شكرا ليك
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
الحقيقه أحد الزملاء الأفاضل طلب منى نتكلم شويه عن دايرة الأشعال
فقلت أما أحاول أكتب مقاله بسيطه بحيث نتشاور فيها جميعا
وياريت كل واحد يدلو بدلوه من أجل الصالح العام
وحبدأ أنا ....كنقطة بدايه نحو هذا الموضوع
معروف أنه لكى يتم أحتراق خليط الهواء والبنزين داخل محركات الأشعال بالشراره
فأنه لابد من توافر نظام لتوليد الشراره الازمه لأشتعال مخلوط الهواء والبنزين
بمعنى أصح عندنا البنزين والهواء .....عاوزين بأه الكبريت اللى حيولعلنا الحاجات دى
هو ده دور نظام الأشعال فى محركات البنزين
_ ماهى وظيفة نظام الأشعال فى محركات الأشعال بالشراره
1- توليد التيار الكهربى بجهد عالى لأحداث شراره قويه بين ثغرة البوجيهات ( دور البوبينا )
2- تنظيم وقت أصدار الشراره ( عملية تقديم أو تأخير الشراره ) حسب ظروف التشغيل ( جهاز التحكم فى وقت الشراره ....اللى بيقولوا عليه الأفانس فى المحركات التقليديه )
3- توزيع الشراره على أسطوانات المحرك ( دور الأسبراتير )
حندردش شويه الأول عن نظام الأشعال التقليدى
مكوناته
1- البطاريه
2- مفتاح الأشعال .....الكونتاكت
3-ملف الأشعال ......البوبينا
4- موزع الشرر ....الأسبراتير
5- قاطع التلامس ....الأبلاتين
6- المكثف
7- شمعات الأشتعال .......البوجيهات ( تم عمل موضوع منفصل لها من قبل )
رقم 1& 2 معروف نظامهم .....ولا داعى للخوض فيهم الآن
3- ملف الأشعال ....البوبينا
عباره عن محول كهربى ....يقوم بتحويل جهد البطاريه المنخفض (12 فولت )
الى الجهد العالى الازم للأشعال ...وتتراوح عملية رفع الفولت داخل البوبينا من 15 - 25 ألف فولت كهربى
يتكون من رقائق من الحديد المطاوع ( القابل للمغنطه المؤقته ) ....حيث يتم لف ملفات الملف الثانوى للبوبينا ذو المقطع الدقيق للغايه حول هذا القلب ....وتكون ملفات الملف الثانوى مصنوعه من النحاس المعزول بماده عازله مناسبه لتحمل درجات الحراره الناتجه من مرور التيار العالى فى الشده داخل ملفات الملف الثانوى
فوق الملف الثانوى يقع الملف الأبتدائى ذو عدد اللفات القليله ومقطع السلك الكبير
حيث يصنع من سلك نحاسى أيضا ذو قطر أو مقطع أكبر
يوجد بداخل بعض ملفات الأشعال (البوبينا ) زيت بهدف تبريد الكويل بسبب تأثير الحراره الغير مرغوب فيها على ملفات الكويل ....وذلك حيث أن مرور التيار يولد حراره غير مرغوبه ...تؤثر على العزل الكهربى للملفات
أذا الحراره مش كويسه على البوبينا ....علشان كده بنلاحظ أن أكتر حاجه بتؤثر على آداء البوبينا هى الحراره
علشان كده بنحط فوطه مبلوله على البوبينا .....علشان نعرف العيب منها ولا لا ....
لما بنلاقى صعوبه فى الدواره والمكنه ساخنه
لأن معروف أن السخونه بترفع مقاومة الموصلات أو الملفات بصفه خاصه....ممايعنى مقاومه أكبر لمرور التيار ( حسب قانون أوم الكهربى )
بعاليه صوره للبوبينا لوحدها
والمخطط القادم لدايرة أشعال تقليديه كامله بجميع المكونات ....وباين فيها موقع البوبينا فى الدايره ( القطعه رقم 3 على المخطط بتمثل البوبينا )
أسمحولى أنا أكتفى لحد هنا حاليا وسأوالى التكمله بعد فتره
رقم العضوية : 19448
تاريخ التسجيل : 19Sep2008
المشاركات : 267
النوع : ذكر
الاقامة : الغربية
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
شكرا ليك
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
الله يخليك
وجارى التجهيز للتكمله بأذن الله
رقم العضوية : 1819
تاريخ التسجيل : 19Aug2007
المشاركات : 2,201
النوع : ذكر
الاقامة : cairo(elmohandseen) & sohag
السيارة: it was Vectra B CDX
السيارة[2]: Lancer 99 GLX Automatic
دراجة بخارية: NO
الحالة :
احييك ياباشمهندس سمير علي مواضيعك المتميزه وللامام دائما
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
الله يخليك يا أستاذ : أسلام
وكل عام وأنتم بخير
ورمضان كريم
رقم العضوية : 19101
تاريخ التسجيل : 15Sep2008
المشاركات : 1,583
النوع : ذكر
الاقامة : السويس
السيارة: فيات131
السيارة[2]: فيات125
دراجة بخارية: vesba
الحالة :
مستنى التكملة ان شاء الله
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
4- موزع الشرر..............الأسبراتير
موزع الشرر بيستلم الفولت العالى بعد أنتاجه فى البوبينا علشان يوزعه على البوجيهات
حسب تقسيمة عمود الكامه ....وحسب ترتيب الحريق بالمحرك
لأنه بيتم تدوير موزع الشرر من خلال أتصاله بترس صغير على عمود الكامه
- وظيفة موزع الشرر
1-فتح وقفل الدايره الكهربيه بين البطاريه والبوبينا من خلال قاطع التلامس ( الأبلاتين )
حنعرف ده بيتم أزاى مع شرح الأبلاتين والمكثف
2- توزيع تيار الجهد العالى بعد أنتاجه فى البوبينا على أسطوانات المحرك وذلك بتشغيل البوجيهات ......من خلال وش الأسبراتير وشاكوش الأسبراتير
3-تنظيم توقيت أرسال الفولت العالى ...الازم لتوليد الشراره
أى عملية التقديم والتأخير فى زمن أرسال الفولت من خلال جهاز التحكم فى زمن الأرسال ......اللى بيقولوا عليه الأفانس
مع ملاحظة أن جهاز التحكم فى وقت الشراره بيعمل من خلال خط فاكيوم قادم من تحت باب الكربوراتير
لتحديد الوقت الازم لأرسال الشراره أعتمادا على حمل وسرعة المكنه
موزع الشرر بجميع مكوناته هو القطعه رقم (4) على الرسم السابق
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
أستكمالا لموضوع الأسبراتير
فأن عملية توزيع الشراره على أسطوانات المحرك
وكذلك فأن عملية تنظيم وقت أرسال تيار الجهد العالى الى البوجيهات
وكذلك عملية الفتح والغلق للأبلاتين لتقطيع جهد البطاريه ( حنتكلم عنها بأستفاضه فيما بعد ).................
