رابطه محبي ومالكي الريجاتا

**ahwanoso** · 31-01-2013 02:18 PM

متشكر جدا للاستاذ عمرو والاستاذ حسين
بس كمتن سؤال التهبيب ممكن بسبب ان المكنه خفيف؟
مع العلم ان عندى البوجيه رقم 2 بيعرق زيت
*معنديش اى مشكله فى الدواره الحمد لله

**nicegypt** · 31-01-2013 06:31 PM

المشاركة الأصلية كتبت بواسطة ahwanoso

متشكر جدا للاستاذ عمرو والاستاذ حسين
بس كمتن سؤال التهبيب ممكن بسبب ان المكنه خفيف؟
مع العلم ان عندى البوجيه رقم 2 بيعرق زيت
*معنديش اى مشكله فى الدواره الحمد لله

نفس الاجابة اخي العزيز .. لو عندك بوجية واحد فقط اللى بيعرق زيت يبقى كاوتش صباب
بتاع الصباب رقم 2 لهذا البوجية واثناء التغيير هيتم تغيير الطقم كلة مش واحد بس
بالنسبة للكربراتير عندك لسة ف اولة.. اعمل 5 الالاف كيلو ع البوجيهات بتاعتك هتلاقي عمرها قصر
مش هتكمل معاك 10 الالاف ك ابدا .. 10 الالاف كيلو على عداد عربيتك

**ahwanoso** · 31-01-2013 08:32 PM

متشكر جدا على الرد السريع
معنى كده ان المكنه مش حفيفه اقصد "مش محتاجه طقم شنبر"
وبكده تبقى المشكله
1- طقم كوتش صباب
2- تظبيط الكربراتير

**nicegypt** · 31-01-2013 08:37 PM

المشاركة الأصلية كتبت بواسطة ahwanoso

متشكر جدا على الرد السريع
معنى كده ان المكنه مش حفيفه اقصد "مش محتاجه طقم شنبر"
وبكده تبقى المشكله
1- طقم كوتش صباب
2- تظبيط الكربراتير

طقم الشنبر لة اعراض كتيرة اسهل طريقة لكشفها انك تبص على خرطوم الفائظ
وتشد بكرة البنزين اللى ف الكربراتير يعنى تدوس بنزين وتبص على خرطوم الفائظ
لو لقيتة بيضرب زيت ومبهدل الماكنة زيت من برة يبقى فيها طقم شمبر باردو
لو طلع بخار هواء ساخن فقط يبقى تمام
لو لا قدر الله فيها شمبر يبقى هات الطقم الايطالى ابو علبة بيضاء متوسط سعرة 130 ج
للطقم كلة

**ahwanoso** · 31-01-2013 08:45 PM

فى بخار زيت بيطلع من خرطوم الفايظ هل ده دليل على الشنبر

**ahwanoso** · 01-02-2013 12:51 AM

لقيت نفس السؤال باجابه جميله فحبيت احطه "منقول من هذا المنتدى"http://www.nilemotors.net/Nile/147976-a.html
لما بيكون بوجيه واحده أو أثنين اللى بيحصل عليه لمعة زيت بنتوقع بنسبه عاليه أن ده كاوتش صباب تالف

أما لما بتكون كل البوجيهات هى اللى بتعرق ماده صفراء داكنه ذات ملمس لامع بيبقى صعب معرفة أيه السبب

كاوتش صباب .....ولا شنابر بدأت تخف

__________________________

ولكن من الممكن تقريب التشخيص والوصول الى توقع قريب

لو فتحة فتحة ملىء الزيت والمكنه شغاله ومع الأمبيلهات وحسيت بخروخ نفخ واضح وريحته قريبه من ريحة عادم السياره

يبقى كاوتش صباب المكنه كله بايظ وهنا ممكن نكتفى بالروديه وكاوتش الصباب ( على أساس أن المكنه معقوله فى سحبها ومش محتاجه شنابر حاليا )

ومن جهه أخرى لو حبينا نعرف العيب من الشنابر من الممكن بمتابعة خط الفائظ

على أساس لو تلاحظ خروج زيت ملحوظ رايح الى مجمع سحب المكنه ( المانيفولد )
يبقى شنابر المكنه دى تعبانه وتوقع منها كل شىء

وهنا بأه بنخش فى تغيير شنابر وروديه بالمره

________________________________________

ومن الممكن تحليل وتشخيص الحاله بدقه متناهيه
لو توفر لديك مركز الخدمه الفاهم والقادر على أجراء أختبار كبس صحيح ودقيق

فمن الممكن مع أختبار الكبس توضيح حالة كل شىء

**hk1960k** · 10-02-2013 12:54 PM

الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا

**alomda1974** · 10-02-2013 01:33 PM

المشاركة الأصلية كتبت بواسطة hk1960k

:b4_007:الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا

شكرا جزيلا أخى الكريم وبارك الله فيك
وفى انتظار نتائج التجربة للدبرياج لتعم الفائدة

**mohamedaldaly** · 10-02-2013 11:39 PM

السلام عليكم انا عضو قديم بس بدخل اتفرج بس لما جبت الريجاتا حبيت اسال علي الحاجات الي انا عايزة لاكن لقيت حضراتكم هنا عاملين حاجات جامده وشرحين حاجات كتير فكنت عايز اسال عن اماكن بيع الحاجات ديه بسعر كويس اولا انا عايز اجيب تابلوة لريجاتا 88 او اصلح الي عندي بس مش عارف اعمله فين ثانيا عايز اجيب علبه دريكسيون استيراد وعمه هوا وعايز ضفيرة للعربيه

**nicegypt** · 11-02-2013 01:21 AM

المشاركة الأصلية كتبت بواسطة mohamedaldaly

السلام عليكم انا عضو قديم بس بدخل اتفرج بس لما جبت الريجاتا حبيت اسال علي الحاجات الي انا عايزة لاكن لقيت حضراتكم هنا عاملين حاجات جامده وشرحين حاجات كتير فكنت عايز اسال عن اماكن بيع الحاجات ديه بسعر كويس اولا انا عايز اجيب تابلوة لريجاتا 88 او اصلح الي عندي بس مش عارف اعمله فين ثانيا عايز اجيب علبه دريكسيون استيراد وعمه هوا وعايز ضفيرة للعربيه

اهلا بحضرتك ونسعد بوجودك طبعاّ .
بالنسبة للتابلوة فلو الضرر بسيط ممكن يتصلح عند بتاع فايبر ممكن تصور التابلوة افضل وترفع
الصورة هنا وهنقولك هتعمل اية بالظبط . وممكن تغيرة وتركب تابلوة سيينا بس تكلفتة 1200 تقريباّ
هتلاقى احد الاعضاء هنا مصورة لكن اعمل حسابك انك هتغير كل حاجة بما فيها الكونتاك لذلك انا
لا احبذ شخصياّ تغيير التابلوة وهيكون مكلف عليك

بالنسبة لعلبة الدركسيون ممكن تشتري تركي جديد : 290 ج شغالة معايا بقالها سنة زي الفل الحمد لله

الضفيرة وعمة الهوا : نزل عزبة شلبي دور عليهم وقولنا الاسعار لانى معنديش خلفية عن سعرهم
علما ان عزبة شلبي اقل ف السعر كتير عن الوكالة وافضل