الموضوع: هل يمكن تحويل سيارة دفع رباعى الى غاز بدون التأثير على العزم؟

ياريت تفاصييل أكتر

منتدى سيارات طويل عريض معقولة محدش عندو فكرة؟؟؟فيين الرجالة

المشاركة الأصلية كتبت بواسطة mobinil_eg

على حسب معلوماتي المتواضعه ان الغاز بيكون اتقل في السحب عن البنزين والدليل على كده ان اصحاب التاكسيت اللي محولين عربياتهم غاز بيستخدمو البنزين في تدوير العربية في الشتا لانه لو استخدم الغاز والعربيه بارده دورانها هيكون صعب جدا

فالمستخلص من كده ان الغاز محتاج سخونيه علشان يشغل العربيه بشكل معقول ودا معناه ان حريقته اتقل (زي العربيات الديزل مثلا مبتشتغلش غير لما تسخن كويس)

لاكن كمميزات فطبعا التمن ، بمعنى ان لو عربيتك محركها كبير وبتستهلك بنزين كتير ففي راي الشخصي الغاز هيكون افضل للاستخدام العادي لان لو موتور عربيتك مثلا 2000 سي سي فبعد التحويل للغاز هتكون قدرته مثلا 1800 بيتهيقلي معقوله جدا للاستخدام العادي خصوصا لو هتوفر اكثر من النصف في تمن الغاز

واللي اعرفه ان دورة البنزين بتفضل زي ماهيه يعني تقدر تفصل الغاز وتستخدم البنزين بس في كلام قريته في المنتدى معرفش بأمانه مدى تأثيره وهو ان الغاز بيقلل عمر الموتور بس الملاحظ ان 90% من سائقي التاكسي شغالين بيه وعلى مواتير صغيره لا تتعدى 1500 سي سي ولعدة سنوات وكمان بدأت الاحظ سيارات حديثه زي الافيو والابترا وما الا ذالك بحالة الزيرو محوله غاز

وكمان حط في اعتبارك حجم اسطوانة الغاز اللي هتوضع داخل السياره وقلة عدد المحطات والطوابير

العربية 3200 سى سى وعلى حسب كلامك لو حولتها ممكن تدينى 3000 سى سى فقط عزم فى الحالة دة مفيش مشكلة مقدور عليها لكن انها بتقلل عمر الموتور دى حاجة تقلق شوية ياريت التأكيد أو لينك للمواضيع دى,
وشكرا لحضرتك

وعليكم السلام ورحمة الله وبركاته انا اخوك محمد انتا كنت بتسال ان كان الغاز هياسر على العربيه و لا لا اولا الاخ الى بيؤل ان العربيه الغاز مش بتشتغل فى الشتا علشان الغاز احتراقه اقل فدا غلط الغاز احتراقه على جدا ز دا السبب فى انه ممكن يكون مشكله على العربيه لو مكونات المتور مش كويسه يعنى لو ماركه العربيه وحشه الغز مش بيشتغل فى الشتا كويس عشان انه بيكون متجمد. الغز طبعا اوفر انقى لانه تأريبا مش فيه شوائب و مش ملوث للبيئه و هوه فعلا بييقلل من العزم و السرع و التسارع بس لنل شايف ان حضرتك مش محتاج ده اوى انتا ممكن لو عربيتك بتجيب بالبنزين 180كم هتجيب بالغاز 150 و مفيش طرء فى مصر تستحمل السرعه دى و انتا سيد العرفين بالطرق عندناعلشان مطولش عليك انتا تسال فى الوكيل انتا عارف طبعا ان فى عربيات بطلع غاز من خط الانتاج دلوئتى شكل الاسبرانزا مثلا

بدايةً الرجاء قراءة الموضوع التالي قراءة جيدة:
http://www.nilemotors.net/Nile/showthread.php?t=47732

أما بخصوص إمكانية التحويل فهو ممكن
لكن لابد أن تكون حالة الموتور جيدة جداً

بخصوص مسألة أن العزم سيتأثر فهذا أمر لا مفر منه
العزم سينخفض والقوة الحصانية ستنخفض
ولكن بنسبة مقبولة

مثلاً لو إفترضنا إن سيارتك 3200 cc بنزين
فبعد أن تتحول للغاز ستحس أنها أصبحت حوالي 2800 cc
وهذا الفرق أراه مقبول

النقطة الأخرى هو أنك تستطيع بضغطة زر أن تتحول من بنزين إلى غاز أو العكس
فأنا عندما أكون في منطقة صحراوية بسيارتي الشاهين الغاز وأحس بأن السيارة ممكن تغرز أقوم بالتحويل للبنزين فوراً للحصول على أعلى عزم ممكن في أماكن الغرز فقط
وفور خروجي منها أرجع للغاز مرة أخرى
وموتور سيارتي 1400 cc بالإضافة لأنها مكيفة

وأي إستفسار آخر أنا جاهز

فعلا عاجز عن الشكر موضوعك عن تحويل السيارات الى غاز كان أكثر من رائع بلفعل لدرجة انى مش محتاج اسئل حد تانى
جزاك الله كل خير وجعلة فى ميزان حسناتك
شكرا بشمهندس أحمد
شكرا , شكرا , شكرا