عرض للطباعة
انا مهندس يوسف
انا شغال فى مركز خدمة معتمد ل skoda فى مصر ! اى حد عنده استفسار عن اى حاجة انا فى الخدمة ! مشاكل فنية- قطع غيار-صيانات-مصنعيات .انا تحت امر الكل !
[info]نشكر لك حرصك على إفادة الأعضاء....بارك الله فيك
تم التثبيت بمعرفتى
مشرف الأوروبى 1[/info]
ازيك يا بشمهندس ...
فعلا حضرتك بتقدملنا خدمه كبيره و مهمه و هتفيد كل الاعضاء و احنا عاجزين عن الشكر ....
معانا اوكتافيا a5 2008 خليجى ...
المهم
من فتره ..
بقى صوت الدركسيون و هو بيلف عالى شويه ...
فى صوت نحره خفيفه كده ....
انا بصراحه مش متأكد ان كان الصوت ده فيها اصلا ولا ظهر مؤخرا ...
يا ريت حضرتك تفيدنى ....
وانا كمان ياباش مهندس ليا استفسار
نوع زيت الفتيس بتاع اسكودا اوكتافيا a4
اوتوماتيك
نوعة اية او اسمة علشان محتاجة ضرورى
السلام عليكم
شكرا ليك يا باشمهندس انا كان ليا استفسار
العربية كانت عايزة بنزين و كان المؤشر بتاع البنزين في نص العلامة الحمرا و عداد الكيلو متر بيقول ناقص 30 كم على البنزين اللي في العربية
رحت دخال حاطط بنزين المهم بعد مطلعت من البنزينه بمسافه لاقيت العربية صوتها علي جدا و السحب قل خالص و زي متكون العربية اتبرجلت بصيت على الحرارة مظبوطة و العربية مفيهاش اي مشاكل بس لاحظت ان عداد الكيلو مترات بتاعت البنزين مدى صفر و المؤشر بتاع البنزين واقع في الاحمر يعني العربية مفيهاش اي بينزين
انا قلت اقفل العربية و اشغلها تاني و اشوف و فعلا لما عملت كدة العربية اتظبطت و رجعت تمام تاني من غير اي مشاكل
على العلم اني عايش في قطر و البنزيبن اللي بحطه 97 و العربية سكودا اوكتافيا 2008 مشتريها زيرو شهر 9 اللي فات و العربية اتوماتيك اليجنس
دة حاجة عارضة ولا لازم اكشف عليها في التوكيل لانى مش لاقي وقت اروح خالص
ارجو المساعدة و شكرا
متابع باهتمام
انا عاوز اجيب a5 مستعملة و سمعت ان العربية بتجيب كمبريسور و فتيس برجاء سرعة الرد وكمان عاوز اعرف الفرق بين الموديلات 2005 2006 2007 واذا كان اجيب a4 احسن شكرا على الاهتمام ولو يريت تحط رقم الموبايل
ايه الحكاية مفيش اى رد طب لوحد تانى عنده فكره يرد عليا
السلام عليكم
شكرا يا باشمهندس انا كان ليا استفسار استلامت عربية فانتازيا وكيل 2010اول فئة اتوماتيك tp العربية كل حاجة تمام
بس النقل من ال p لى r تقيل وساعات بيبقى تقيل قوى وطبعا دايس فرامل للاخر وزرار ال shift lock
والعربية واقفة عدل مش مطلع او منزل وفرامل اليد مشدودة
وعلى فكرة انا سوقت اتوماتيك يابانى والمانى وكورى ومكنش التقل دة موجود
تانى حاجة هو مفيش لمبة بيان للحزام وشكرا
انا حجزت فى توكيل اسكودا 4 جنوط سبور 16 بالكاوتش بتاعهم عايز اعرف تمن كل حاجة كام
انا لسه شارى عربيتى من يومين (سكودا فانتازيا) معاهم كاوتش وطاسة 15 بالكافر بتاعهم فحديهم لللتوكيل واخد الجنوط ال16 فعايز اعرف تمن القديم كام والجديد كام اللى حخده منهم مع العلم انى لم امشى بالكاوتش الا يومين او تلاته والتوكيل عارف كده بس عشان مكنش فى الجنط اللى انا كنت عايزه التوكيل قالى تعالى كمان يومين تلاته وحبدلهم واحسبلك الفرق فقولتله اعمل حساب انى لسه شاريها وممشيتش بيها قالى انشاء الله بس عايز اعرف منكم تمن كل حاجة من اللى قولتها .
ياريت الرد من اصحاب الخبرة بتوكيل اسكودا
انا عندى مشكله كبيره جدا وارجو الرد فيها او حد يفيدنى فيها فى الاول لمبه الزيت نورت فى التابلوه مع انى لسه مغير زيت فى شهر سته روحت جبت زيت وفضيته كله ومشيت بيها شويه ولقيت لمبه الزيت راحت نورت تانى اطفى العربيه وادور اللمبه مطفيه شويه والالقيها نورت تانى روت جايب زيت تانى وحطيته العربيه خدت 2 جركن زيت يعنى العربيه فيها 8 كيلو زيت وبعد كدا مشيت بيها شويه اللمبه لسه منوره مشيت بيها لقيتها قلت فى السحب بتاعها وبعد كدا الموتور عمل صوت اكنه صوت عربيه نص نقل ولقيت دخان طالع من من الشكمان وفيه زيت وبس مش عارف اعمل ايه انا وقفت العربيه وجريتها بعربيه تانيه ومش عارف ايه فى الموضوع ده ياريت حد يفيدنى ويقولى ايه حل المشكله ديه وتكلفتها تكون فى حدود كام معلش طولت عليكوا