الى كل من استلم الكارينز .... ساعدوا و لو بمشاركة !!!

**kareemhisham** · 22-06-2009 10:59 PM

الى كل من استلم الكارينز ,, ياريت يا جماعة تساعدونا شوية ,,
مش لازم تقرير كامل لو متعب اوى كدة ,,

ياريت الاستلم يقول فى الموضوع دة ,, عشان فى ناس كتير واضعة قرار شراء العربية دى بناء على اجابات الاسئلة العايزين يسئلوها

ياريت يا جماعة محدش يكسل ,,

و شكرا

**أحمد كمال** · 23-06-2009 12:48 AM

تعاطفك لوحده مش كفاية

اتبرع و لو ب Post

**kareemhisham** · 23-06-2009 01:17 PM

طب و بعدين ,,
طب ممكن بس لو حد استلم يقول ,, و احنا هنجمع الاسئلة المهمة عشان نسألها مرة واحدة

**ads** · 23-06-2009 04:57 PM

انا شوفت العربيه النهارده وتفرجت عليها من بره بصراحه واضح ان العربيه جميله ووسعه من جوه وشكلها فعلاً عائليه

**Ahmed Samy** · 23-06-2009 07:50 PM

على ما حد يرد

انا شوفت العربية في ابورواش

العربية تقفيلها ممتاز ..

واسعة جدا جدا

صالونها ذكي و مقنع جدا

و الله العربية تحفة ولو موتورها هوهو موتور السيراتو هايبقى معقول

**shahata** · 24-06-2009 02:02 PM

أنا الحمد لله عملت صيانة الأف كم و العربة ممتازة الحمد لله من كل النواحى و أنا جاهز لأى استفسارات

**kareemhisham** · 24-06-2009 02:42 PM

المشاركة الأصلية كتبت بواسطة shahata

أنا الحمد لله عملت صيانة الأف كم و العربة ممتازة الحمد لله من كل النواحى و أنا جاهز لأى استفسارات

اولا ربنا يباركلك فى العربية و يديك خيرها و يكفيك شرها
و شكرا يا استاذ شحاتة على تعاونك ,,
دلوقتى فى كام سؤال ناس كتير بتسألهم و انا منهم ,, و العربية مانيوال صح ؟؟

1- هل التكيف مكفى العربية ,, بذات انها بتنزل برة بتكيفين منفصلين ؟؟
2- هل حكاية انهم عاملين ال4 عجلات ديسكات دى مفيدة و مكفية الحجم دة ؟؟
3- هل الموتور قوى كفاية انه يشد معاك على الطريق ؟؟
4- هل العربية تنفع فى الشد و الحرق ولا صعب تجرى بيها ؟؟
5- هل حسيت بأى عيوب تقفيل فى العربية ؟؟

و ياريت تقولنا ملاحظاتك الوحشة و الحلوة ,,

طبعا الاسئلة كتيرة بس عشان محدش عمل تقرير ,,

تحياتى

**shahata** · 24-06-2009 03:24 PM

فى الحقيقة أنا شايف ان الفرملة بتاعتها كويسة ومش شايف أى عيوب فى التقفيل و شدها فى الطرق كويس فعلا و التكييف كويس كمان و لكن ما جريتش بيها أكتر من 120 كم / س لغاية دلوقتى و شايف انى فيها مميزات كتيرة زى الوسع من جوة و اتساع الشنطة و انها ناعمة و فيها متعة فى القيادة و كرسى السواق بتاعها مريح بس ركنتها مش سهلة أوى يمكن عشان لسة ما خدتش عليها أو انى نازل من عربية صغيرة و بردة مستعد لأى استفسارات أخرى.

**kareemhisham** · 24-06-2009 03:53 PM

الف شكر على ردك السريع دة ,,
بس ممكن حضرتك تشرح اكتر موضوع الشد و الجرى ,, يعنى هل حضرتك حاسس انها عربية كبيرة و تقيلة فعلا و لا العربية بتجرى عادى ؟؟
و ايه العيوب الحضرتك شايفها فيها ؟؟

الموضوع: الى كل من استلم الكارينز .... ساعدوا و لو بمشاركة !!!

LinkBack

أدوات الموضوع

عرض

الى كل من استلم الكارينز .... ساعدوا و لو بمشاركة !!! - انشر الموضوع فى :

-

-

-

-

المواضيع المتشابهه

ساعدوا بالإزالة وليس بالإنتشار

أخيرا .....ح استلم الكارينز بكرة

ادخلوا ساعدوا اخوكم

ساعدوا جيناوي جديد

الكلمات الدلالية لهذا الموضوع

المفضلات

المفضلات

ضوابط المشاركة