الموضوع: السينا و الباليو ؟؟؟

المشاركة الأصلية كتبت بواسطة the_mhz

السلام عليكم ,

طبعا انا مش عاوز اطول عليكم بس انا بقالي 4 شهور بدور علي عربية مستعملة و نزلت اكتر مت عشرين مرة و سرفت اكتر من 500 جنيه علي الارض و اخيرا قررت اشتري جديد
ففكرت اشتري سينا او باليو عشان هما اللي اتنين عجبني بي انا مش بفهم في العربيات اوي فلو ممكن حد يوضحلي الفروق و الكماليات و يلريت الفرق في سعر و اي معلومان تانيه يبقي حلو :ob_mak1[1]:

شكرا و مستني ردودكم ........

السيينا و الباليو هما وجهان لعملة واحدة .. الفرق الشنطة . السيينا بشنطة , الباليو هي السيينا ولكن هاتشباك .

المتوفرة حاليا في مصر من التوكيل هي مصنوعة في الصين في مصنع فيات - نانجنج و ده اخر الانتاج لان المصنع هناك بقى ينتج قطع غيار فقط و وقف انتاج الباليو و السيينا .

وبالتالي المتوافر حاليا بواقي موديل 2008 مفيش 2009 و لا 2010 حينزل تاني منها .

السيارة اعتمادية من الدرجة الاولى و قطع غيارها مشكلة .. يعني عندك من الاصلي الى 4-5 بدائل في كل شيء .

انا معايا باليو 2006 عاملة 66 الف كم لحد دلوقتي بس غير الشكل الموجود حاليا , كان موديل نزل في اخر 2006 و 2007 و هو الشكل الجديد كان ساعتها وتقفيل برازيلي بس التوكيل و قف استيرادها علشان البرازيل نزلت موديل جديد من الباليو هناك .