخارجية لصاج الانوس والداخلة للتابلوة وخلافه
هناك عدة خطوات عملية للحفاظ على السيارة كالجديدة
1-ضرورة ركن السيارة فى جراج مغطى لحمايتها قدر الأمكان من العوامل الجوية والأتربة دا غير قطط وكلاب الشارع و العيال الى معاهم مسامير
2-التنظيف يكون منفضة زات شعر قطنى وتجنب الفوطة المببلولة(الزفرة) لانها تعمل على سنفرة الصاج وكحتة
3-استخدام سائل غسيل به شمع تلميع(wax) وتجنب المنظفات القوية التى تزيل طبقة الشمع الخارجية
4-تلميع السيارة بالشمع مرة كل 6 شهور على الاقل وكان يوجد بالسوق منذ سنتين تلميع بالون ياعنى عربيتك زرقاء كان يوجد تلميع لونة ازرق بيخلى العربية ذى الجديدة وكان بييجة معا صباع شمع بالون لمداراة الخدوش وكان اسمةtrurtle wax color cure بس دلوقتى للاسف مش موجود كنت بجيبة من الفرسان من سنتين او اكتر قبل مايهرب
وبالنسبة للتلميع الداخلى اوصى بأستعمال ملمع التابلوة من نفس الشركة وساعات كان بينزل سفنجة مبللة بالمحلول دا وهو ضرورى فى الحر الشديد لعدم تشقق التابلوة
وربنا يباركلوكو فى للانسكو جديدة ويكفيكو عيون الناس :)

**dr_mak** · 28-05-2009 10:21 PM

الف شكر ليك يا باشا على الموضوع الرائع

وزي ما حضرتك بتقول تشميع العربية كل شهرين بيحافظ على الصاج الخارجي وعدم كترة الغسيل للسيارة بالماء

**kareembelal** · 28-05-2009 11:37 PM

يعني ايه تشميع العربيه وفين وايه الطريقة والمواد المستخدمة ؟؟؟؟؟؟

**abou_sama** · 28-05-2009 11:45 PM

شكرا يا باشا على المعلومات

**hon** · 29-05-2009 12:39 AM

تشميع السيارة يعنى تلميعها بأستخدام شمع (wax) بيجى كدا فى علبة مدورة امريكى ثمنها حوالى 30 جنية بس بتكفى حوالى من 2 ال3 مرات والطريقة كما يلى
بعد غسيل وتجفيف السيارة جيدا يتم اخد الشمع بقطعة اسفنج وفردة على صاج السيارة فى اتجاهها الى الخلف من الامام الى الخلف فى اتجاة الرياح وبعد تغطية السيارة بالكامل يتم تلميعها بالقطن الطبى النظيف وازالة الشمع ويتم التلميع على شكل حلقات وبعد ازالة الشمع ستلاحظ نعومة مملمس السيارة ولمعانها الملموس وبالتوفيق

**amegoo75** · 29-05-2009 01:39 AM

شكـــــــــــــــــــــــ ـــــــــرا يا باشا جدا؟؟

**kareembelal** · 29-05-2009 01:59 AM

المشاركة الأصلية كتبت بواسطة hon

تشميع السيارة يعنى تلميعها بأستخدام شمع (wax) بيجى كدا فى علبة مدورة امريكى ثمنها حوالى 30 جنية بس بتكفى حوالى من 2 ال3 مرات والطريقة كما يلى
بعد غسيل وتجفيف السيارة جيدا يتم اخد الشمع بقطعة اسفنج وفردة على صاج السيارة فى اتجاهها الى الخلف من الامام الى الخلف فى اتجاة الرياح وبعد تغطية السيارة بالكامل يتم تلميعها بالقطن الطبى النظيف وازالة الشمع ويتم التلميع على شكل حلقات وبعد ازالة الشمع ستلاحظ نعومة مملمس السيارة ولمعانها الملموس وبالتوفيق

الف شكر جزاك الله خيرا