عيوب ترتيب الحروف فى بعض اللوحات المعدنيه الجديده

**dr.hany** · 21-07-2009 10:33 PM

موضوع اللوحات المعدنيه (النمر) الجديده شئ جميل بصراحه وهو بيتكون من حروف وارقام بس فيه حاجه غريبه وهى ان احيانا الحروف ورا بعضها بتعطى كلمه ممكن تضايق وكمان ممكن تضحك وبالرغم ان المسئولين عن المرور نبهوا للجزئيه ديه فى بدايتها وهو ان لا تشمل الحروف كلمه تسئ للذوق العام او تخدش الحياء وبصراحه انا شوفت شوية نمر فيه منها اللى يفور الدم وخصوصا لصاحب العربية نفسة او للاخرين اللى حوليه يعنى مثلا شوفت الاتى :

ه ف أ >>>>>هفأ

و ر ا>>>> ورا

ل ص>>> لص

ع ن د>> عند وديه على فكره عربية حكومه عندنا فى الشغل

ف ج>>> فج

ش ن ق>>> شنق ........ياساتر

ا ب>>>> اب بس مبلوعه شويه

س ف ه>>> سفه

وفى كلام تانى بس مش فاكره فياريت اللى شاف نمر غريبه يقولهالنا وشكرا

**the-hero** · 21-07-2009 10:39 PM

ياسيدى متخدش في بالك هيكون اكتر من الشتايم اللى بنسماعها فى الشوارع وسب الدين
الواحد لو فكر فى حجات كتير زى ديه دمه بيتحرق على الفاضى
بمعنى مفروض يحصل ومفروض يتلغى ومفروض يصلحوا ومفروض يمنعوا ومفروض مفروض مفروض

**D . a .\ AYMAN** · 21-07-2009 10:59 PM

ص ع ب .. كويسة مش وحشة

س ق ر ... والعياذ يالله منها

ص ق ر ... جامدة دي

ث ل ج ... مبلوعة برضه

ب أ ف ... دي إهانة طبعا ... أنا قعدت أفكر لو أنا في المرور ولاقيت النمر اللى عايزين يدوهالي حاجة زي كده .. بيتهايئلي أنا ممكن أعملهم مصيبة هناك ..

دا اللى أنا فاكره دلوقتي ... لما أفتكر حاجة تاني بقى

**mostafabakry** · 21-07-2009 11:12 PM

علي فكرة الموضوع مكرر يا ريت الإدارة تظبط المشاركات في موضوع واحد ان امكن

**كابوس الليل** · 21-07-2009 11:42 PM

انا شفت اوكتافيا واخدة
ق س ط
الراجل صاحبها حيفضل يعانى طول عمره بلمشكلة ان الناس تعد تقوله بس وانت جايب العربية ق س ط

**Lord_Fouad** · 21-07-2009 11:47 PM

انا شفت

ع و ج -------> عوج ... مش مظبوط يعني

ر و ج --------> احمر شفايف

ص ع ب ----> صعب جدا

بس نفسي اشوف على الميكروباصات مثلا

( ن ط ع )

او ( ب غ ل )

او ( ت ي س )

او ( ط و ر )

هي دي اللي ممكن نشيد بالمرور لو عملها