         |
        |
| |
| |
 اخر مواضيع المنتدى |
| |
|  | |||||||
المنتــــــدى العـــــــــــام للسيــارات 
- قســــم خــــاص بإقتراحــــــات للتعديلات المرورية
-أخــــبار سيارات
-مناقشــات
-منوعـــــات
كل ما يخص السيارات |
| |
|
بحث مخصص
|
 |
| كاتب الموضوع | SE_coralsea | مشاركات | 80 | المشاهدات | 2180 | 
|  |  | انشر الموضوع |
| | LinkBack | أدوات الموضوع | انواع عرض الموضوع |
18-07-2009, 01:15 AM
| #1 | ||
| شكراً: 0
تم شكره مرة واحدة في مشاركة واحدة
|
Tweet منذ ساعة تقريبا كنت عائد الي البيت من الحي العاشر و أثناء دوراني من اليوتيرن اللي مواجه لمحطة الميكروباصاتطبعا الشارع كان واقف كالعادة و 3 عربيات بيلفوا مع بعض انا كنت في أقصي اليسار و عربيتين علي يميني بيلفوا معايا بمنتهي البطء و فجأة ظهر واحد ماشي علي رجله و قرر يعدي الشارع من الحتة اللي أحنا بنلف فيها و مش بس كده لأ ده راح داخل بيني و بين العربية اللي في يميني و ماشي بالطول (من قدام الي ورا) طبعا كان طبيعي أن عربية من الاثنين تخبطه (أنا أو العربية اللي في اليمين) و لكنه علشان غبي أتخبط من العربيتين و كان هايبقي ساندويتش ووقف يخبط علي العربيتين و يهلل في الشارع فأنا ببساطة فتحت الشباك و قلت له بما أنه مش عايز يتخبط يبقي مايحشرش نفسه وسط العربيات و تركته أنا و العربية التانية و كملنا طريقنا بالذمة اللي بيعملوه المشاة ده مش حرام ....... أحنا هنلاقيها منين و لا منين بس | ||
|  |
|
18-07-2009, 01:46 AM
| #2 | ||
| شكراً: 0
تم شكره 0 مرة في 0 مشاركة
|
حرام طبعاً هو أحنا بنشوف شوية ... طب حضرتك تقول اية لواحد مش لاقيله لقب واقف يولع السيجارة في قلب التقاطع .؟؟؟ ولا واحد تاني بيربط رباط حذائه في اليوتيرن ....ههههههههه انا هتهبل قريب من اللي بشوفه و الله | ||
|
| |
|
18-07-2009, 02:16 AM
| #3 | ||
| شكراً: 0
تم شكره 3 مرة في 3 مشاركة
|
اقرب موقف حصل لى كان النهارده رايح مدينة نصر وواحد بيعدى الشارع من عند المنصه للناحيه التانيه وبمنتهى البطئ والبرود وطبعا كلنا جايين سريع واللى يغيظ انه بيشاور كدا بصباعه اللى هو استنوا وبيبص بصه كدا فيها استفزاز وضحكه بارده وكله ثقه ان محدش فينا هيدوسه واكيد هنقفله | ||
|
| |
|
18-07-2009, 02:22 AM
| #4 | ||
| شكراً: 0
تم شكره 0 مرة في 0 مشاركة
|
هو الظاهر و بلاحظه كتير ان بعض المشاه عندهم أكتر من اعتقاد منهم ..العربيات دي اليات تجرح ولا تقتل ...يعني هو مستحيل يموت ...ممكن يتخربش بس الوهم التاني بقى .... ان الشارع امتداد لصالة البيت أو طرقة الحمام وتلاقي الشاب من دول بيعدي الشارع بشويييش و ظهره للعربيات و تاتا تاتا كده و لما تديله كلاكس !!!! ينزعج جدا و يبصلك بصة استغراب و عينيه بتنطق " إيه اللي جاب عربيات في الصالة" | ||
|
| |
|
18-07-2009, 02:31 AM
| #5 | |||||||||||
| شكراً: 0
تم شكره 0 مرة في 0 مشاركة
|
حسبي الله و نعم الوكيل فيهم | |||||||||||
|
| |
|
18-07-2009, 02:42 AM
| #6 | ||
| شكراً: 1
تم شكره 0 مرة في 0 مشاركة
|
دول بقى غير الى بيعدى بالراحه من الحقد الى جواه انت فى العربيه و فى التكييف و هو حران و ماشى ع رجله فأنت تقف و الناس تلبس فيك من ورا عشان هو يعدى | ||
