الموضوع: جهاز كشف الاعطال للسيارة

طبعا المهندس سمير تعب معايا جدا جدا ,وبجد بشكر حضرتك جدا

الله يخليك يا أخى .....وكلنا أخوات وبنفكر مع بعضنا.........

اما بقى قرايات الكمبيوتر فكلها الحمد لله سليمة

طيب الحمد لله

ماعدا كان حساس الضغط بتاع التكيف هو الى كان بايظ ,وغيرناة والحمد لله شغال تمام وشحنت التكيف وكلة بقى تمام الحمد لله ,

طيب الحمد لله ...........ومتنساش أنى كنت شاكك فيه برضه ..........هو وحساس ال tps فى أول ما أتكلمنا فى المنتدى التعليمى ..........والحمد لله طبعا والواحد مبسوط أنك وصلت للحل بسرعه كده والحمد لله

بس بقى عايز اعرف حاجة :هل التكيف مثلا يشتغل قد اية

طول ماالعربيه ماشيه وبتتحرك .....فمفيش مشاكل .........سيبه شغال (حسب راحتك )

انا متهيالى غلط انة يشتغل كتير

ولا غلط ولا حاجه .....طالما معمول حسابه من خلال عملية التحكم ( مفيش تأثير سلبى غير زيادة بنزين ) .....المهم متشغلوش كتير وأنت واقف .....حفاظا على المكنه نفسها .........وده واضح فى الموضوع اللى فى التعليمى

وهل مثلا فى المطالع الجامدة شوية وخاصة لما بتكون الدنيا زحمة وبتتحرك شوية شوية دة غلط على التكيف ولا اية

برضه مفيش مشاكل ..........وحدة التحكم بتبقى عامله حساب الأحوال دى ...........وحتفصله هى أوتوماتيك لما تجيب الدواسه على الأرض وأنت على المطلع الجامد قوى ده........وجايب الدواسه على الأرض

وهل لما التكيف بيقعد فترة كبيرة شغال بيبان علية اعراض معينة ,زى مثلا تقل فى السحب ملحوظ

مفيش أى أعراض .......طالما مكنتك تمام

ياريت بس الحاجات دية اللى متاكد منها يجاوب عليها

أى واحد بيجاوب على أى موضوع .....بيبذل أقصى ماعنده من جهد وفكر هو أتعرف عليه فى أرسال المعلومه لزميله فى محاولة تقديم النصح وده هدف المنتدى بدون شك وسيثاب القائمين على المنتدى خيرا من عند الله بفضل قيامهم بتأسيس هذا الموقع الذى جمع هذا الكم الهائل من الزملاء بمختلف التخصصات لأفادة بعضهم البعض..... .....ومن حق أى واحد يقول رأيه عادى .....ولصاحب السؤال أنتقاء الأصوب ليه والأكثر أقناعا ......وسؤال الآخرين خارج المنتدى .....لو لم يجد مايرضى هواه ......وصعب أوى تلاقى صاحب رأى ....أن يقول حاجه أى كلام .....لأنه عاوز يساعد .....فأن وفق فمن الله .......وأن أخفق فيكفيه شرفا محاولة الأجتهاد .....وسيثاب خيرا من عند الله ......لأن نيته لاتحمل لصاحب السؤال الا كل الخير ......