كل الأمور دى بتتم داخل الأسبراتير
وتلك صوره كامله لجميع محتويات الأسبراتير
مع ملاحظة أن الأعتماد على عملية تقطيع الفولت القادم من البطاريه قبل أرساله بغرض التكبير الى البوبينا بتتم داخل الأسبراتير
كما أن عملية توزيع الفولت الازم للشراره والمرسل الى البوجيهات من خرج وش الأسبراتير بتعتمد على العمود الدوار للأسبراتير والعضو المسئول عن التلاحم حسب توقيت الحريق
ألا وهو شاكوش الأسبراتير .....لحظة ألتقائه مع غطاء أو وش الأسبراتير
مكونات تفصيليه عن ذلك
5- قاطع التلامس .......الأبلاتين
يقوم قاطع التلامس بدور أساسى وهام جدا فى دورة الأشعال
فهو يقوم بتقطيع جهد البطاريه الصغير ( 12 فولت ) وذلك لزوم عمل الدائره الأبتدائيه فى البوبينا ......لكى تستطيع البوبينا ( بصفتها كمحول رفع كهربى )
من أنتاج فولت كهربى عالى الشده فى الملف الثانوى للبوبينا
طيب ليه ......دور الأبلاتين مهم .......ولابد من وجوده
وحينما يقفل أطراف التلامس بتاعته على بعض ....اللى بنقول عليها ( الأبلاتين لدع )
العربيه بتبطل على طول
فى نظرية عمل المحولات الكهربيه ......
لايمكن تحويل التيار من جهد منخفض الى جهد عالى ...الا حينما يكون التيار متغير الموجه .....أى أن التيار والفولت مفيش بينهما أتحاد فى الأتجاه
علشان كده بنلاقى منحنى الخصائص بين الفولت والأمبير فى التيار المتغير ( منحنى جيبى )......عامل زى أهرام طالعه ونازله على منحنى الخصائص
علشان كده بنلاقى فى التيار المستمر ( زى البطاريه )
التيار والفولت ماشين مع بعض وعلى أستقامه واحده فى نفس الأتجاه على منحنى خصائص التيار المستمر
علشان الحته دى ......أحنا محتاجين الأبلاتين ....
علشان نقطع التيار زى الشرائح كده .....علشان نبوظ شكل الثبات والأنتظام بتاعه مع الفولت ......يعنى بنفشكل الأنتظام بينهما
بنحاول نحولهم الى صورة التيار المتغير الى حد ما
علشان البوبينا تشتغل
وده شكل قطاع أفقى على محور الأسبراتير لأيضاح الشكل العام للأبلاتين
فى الشكل أحنا شايفين كامات التقطيع ( حدبات القطع ) علشان تزق السناده....وبكده بيتم فتح وقفل نقاط التلامس للأبلاتين مع دوران العمود الدوار للموزع ( الأسبراتير)
وطبعا معروف ....الأبلاتين لدع ....يعنى أطراف التلامس لحموا مع بعض
يعنى مفيش تقطيع شراره ....يعنى البوبينا عطلت ....يعنى العربيه مش حدور
وده ليه سبب برضه حنقوله مع شرح المكثف condenser (الكوندنسر )
بأذن الله
رقم العضوية : 34542
تاريخ التسجيل : 04Mar2009
المشاركات : 1,393
النوع : ذكر
الاقامة : GIZA
السيارة: 2olo ya rab
السيارة[2]: fiat 131
الحالة :
متألق دائما يابشمهندس سمير كده انت بتغريني اطلب منك شوية طلبات كمان
رقم العضوية : 19543
تاريخ التسجيل : 20Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
ياباشا أطلب ولا يهمك ....وعلى فكره أنا عامل الموضوع ده علشان أنت طلبته منى فى موضوع البوجيهات ...دوس هنا
وأنا
لسه فاكر
ومش حقولك
فات الميعاد ............
هههههههههه
المفضلات