الموضوع: أسعار قطع غيار إبيزا 99

ات كدا عايز عربيه ههههههههههههههههههههههههه
هديلك تليفون تاجر أستيراد روحلو وقولو أنامن طرف محمد مصطفى صاحب البولو البيضاء بتاع اهرم وهيعمل معاك واجب أسمو مختار الفوال وهيجيب معاك من الأخر بس ماتفصلش معاه لأنه هيجيبلك من الأخر لأنو حبيبى
رقمو0161900997

السلام عليكم:
دى أسعار بعض قطع الغيار اللى وصلتلها ودى من عند المكاوى فى المنصوره:
-شبكه أماميه 85 جنيه.
-علامة سيات 55
-فلتر بنزين أصلى 90
-فلتر زيت 30
-غطاء ردياتير 25
-بلية شداد دينامو 100
-ماستر فرامل 95
-سيرفو (مستعمل) 200
-إشارة أمامية 30
-2 كوبلن (مستعمل) 250
-بطاحة (مستعمل) 80
-جلبة مقص 60
-قاعدة موتور (مستعمل) 120
-مراية جنب عادية 120
-فانوس أمامى كامل 150
-وش فانوس 50
-دينامو كامل (مستعمل) 300
-حساس حرارة(للأمبير) 55
-رفرف أمامى 300
-زرار زجاج كهرباء خلفى 35
ودى أرقام تليفوناته
0106106302 و 0125002309
لو حد عنده تعليق على الأسعار أو أى إضافات يا ريت ميبخلش بيها.
والسلام عليكم ورحمة الله وبركاته

المشاركة الأصلية كتبت بواسطة m.mostafa80

ات كدا عايز عربيه ههههههههههههههههههههههههه
هديلك تليفون تاجر أستيراد روحلو وقولو أنامن طرف محمد مصطفى صاحب البولو البيضاء بتاع اهرم وهيعمل معاك واجب أسمو مختار الفوال وهيجيب معاك من الأخر بس ماتفصلش معاه لأنه هيجيبلك من الأخر لأنو حبيبى
رقمو0161900997

جزاكم الله خيراً

المشاركة الأصلية كتبت بواسطة ehab_mansour

السلام عليكم
شوف يا سيدي الفاضل عليك وعلي الحرفيين ومعظم الحاجات دي هتشتريها استيراد روح عند الفوال اللي قالك عليه حبيبنا محمد مصطفي واسأل و روح عن اكتر من واحد عشان تاخد سعر كويس دي اول حاجه
تاني حاجه طالما انك محتاج كل الحاجات دي يبقي تشتري ربع امامي كامل هتلاقيه بفوانيسه واكصدامه والفوج لايت والعلامة والشبكة وكل حاجه قدام لأنك مستحيل هتلاقي حد يديلك الحاجات دي كلها من عربيه كلهم هيقولو خد ربع علطول وده نصيحة لله احسن حاجه لأنه هيظبطلك وش العربية بالملي وهيبقي ممتاز جدا لكن لو عايز تركب اي حاجه وخلاص يبقي ممكن تشتري جديد لكن خامات تعبانه وفوانيس وعلامة وشبكة مش اصليين تايواني لكن الصح زي ما قلتلك الأول وباقي الحاجات امرها بسيط وكلها موجودة بس اهم شيء تتفق في كل الحاجات دي مع واحد فقط عشان تاخد سعر كويس وتفاصل معاه كويس وربنا معاك شكلك اصلا مش من القاهرة ولو عايز اي خدمه انا تحت امرك واساسا انا من المنصورة لو حبيت تظبط اي حاجه هناك انا تحت امرك هبعتك لناس هيظبطولك كل حاجه والله المستعان
معلش اسف اني طولت عليك بس في الأخر اقلك ان الإبيزا عربية ممتازة ولا تعوض وربنا يعطيك خيرها ويكفيك شرها

السلام عليكم
أنا كنت امبارح فى المنصوره عند المكاوى وعملت شوية شغل فى العربية بس فى حاجات مش موجوده عنده زى :
- المرايات سواء العاديه أو الكهرباء
- سير الدينامو
- قاعدة الموتور
وبالهم طويل شويه فى الشغل وأسهل حاجة عندهم يقولك غير
بس ظبطولى الفرامل على الشعره (غيروا ماستر وسيرفو)
أنا معظم الحاجات اللى بسأل عليها للعلم فقط لأنى بحب أعمل قاعدة بيانات للعريية بتاعتى ومحبش يكون فيها حاجة نص نص.
وإن شاء الله لو فيه حاجه من المنصوره حسأل حضرتك
وجزاكم الله خيراً على العرض الكريم

الله ينور على كل اللي انتو قولتوه بس انا من رايي ان فيه بعض قطع الغيار مينفعش تكون مستعمله يعني قطع غيار العفشة متهيالي مينفعش تكون مستعمله لان دي مش بتتغير كل يوم وغيركده تعتبر اهم اجزاء السيارة فلازم تكون نضيفة ومضمونة وجديدة اصليه لان اغلب قطع الغيار اللي بتتجاب استعمال مبتبقاش عارف عمرها الافاتراضي فاضله اد ايه حتى لو كانت بحالة نضيفة

السلام عليكم
ممكن يا باشمهندس إيهاب تعرفلى طلمبة الباور بكام؟
لأن انا كلمت المكاوى بالموبايل ولقيتها عندهم لكن رفضوا يدولى سعرها قالوا لما تيجى حتعرف!!!!!!!!!!!!!!!!!!!!!!!
وجزاكم الله خيراً