استاذ عمرو .. انا صورت لحضرتك الكربراتير من جوة بعد فكة واعذرنى على الشرح المختصر الموجود ع الصور
لضيق الوقت لكن قلت جايز تنفع حضرتك فى موضوع تنظيف الكربراتير :
دي صورة للبك هتلاقي فية ثقب زي مهو واضح فى الصورة وفية ثقب اخر فى اسفلة فقط لا غير دة بالنسبة لبك السلانسية فقط وطبعا لو الثقب دة اتسد بزرة رمل او رواسب هتلاقي السلانسية مش مظبوط وممكن العربية متسمكش سلانسية .. بمعنى انها تبطل ع السلانسية وتبطل لو وقفت فى اشارة ولازم تدور فى كل مرة عشان تمشى العطل دة سببة بك السلانسية .. باقي البكات بيكون عدد الثقوب اكبر وبتكون مخصصة للسرعة .. الخ
لذلك يجب تنظيف الاربع بكات .. هتحتاج مفك عادة عريض يفك الاربع بكات كلها ولو عندك بك الراس بتاعتة مش عادة يبقى البك دة مش بتاعها واتغير
دة الوش العلوي للكربراتير بعد الفك او الجزء اللى فوق المفروض يتم تنظيف الجزئين اللى علمت عليهم باللون
الاحمر .. لكن انا مش عايز حضرتك تعمل كدة ف الوقت الحالى لان لو متمش الفتح بحرص وبخطوات اول حاجة هتتقطع جوان الوش اللى بيفصل بين الجزء العلوي والسفلي للكربراتير لذلك هنأجل الخطوة دي ونكتفي بتنظيف البكات
من اهم الاجزاء بالصورة الجزء الاسود وهي عوامة بنزين بتكون موجودة داخل حوض البنزين بداخل الكربراتير فى الصورة التالية.. وظيفتها لما يتملي الحوض العوامة او البلونة بتطلع لفوق وبترفع ابرة بتفرغ البنزين للفايظ
اللى داخل للتنك .. يعنى بختصار طرمبة البنزين بتشفط بنزين وتودية للكربراتير .. الكربراتير لما بيتملي بيحصل
جوة ضغط البنزين الزيادة هيروح فين ؟ بيروح للراجع اللى رايح للتانك .
دي صورة للجزء السفلي للكربراتير من الداخل وشرحت بشكل مختصر ويشرفنى طبعاّ اي اضافة
على الصورة او شرح اضافي اكون سهوت عنة
ملحوظة : قد يختلف مكان مسمار البنزين ومسمار الهواء حسب موديل الكربراتير وليس حسب موديل السيارة
لان الريجاتا ليها اكتر من 5 موديلات كربراتير بيركبو عليها وليس 2 كما هو الشائع " الكربراتير المربع والتاني المدور " لذلك لا تفاجئ ان وجدت اختلاف فى مكان مسمار الهوا والبنزين عن الصورة .. اما باقى المكونات بما فيها البكات ومسمار تعلية وخفض السلانسية والسخان كلة هتلاقية زي مهو بأذن الله .. لك تحياتي
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
والله مش عارف اقول لحضرتك ايه
كلمه شكرا قليله عليك
لكن حماسك لمساعده الاخرين جعلنى اعمل شى بسيط وسوف تشاركنى فيه بل ان نت فعلا شاركتى فيه الا وهو
عمل موسوعه كاملة من خلال ملف وورد
لكن سوف اوجله بعد انهاء الميزانيات فى شركتنا حتى اكون فاضى له
وسوف اضع كل شىء تم مناقشته بخصوص الريجاتا من خلال تلك الرابطه أو أى مكان اخر
سواء كانت مشكلات وتم حلها من قبل حضرتك او باقى الاعضاء ثم طرحها للاعضاء وتعتبر لهم كدليل لهم فى مشاكل الريجاتا
ولا انسى ان اسمك وسمعتك فى نايل موتورز او مصر موتورز سوف تكون فى صدر الموسوعه مع باقى الاعضاء لما لك من اسهامات كبيرة فى المنتدين
الف شكر اخى العزيز حسين على مجهودك الرائع
نقطة فنية:
الذي يقرر فك وتنظيف البيكات دون فك نصفي الكاربيراتير بمعنى فك البيكات بعد فك العمة مباشرة أمامه أحد طريقين:
الأول: فك البيك وتنظيفه ثم تركيبه واحداً تلو الأخر.
