مكان وحدة abs في اللانسر الشكل القديم والجديد

**مصراوي جدا** · 21-10-2007 12:58 PM

اعزائي أعضاء المنتدى الكرام

انا لاحظت ان فيه مشكلة عند كتير منكم لما بيشتري عربية انه يعرف فيها ABS ولا لأ او حتى عربيته فيها ولا لأ او الخليجي أو 1600 او 1300

المهم نزلت الورشة عندي وسألت المهندسين فين مكان الوحدة في العربية اللانسر الشكل القديم وصورت لكم عربية فيها ABS وعربيه 1300 مفيهاش علشان تعرفوا مكان وحدة الـ ABS داخل موتور اللانسر الشكل القديم وبالتالي كل واحد يقدر ببساطه يحكم على العربية اللي قدامه فيها ولا مفيهاش

دي صورة عربية 1600 بها وحدة الـ ABS:

ودي صورة عربية 1300 مفيهاش ABS:

والمستطيل الأصفر حول رقم الشاسيه

بالمناسبة انا لقيت في الورشة لانسر شكل جديد وبرضه وحدة الـ ABS في نفس المكان

مع الشكر

تم تحديث الصور بمعرفتي حسب طلب المهندس طارق

مشرف الياباني (1)

**مصراوي جدا** · 21-10-2007 01:35 PM

المصري ايوة انما الخليجي ماعرفش بصراحة

انما كده خلاص سهل اوي تعرف العربية اللي قدامك فيها ولا مفيهاش

**مصراوي جدا** · 21-10-2007 01:52 PM

يا اسلام باشا اهلا وسهلا بيك وبكل اعضاء المنتدى مالكي سيارات لانسر المصرية او الخليجي

وفرصة حلوة تشرفنا واتعرف بيك عن قرب طبعا هتقول لي ما انت اللي مش بتيجي اجتماعاتنا لكن باذن الله اجيها ويمكن اجتماع نوفمبر كمان

اسعار الصيانة وقطع الغيار هي هي يعني مش هتزيد علشان عربية خليجي مثلا

كل مميزات العربية المصري ان مصنعية صيانة الألف كيلو الأولى مجانية ودي حوالي 50 جنيه لا غير لأن صاحب العربية بيدفع ثمن الزيت والفلتر

وطبعا الفرق الرئيسي تمتع العربية المصري بالضمان عندنا وربنا لا يحوج اي منكم للضمان وتفضل بتعمل الصيانة العادية وخلاص

المشكلة الوحيدة دلوقتي بس في الحجز انما لو اتصلت وحجزت بدري شوية قبل موعد الصيانة ما ييجي يبقى مفيش مشكلة

تليفون قليوب 42157629 ومش هاديك تليفون جسر السويس علشان انا عايزك تيجي عندنا قليوب واتعرف عليك

**أبو عمار** · 21-10-2007 02:43 PM

سؤال يطارق باشا
هل السياره 1600cc الموجود بها ABS بيكون موجود معها نظام EPD
بمعنى أخر هل نظام APS ونظام EPD مكملين لبعضهما فى موديلات اللانسر وخصوصا الرياضيه

**مصراوي جدا** · 21-10-2007 03:00 PM

والله سؤال جميل
انا نفسي كنت معتقد ان نظام توزيع الفرامل Electronic Brake Distributor نازل جديد فقط مع 2008

انما لما راجعت الكتالوجات لقيته فعلا مرتبط مع نظام ABS في 2007 و لانسر 2006 كمان يعني هما مرتبطين فعلا
وبالتالي هما موجودين في العربيات 1600 و الرياضية والسام (الفرق بين السام والرياضية الفرش الجلد والفوانيس الغامقة والشفافة )