السلام عليكم جميعا

معلش هو سؤال مالوش لازمة بس فعلا نفسى اعرف اجابته

النهاردة ماشى فى الدائرى بتاع الشيراتون و عربيتين ايلانترا و كورولا اخر شكل بيشدوا مع بعض
متوسط سرعتهم 100-120 كم/س

واضح من صوت الكورولا انها اوتوماتيك , و صاحبها سواق غبى بياخد منى غرزه و الطريق قدامه فاضى و حيشيل الكبوت بتاعى

المهم , الكورولا جنب صوت الموتور فى صوت تنفيس جامد جدا , شبه صوت خرطوم الهوا اللى عند بتاع الكاوتش
الصوت شغال على طول و مش صوت توربو او فلتر او شكمان رياضى او حتى شكمان بايظ

السؤال , ده عادى فى القرص و لا فى مشكلة فى العربية دى
و لو دى مشكلة احب اعرف رأى حضراتكم ممكن تكون ايه

لان كان معايا صاحبى و انا باقول فيها مشكلة و هو بيقولى دى كده فى القرص

و متأسف على الرغى يا جماعة