الثاني: فك بيكات السلانسيه الصغيرين ثم فك بيكات السرعة الكبار بهذا الترتيب ثم تنظيف البيكات ثم التركيب بعكس ترتيب الفك (يركب بيكات السرعة الكبيرة أولاً ثم بيكات السلانسيه الصغيرة ثانياً)
نظراً لضيق المكان فإن ذلك يساعد في تلافي سقوط بيك السلانسيه في مكان بيك السرعة وهو ما يعني الإحتياج لخراط لإخراجه مرة أخرى.
نقطة فنية:
الذي يقرر فك وتنظيف البيكات دون فك نصفي الكاربيراتير بمعنى فك البيكات بعد فك العمة مباشرة أمامه أحد طريقين:
الأول: فك البيك وتنظيفه ثم تركيبه واحداً تلو الأخر.
الثاني: فك بيكات السلانسيه الصغيرين ثم فك بيكات السرعة الكبار بهذا الترتيب ثم تنظيف البيكات ثم التركيب بعكس ترتيب الفك (يركب بيكات السرعة الكبيرة أولاً ثم بيكات السلانسيه الصغيرة ثانياً)
نظراً لضيق المكان فإن ذلك يساعد في تلافي سقوط بيك السلانسيه في مكان بيك السرعة وهو ما يعني الإحتياج لخراط لإخراجه مرة أخرى.
على فكرة كلامك سمعته من قبل
ورغم ذلك فى اخر مره فكيته وكنت حريص الا انه وقع ولكن الحمد لله علق قبل مايسقط فى جوف الكربراتير والحمد لله اخرجته
لكن بما اننا هنفك فالافضل ان يتم تغطية الاجزاء المفتوحه فى الكربراتير كقطعه قماش كتغطيه فقط حتى لا يقع اى مسمار بداخل الكربراتير
شكرا اخى العزيز على اهتمامك ونصيحتك عند فك مسامير البيكات
تحياتى الحاره
اخيك عمرو
السلام عليكم ورحمه الله وبركاته
حبيت اعرف واتعلم عن بعض مكونات سيارتى والحمد لله ماشى كويس
لكن وقفت امام الكربراتير
لى صديق عزيز على قلبى واكيد الكل بيعرفه سواء فى هذا المنتدى او منتدى نايل موتور الا وهو المهندس حسين
تفضل مشكورا وارسل لى صور للكربراتير لسيارته الريجاتا موضحا به باماكن بيكات الكربراتير او اماكن مسامير البنزين والهواء لظبط السيارة
بالاضاقه لشرح وافى الا انى عندما فكيت العمه عندى وبدات عمليه التنظيف فوجئت ان الكربراتير مختلف بنسبه 25% عن كربراتير المهندس حسين
سوف اترككم مع صورتين للكربراتير الخاص بى
صوره رقم 1
اللى نظفتهم هما المسمارين اللى مابين الفتحين وعكس كربراتير المهندس حسين يوجد بين الفتحين 4 مسامير اضغط هنا لمشاهدة الصورة بالحجم الطبيعي.
صوره رقم 2
هل المسمارين الذى اشرتم لهم هما خاصين بالهواء والبنزين واذا كان صحيحا ايهما هواء والاخر بنزين
واذا مش هما دول مسامير الهواء والبنزين فأين هم اضغط هنا لمشاهدة الصورة بالحجم الطبيعي.
واخيرا شكرا لكل الاعضاء المهتمين بمجالات الصيانه والمعرفه
السلام عليكم ورحمة الله وبركاته .....
احب اشكر هذا الجروب العظيم الذى له الفضل بعد الله على اختيارى السيارة الريجاتا والتى من احب السيارات التى اشتريتها .. وعندما احتار فى شىء فى السيارة بدخل الجروب وادر فى وبستفيد كتير جدا
وحاليا بدور على مشكله عندى وهى الخان الاسود الخارج من الشكمان ... سألت ناس قالتلى ان الكاربرتير عايز يتنظف هل هذا صحيح ام لا
تحياتى اليك اخى متولى
بالبحث لحل مشكلتك اتيت اليك باستشارة منقوله من منتدى اخر لعلها تفيدك 1 -اذا كان لون الدخان الصادر من العادم يميل الى اللون الازرق او اللون الازرق المشوب بالسواد
لحظة تشغيل المحرك فإن ذلك يعني ان الزيت يتم احتراقه مع الوقود نفسه وهذا معناه احد امرين : إما ان درجة لزوجة الزيت تُعد منخفضة جداً أو ان شنابر البساتم "piston rings" اصبحت بحاجة الى التغيير وهذا الوضع الاسوأ !
