الموضوع: الشباب اللى عايز شغل مرتب كبير بس مجهود جبار

المشاركة الأصلية كتبت بواسطة M.Mekawy

أحمد كمال بيه , عين العقل اللى بتقوله
لكن اعتراضى كله مش على ان الناس تشتغل , أنا بتكلم على الناس اللى بتستغل العاملين , و بتمص دمهم من غير وجه حق استغلالا لحاجتهم , انا مثلا عمرى ما فكرت اقدم فى دار الهندسة دى مع انى الحمد لله كنت متفوق ايام الدراسة و الحمد لله انا معيد فى هندسة عين شمس , و فيه معيدين فى هندسة القاهرة أعرفهم شغالين فى الكلية و فى الشركة دى بس ب target hours أقل طبعا و الشركة موافقة عشان تميزهم
الحمد لله أنا ماشى بمرتب الحكومة و بقلب رزقى فى شغلانات تانية صغيرة جمب الكلية و جمب الماجيستير و بتفحت و بيطلع عينى و ليالى قضتها مبنامش ,بس بمزاجى و لشغلى الخاص , مش عشان شوية ناس زى دول يتحكموا فيا و يقولولى مفيش موبايل و مفيش اجازات .

يا باشا .... انا ما قلتش حاجة .... و انا مش شايف انه استغلال و لا مص دم ..... هي دي حالة البلد و هو ده معدل مرتبات البلد و بالعكس انا شايف التوحيد و النور بتدفع ضعف و 3 امثال مرتب اماكن تانية زيه و اسال و شوف و عشان يدفع اكتر من كده هيخسرررررررررررر ماهو اكيد لازم برضه يكسب يعني..... مع احترامي حضرتك بتقول في دار الهندسة بيدفعوا 3500 و بيفحتوا المهندس برضه ..... و ده اسمه مهندس ..... اتصرف عليه كام و سهر ليالي سنين على ما بقى مهندس و عنده خبرة ليها قيمة .....

اما شركة تدي بائع 2000 جنيه و تفحته برضه يبقى عادي لأن اكيد اللي هيشتغل الشغلانة دي لا عنده خبرة و لا مهارات تسمح له يشتغل شغلانة احسن بمرتب احسن ......

و موضوع مفيش موبايل ده زي ما قلت لك شوف فيه شركات كتير multinational بتعمله و بالذات في الكول سنترز ..... يعني مش استعباد


يعني بالعقل ...... واحد ماعندوش مهارات او خبرة ..... و فريش طازة كده ..... و فيه منه كتير في السوق ...... و قدامه حاجة من 3

1- يقعد في البيت

2- يشتغل ب 500 و لا ب 800 بالكتير طحن و برضه مش هيشتغل اقل من 8 - 10 ساعات

3- يشتغل شغلانة زي دي ب 2000 جنيه 14 ساعة؟



طبعا كل واحد حر في رأيه بس انا لو مكانه هاختار رقم 3 .....