انا ركبت اننهارده فوجات صيني علي صني 2009 و تقريري

**Bishoy.Girgis** · 06-07-2009 01:33 AM

امبارح اشتريت فوجات جديدة من محل السجان بالكوربة القاهرة
علبة الفوجات كان فيها الفوجات و الضفيرة و المفتاح و الكتاوت و 2 فيبرة اسود تقفل فوق الفوجات و كان سعرهم 280 جنيه و روحت اننهارده ركبتهم في التوكيل بس التوكيل قالولي ان تركيب الفوجات هيطلعك من ضمان الكهرباء للعربية . المهم مرمتش وداني ليهم و ركبتهم برده بس عملوا حاجه حلوة اوي عشان برده متأثرش علي حاجة في العربية و هي انهم ادوني الضفيرة و الكتاوت اللي جاية مع الفوجات و ركبولي كتاوت نيسان اصل من عندهم في علبة الكتاوت في العربية و طبعا كمان الكابلات بتاعة الفوجات موجودة في مكان الفوجات يادوب وصل الفوج بالكابل علي طول اللي في ضفيرة العربية الاصلية و رشوا الفيبرات الجديدة و ركبوها و كل حاجة زي الفل
الحاجة الحلوة اللي في الموضوع ان مفيش كابلات و لا كتاوت متعلقة جوة الكابوت و لا الكلام ده خالص يعني كأني بالظبط الفوجات متركبة من المصنع علي طول
هتسألوني بالنسبة للدفعتوا :
280 جنية فوجات و مستلزماته
100 جنية رش و تركيب الفوجات توكيل
85 جنية كتاوت صني اصلي توكيل
18.50 ضريبة مبيعات 10%
يبقي المجموع كله بالظبط 483.5 جنيه

هو مش كتير بالنسبة ان العربية تكون زي المصنع بالظبط بدون لغبطة اسلاك و كابلات صيني . يعني يوم مايقولولي و انا في التوكيل ان العربية خرجت او اي حاجة من ديه ابسط حاجه هؤله انك مرفضتش التركيب و لا كتبتني اقرار و لا حاجة . بس يا جماعة توكيل نيسان فعلا توكيل محترم و في اي حتة في مصر .

**WalidAdel** · 06-07-2009 02:22 AM

مبروك يابشا عليك الفوجات هيا الشكل القديم ولا ايه و ياريت لو صوره ليهم
بس هيا شكلها الشكل القديم لان حضرتك بتقول الفيبرات
مبارك عليك ياباشا

**ahmad--ezzat** · 11-07-2009 12:43 AM

مبروك ياباشا...بس المبلغ الاجمالى غالى جدا

**Bishoy.Girgis** · 11-07-2009 01:26 AM

معلش المبلغ الاجمالي غالي بس متلعبش في العربية خالص يعني كأنها دخل عليها فوجات سوبر صالون بالظبط من غير ما ادخل الكابلات الصيني ديه كانت هتبقي منظر مقرف في عربية زيرو و كمان كنت هتضطر انك تعلق الكتاوت الصيني في اي مكان جوا الكابوت
كان بصراحه هيبقي منظر وحش جدا
و بعدين انا كده برده وفرت كتير اوي اوي و كأن العربية جاية بيهم