2-اذا كان لون الدخان الصادر من العادم يميل الى لون السواد لحظة تشغيل المحرك فإن هذا يُشير الى وجود نسبة فائضة من البنزين لم يتم حرقها .
3- اذا كان لون الدخان الصادر من العادم لحظة تشغيل المحرك ذا لون ابيض وكانت كمية الدخان قليلة فإن هذا امر لا يدعو للقلق اذ يعود السبب الى ان الرطوبة الموجودة في المحرك (البارد) ونظام العادم يجري حرقها في هذه اللحظات . اما اذا كانت كمية الدخان الابيض كثيفة واستمرت لفترة طويلة فإن اقرب الاحتمالات لتفسير ذلك هو وجود تسرب داخلي في جهاز تبريد الماء (الراديتر) .
السلام عليكم ورحمه الله وبركاته
حبيت اعرف واتعلم عن بعض مكونات سيارتى والحمد لله ماشى كويس
لكن وقفت امام الكربراتير
لى صديق عزيز على قلبى واكيد الكل بيعرفه سواء فى هذا المنتدى او منتدى نايل موتور الا وهو المهندس حسين
تفضل مشكورا وارسل لى صور للكربراتير لسيارته الريجاتا موضحا به باماكن بيكات الكربراتير او اماكن مسامير البنزين والهواء لظبط السيارة
بالاضاقه لشرح وافى الا انى عندما فكيت العمه عندى وبدات عمليه التنظيف فوجئت ان الكربراتير مختلف بنسبه 25% عن كربراتير المهندس حسين
سوف اترككم مع صورتين للكربراتير الخاص بى
صوره رقم 1
اللى نظفتهم هما المسمارين اللى مابين الفتحين وعكس كربراتير المهندس حسين يوجد بين الفتحين 4 مسامير اضغط هنا لمشاهدة الصورة بالحجم الطبيعي.
صوره رقم 2
هل المسمارين الذى اشرتم لهم هما خاصين بالهواء والبنزين واذا كان صحيحا ايهما هواء والاخر بنزين
واذا مش هما دول مسامير الهواء والبنزين فأين هم اضغط هنا لمشاهدة الصورة بالحجم الطبيعي.
واخيرا شكرا لكل الاعضاء المهتمين بمجالات الصيانه والمعرفه
استاذ عمرو
الكربراتير اللى عند حضرتك " المدور " الفرق فقط بيكون ان بيك السلانسية كهرباء
و2 بك فقط للسرعة والهوا .. بالنسبة للمسمارين اللى تحت فدول بتوع الهوا والبنزين
وليا ملحوظة مهمة :
لاحظت ان الكربراتير عندك راجع التنك مقفول بطبة ودة كفيل بأنة يعلي استهلاك البنزين
انا كان عندي نفس الحوار دة واضطريت اغير الكربراتير كلة مع اختبار الكربراتير وانت وحظك فية بعد كدة ممكن يحتاج طقم اصلاح اكس وباب لذلك هنأجل النقطة دي للنهاية
استهلاك حضرتك كام حاليا ف الصفيحة ؟ ف السفر وداخل المدن ؟
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
بالنسبه لاستهلاك الوقود قبل الصيانه الاخيرة وتغير سلك الاكسراتير وتنظيف الكربراتير ظاهريا فقط كانت استهلاك الوقود فى السفر الطوالى 240 كيلو فى الصفيحة
كنت بسافر سوهاج افول التنك وقبل وصولى لبلدى بفضى جركن 10 لتر فقط
وبالنسبه للمدينة كويس جدا
اما الان بعد شد سلك الاكسراتير الذى ادى الى هباب البوجيهات فاكيد ان يوجد بنزين زياده بيحترق بدون لازمه نتيجه عدم ظبط مداخل الهواء والبنزين للكربراتير
ان شاء الله هروح للميكانيكى يزبط لى الدنيا
وعلما ان موضوع مشوار الكربراتير الخاص بك وهمومه لم يزل عالقا برأسى ومعنديش استعداد امر بتلك التجربه
تحياتى الحارة لكل الاعضاء
السلام عليكم الساده اعضاء الرابطة
عندي استفسار عن كمبيوتر الأعطال هل اللمب بتنور مع فتح الكونتاكت وتبقي بعض اللمب مضيئة وبعد دوران المحرك تنطفي جميع اللمب وهل لو في مشكلة ممكن لمبه تنور معاك وانت ماشي بالعربية ولا في بداية التشغيل بس قبل ما المحرك يدور
المفضلات