بما إني متجه حاليا للكوردوبا...

**beihoo** · 19-08-2009 01:32 AM

يا ريت يا جماعة اللي عنده معلومات مفيدة عنها أو أعطال مشهورة ليها يفيدني و له جزيل الشكر .

**Alyyoussef** · 19-08-2009 02:58 AM

بص العربية كويسة...وطبعا مفيش مقارنة بينها وبين الكورى وايابانى فى رأيى الالمانى لا يعلى عليه...وطبعا اللمسات الأسبانى اللى فيها...بس سؤالك يعتمد هتجيبها مانيوال ولا اتوماتيك ولا تيبترونك...مستنى ردك...وهقولك مزايا وعيوب كل حاجة فيهم

**beihoo** · 19-08-2009 05:13 PM

المشاركة الأصلية كتبت بواسطة alyyoussef

بص العربية كويسة...وطبعا مفيش مقارنة بينها وبين الكورى وايابانى فى رأيى الالمانى لا يعلى عليه...وطبعا اللمسات الأسبانى اللى فيها...بس سؤالك يعتمد هتجيبها مانيوال ولا اتوماتيك ولا تيبترونك...مستنى ردك...وهقولك مزايا وعيوب كل حاجة فيهم

إن شاء الله العربية 1600 تيبترونك.

**tgaber** · 20-08-2009 12:57 PM

أنا معايا 2008 العربية ممتازة و قطع غيارها متوفره من وجة نظرى احسن ميزه هى التكييف يوم لما يكون الحراره 40 هتعمل التكييف على 2 انا معرفش 3 و 4 عملين ازاى و اهم حاجة ان ال rpm ولا السحب فيهم اى تغيير نهائى كأنك مش مشغل التكييف
ان شاء الله يوم ماهغير العربيه هتكون سيات برضه أو bmw

**beihoo** · 20-08-2009 04:37 PM

المشاركة الأصلية كتبت بواسطة tgaber

أنا معايا 2008 العربية ممتازة و قطع غيارها متوفره من وجة نظرى احسن ميزه هى التكييف يوم لما يكون الحراره 40 هتعمل التكييف على 2 انا معرفش 3 و 4 عملين ازاى و اهم حاجة ان ال rpm ولا السحب فيهم اى تغيير نهائى كأنك مش مشغل التكييف
ان شاء الله يوم ماهغير العربيه هتكون سيات برضه أو bmw

أخيرا حد رد .. ربنا يبارك لك في عربيتك و يرزقك خيرها و يكفيك شرها.

بتقول إن وجهة نظرك إن قطع الغيار متوفرة .. يا ريت حضرتك توضح أكتر .. و كمان عاوز أعرف أداء العربية و هل فيه ميكانيكية بيفهموا فيها كويسين؟

و شكرا جزيلا على ردك و إهتمامك.

**sohil** · 20-08-2009 09:47 PM

برجاء من السادة خبراء المنتدى الافادة النهائية عن ال seat cordoba 2007 عن مدى اعتماديتها وقطع غيارها وستهلاكها للبنزين نظراً لاختلاف الاارء فى هذا الموضوع وشكراً......

**beihoo** · 21-08-2009 05:28 PM

المشاركة الأصلية كتبت بواسطة sohil

برجاء من السادة خبراء المنتدى الافادة النهائية عن ال seat cordoba 2007 عن مدى اعتماديتها وقطع غيارها وستهلاكها للبنزين نظراً لاختلاف الاارء فى هذا الموضوع وشكراً......

الظاهر محدش عنده الكوردوبا كتير و اللي عنده مش بيدخل هنا

بص يا عم سهيل .. من الريفيوهات اللي على العربية بره العربية كويسة جدا و بيعتبروها النسخة الأسبانية للأودي a4
ممكن تدخل على يوتيوب كمان هتلاقي لها شوية فيديوهات منها واحد و هي بتجيب 100كم في حوالي 10 ثواني !! و الثاني و هي بتعمل 220كم في الساعة .. صوت الموتور في الفيدوهات مميز .. تحسه بتاع جري و نشيط.

قطع غيارها المفروض ما تختلفش عن الابيزا غير في الخوارج فقط و نفس قطع الغيار ممكن تلاقيها عند بتوع فولكس و بتوع سكودا فيما يتعلق بالموتور و الجير و العفشة و معظم الكهرباء.

خد قرارك و استخير ربنا و إن شاء الله لو فيها خير هاتجيبها و تتبسط بيها.