|
| |
|
18-07-2009, 02:45 AM
| #7 | ||
| شكراً: 0
تم شكره 0 مرة في 0 مشاركة
|
لك الله يا مصر
__________________ خاص وحصري : بالصور والفديو ... تويوتا تطلق اول سيارتين هجين ... تقرير مفصل اللهم إغفر للمسلمين والمسلمات  | ||
|
| |
|
18-07-2009, 02:51 AM
| #8 | ||
| شكراً: 0
تم شكره 0 مرة في 0 مشاركة
|
اصلهم بيعتقدوا ان الطرق للمشاة والسيارات دخيلة عليهم فهي اللي تقف مش هما وبيبقوا متأكدين انك مش هتدوسهم انا بدوس دبرياج مع البنزين فصوت العربية يعلى فيبعدوا بسرعة وبتنفع كتييير خصوصا في الزحمة
__________________ خير الناس أنفعهم للناس [SIGPIC][/SIGPIC] إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ | ||
|
| |
|
18-07-2009, 03:22 AM
| #9 | ||
| شكراً: 0
تم شكره 0 مرة في 0 مشاركة
|
يا جماعة ده مزاج جر شكل و خناق شوف كده لما الواحد ييجى يركن العربية ، اول ما تبتدى ترجع بضهرك تلاقى الكل بيجرى علشان يعدى من ورا العربية ، و لما تبتدى تتحرك لقدام علشان تعدل تلاقى الناس قلبت و بتجرى تعدى من قدام العربية ، و طبعا كل تعدية معاها ما يستلزم نن تخبيط و ترزيع على شنطة أو كبوت العربية مع اسطوانة من الكلام بداية من "ما تحاسب يا بنى آدم" مرورا بـ "متسربعين على ايه جاتكوا ال..." و نهاية بألفاظ لا تليق و طبعا لا مفر من النظرات النارية الغريب انى مش لاقى اجابة ليه بيعملوا كده ... ماهو لما بارجع لورا العربية من قدام فاضية و واسعة ... ليه مايعدوش من قدام ... و العكس صحيح !!! النهاردة وانا واقف فى اشارة المجمع داخل على الجامعة الأمريكية واحد واقف يشرب سيجارة ... عادى ... و أول ما الأشارة فتحت اندفع كأبطال العدو فى سباق 100م و ها يا جرى يعدى أول ما الأشارة فتحت ... امال واقف ليه و الأشارة قافلة للعربيات و خضراء للمشاة ؟؟؟ مش باقول لكم مزاج جر شكل و خناق و مصايب على راس اللى بيسوق ...
__________________ Dr. Sherif Mansy[SIGPIC][/SIGPIC] أى سؤال أو استشارة فى طب العيون الصحة تاج على رؤوس الأصحاء لا يراه إلا المرضى | ||
|
| |
|
18-07-2009, 03:34 AM
| #10 | ||
| شكراً: 0
تم شكره 0 مرة في 0 مشاركة
|
طب اية الحل معهم ؟
__________________ http://img844.imageshack.us/i/dscf0140c.jpg/ | ||
|
| |
|
| مواقع النشر (المفضلة) |
| الكلمات الدلالية (Tags) |
| 20 , 2010 , 40 , 405 , 50 , ما , مين , مشاكل , مصر , مع , من , bmw , ام , اللي , المشاة , البنزين , الي , الشمس , الشارع , الشنطة , الغلطان , الفئة , انا , انت , تاتا , بيع , بين , بدون , بس , بعدين , بنزين , font , يا , حادث , دبرياج , يسوق , يطلعك , ريس , شار , شاهين , سباق , سيارات , سيارة , سرعة , صور , شنطة , عايز , عربية , عرض , في , فرامل , فئة , هل , هي , نايل موتورز , وسط , نفسه , نور , ضيف , قلب , قانون المرور , كلاكس , كبوت |
| أدوات الموضوع | |
| انواع عرض الموضوع | |
| |
Managed By HorizonTechs & Hosted By VisionHosts
و بعدين مع المشاة , يزنق نفسه في وسط الشارع و يطلعك انت الغلطان 
العرض العادي
