الموضوع: باركولى يا جماعة... أنا حجزت كيا كارينز

سلام على أحلى شباب ورجال فى مصر
أنا بشكركم كلكم واحد واحد وفرداً فرداً على كل المعلومات اللى استفدتها من مناقشاتكم وحوراتكم فى هذا المنتدى الرائع..
أنا اشتركت فى المنتدى ده منذ أكتر من سنة، وكان السبب إنى عايز أشترى عربية... بس الظاهر إنى متردد شويتين...
وأخيراً وبعد طول انتظار وبحث وتفحيص وتمحيص وفرجة فى المعارض ومتابعة لكل كلمة اتقالت فى المنتدى سواء بالسلب أو الإيجاب.. توكلت على الله واستخرت ربنا وحجزت الكارينز الأتوماتيك
الحجز من محمد زكى - القطامية
السعر 109 ألف (بدون أى أوفربرايس) وحجزت بألف جنيه فقط ( مش 20 ألف زى الوكيل)
الاستلام فى شهر 12 إن شاء الله (الوكيل قالى استلام شهر 3 - 2010)
الموضوع مخدش أكتر من عشر دقائق (لأنى حافظ العربية عن ظهر قلب وعارف تقريباُ كل حاجة عنها)
أنا حجزت لون أسود أو بنى ( أعتقد اللونين دول مش بطالين)

أخيراً :
أنا بشكر فعلاً كل الناس فى نايل موتورز مش بس فى منتدى كيا، لكن كمان فى المنتديات التانية اللى خلونى أبعد عن عربيات مش مناسبة ليا بعد توضيح إيجابياتها وسلبياتهاز وأحب أخص بالشكر الأستاذ أحمد كمال / أحمد سامى/ محمد سمير

إدعولى ربنا يصبرنى لحد الاستلام إن شاء الله واستلم على خير بإذن الله
شكراُ لكم جميعاً