الفرق بين الاوكتافيا a5 الخليجى وبتاعت الوكيلِa5

**kmatshooo** · 07-09-2009 05:24 AM

ياجماعة انا عاوز اعرف ايه الفرق بين الاوكتافيا الخليجى وبتاعت الوكيل انا شفت واحده خليجى فيها جنوط سبور اصلى بس مفيهاش غير 2 زجاج كهرباء امامى ومفيهاش مثبت سرعة ولا حساس عجل ولا مالتى فنكشن فى حين ان سمعت الكلام ده كله موجود فى عربيات الوكيل من اول كاتيجرى الى حتى من غير جنوط هل الكلام ده صح وايه الفروقات تانى وايهما افضل الخليجى ام المصرى وما رينج سعر السيارة موديل 2006 عاملة 95 الف كم حالتها ممتازة من غير الكامليات السالف ذكرها وشكرا
مستنى ردودكم واقتراحاتكم بسرعة علشان بخلص فيها وشكرا الكلام عن a5 طبعا
محمد عامر

**teddyteddy** · 07-09-2009 05:49 AM

وانا في انتظار حد يرد شكرا

**Ahmed15** · 07-09-2009 11:46 PM

(أولا) فروق الكماليات
لا يمكن تحديدها لأن في الخليجي كوكتيل كماليات كثير التنوع و ذلك لأنها
* من دول خليجية مختلفة تختلف بينها باقة الكماليات
* يوجد باقات كماليات مختلفة في الدولة الواحدة
* كما تختلف الكماليات أيضا مع الموديل (نفس الفئة تزيد بعض الكماليات في السنة التالية)

(ثانيا) الضمان و الصيانة
اذا كان الوكيل لا يقوم بصيانة الخليجي (غير متأكد) فإن مراكزه المعتمده تصونها مثل نور الدين شريف في الاسكندرية (يمكن الرجوع لخالد أيمن ، سيارته خليجي و بيعملها الصيانه هناك)
و عقل بين المحلة و طنطا (و يعمل فيه المهندس يوسف)
الى جانب وهدان في أكتوبر و الأقصى في المعادي
كل هذا بجانب مراكز أخرى لا علاقة لها بالوكيل و تعمل في الخليجي
* عند شراء سيارة زيرو يكون من أحد العناصر المهمة "الضمان" و لكن يقل أهمية في المستعمل

(ثالثا) العفشة
عفشة الخليجي أكثر ليونه في المطبات و في المقابل المصري أنشف و أكثر تحملا.
ارتفاع السيارة واحد و لكن البعض يقول أن الخليجي أقل ارتفاعا و اعتقد أن هذه المعلومة غير صحيحة و ما يسبب هذا الاعتقاد هو موضوع ليونة العفشة مع التحميل يؤدي الى احتكاك السيارة بمطبات قد لا تحتك بها المصري.

(رابعا) التصفيح
المصري بها تصفيح أسفا الموتور مهم جدا لحماية الموتور و الفتيس من العوائق المرتفعة عن الأرض و بدلا من في الخليجي يوجد حماية من الفيبر

(خامسا) التكييف
سمعت كثيرا أن تكييف الخليجي أفضل من المصري و لم أتأكد يقينا من ذلك

و أخيرا لاحظ أنه الخليجي يجي أن تكون أقل سعرا من المصري و لكن لعدم معرفتي بالأسعار فلا أستطيع تحديد هذا الفرق هذا بالإضافة ان المصري أسهل في اعادة البيع من الخليجي.

**KHALED AYMAN** · 09-09-2009 02:04 AM

كلام حضرتك مظبوط ..
انا بس عندى ملحوظه ..
احنا كان معانا 2005 مصرى ..
و دلوقتى معانا 2008 خليجى ..
الخليجى فعلا اوطى من المصرى بحوالى 3 سم ,,

**Ahmed15** · 10-09-2009 07:52 PM

الخليجى فعلا اوطى من المصرى بحوالى 3 سم

- هل هذا الفرق و العربية فارغة أم و هي محملة فقط ؟
- هل اشتريتو السيارتين زيرو .. أقصد ممكن واحده فيهم يكون حصل فيها أي تعديل قبل شراؤكم لها ؟
أنا فقط بأحاول أفكر معاك لأتأكد أن هناك فعلا فرق و هل هو دائم أم بعد التحميل
و شكرا

**KHALED AYMAN** · 11-09-2009 02:07 AM

المشاركة الأصلية كتبت بواسطة ahmed15

- هل هذا الفرق و العربية فارغة أم و هي محملة فقط ؟
- هل اشتريتو السيارتين زيرو .. أقصد ممكن واحده فيهم يكون حصل فيها أي تعديل قبل شراؤكم لها ؟
أنا فقط بأحاول أفكر معاك لأتأكد أن هناك فعلا فرق و هل هو دائم أم بعد التحميل
و شكرا

شكرا لاهتمامك ..
العربيتين كانو زيرو ...
و الفرق ده و هى فاضيه مش محمله ..
طبعا انا مقيستش الفرق بالظبط ..
بس المهندس فى التوكيل قالى انها حوالى 3 سم ..
و فعلا
انا العربيه بتحك فى مطبات كتير
على عكس المصرى الى كانت معانا ...
بس فعلا عفشه الخليجى انعم من المصرى .. بس طبعا مع الاحتفاظ بنشوفيه العفشه المزعجه من ورا :b4_592:

**Ahmed15** · 11-09-2009 11:02 PM

يعني المعلومة دي بناء على كلام مهندس التوكيل ؟
لاحظ أن الخبط في المطبات سببه ليونة العفشه حتى لو نفس الارتفاع.

**KHALED AYMAN** · 12-09-2009 02:08 AM

المشاركة الأصلية كتبت بواسطة ahmed15

يعني المعلومة دي بناء على كلام مهندس التوكيل ؟
لاحظ أن الخبط في المطبات سببه ليونة العفشه حتى لو نفس الارتفاع.

الكلام مصدره تجار السيارات و ملاك العربيه ..
الى اكدلى المعلومه مهندس فى التوكيل ..
و على فكره انا بلاحظها من الشكل ..
يعنى لما بشوف عربيه بقدر اعرف هى مصرى ولا خليجى ..
بتبان من المسافه بين العجله و الفجوه ..
و بالنسه لان الخبطه نتيجه الليونه ..
اعتقد ممكن الكلام ده لو واخد المطب سريع شويه بحيث انك تسمح للمساعدين و العفشه انها تتحرك لفوق و تحت ..
انما لو طلعت على المطب بالرااااااااااحه و وقفت عليه و نزلت بالراااااااااحه ..
هتحس فعلا ان العربيه واطيه مش عاليه ...