الموضوع: حرام بقى السواقة ده حسبى الله ونعم الوكيل

هى بقت فشخرة ولاكترة فلوس ولا ايه
كل من هب ودب ركب عربية مش مهم موصفتها ايه المهم انها عربية
مش مهم اى حاجة ما البركة فى التامين وابقى قابلنا لو عبرك

اى كمية الاستهتار ولا مبالاة اللى الواحد بيحتك بيها فى الشارع ده
واحدة على الصبح فى البطل احمد عبدالعزيز بجيتز فى شمال الطريق وعايزة تطلع 6اكتوبر وبتمشى بسرعة السلحفة علشان تعدى الطريق وتقف شوية وتمشى شوية لما جبتلى شلل رعاش وتلقيها مش فاهمة اى حاجة من المريات

وممكن اهلها فى البيت عايزين يخلصوا منها فنزلوها بالعربية الغابة علشان تتعلم
انا فاكر من 10 سنين و والدى بيعلمنى الادب فى السواقة والركنة ومرة يطلعنى كوبرى وركنات وسواقة بالليل والصبح ونطلع وننزل من على الدائرى بهدلنا
ولما كونت باستلف من العربية علشان اتنطط على البشرية كان بيطلع عينى ولازم زى ماخدت العربية ارجعها
ولا مكاتب التاجير

انا مش بتحكم فى حد بس لو عايز تسوق عربية اتعلم كويس الفلوس مش كل حاجة ممكن تخبط حد وتموته وتفضل طول عمرك ندمان وممكن تدخل فى مشكلة مع حد وتدمر حياتك الشارع بقى قنبلة موقوته يا مهاجم يا مدافع

وخد خبرة فى الميكانيكا والكهربا متخلش حد يشتغلك ويسرقك

انا مفتنع ان الناس نوعين نوع بيعرف يسوق وبيبان من عربيته ونوع واخدها عافية وفشخرة وبيبان على صفيحة الزبالة اللى شيله