الموضوع: ازاى اتعلم السواقة على عربيتى من غير ما اضر بالسيارة ؟؟

طب ما تشوف حد من اصحابك او اى حد تعرفه قريب منك .

يكون جمبك كل يوم فترة السواقة .

اولا شوف مكان فاضي و مساحته كبيرة و بعدين شوف حد تكون واثق فيه من اصحابك يروح معاك .

فى الاول اتعلم نظرى و شوف العربية بتمشي ازاى نظريا و بعدين تشوف صاحبك و هى بيسوق و تتعلم منه و تنفذ بعد كده عملى ..

و انت بتتعلم حاول متجريش بسرعة كبيرة و خلى ايدك تاخد على الفتيس و زود و سقط نقلات فى الوقت المناسب علشان تتعود .

و تحاول كمان تاخد ملفات كتير و تكون فى مكان فاضي برده .

و اخيرا تتعلم ازاى تركن العربية بهدوء و بدون مشاكل .

و اى معلومة تحب تعرفها اتفضل قول .

المشاركة الأصلية كتبت بواسطة ringoo

يا دكتور حاول تدخل مدرسة قيادة 4 حصص كدة تعرف فيهم
الاساسيات ويكون معاك واحد يعرفك ايه الاخطاء اللى بتقع فيها
بعد كدة تبدأ تسوق لوحدك فى اوقات الشوارع تكون فاضية زى
مثلا الساعة 5.30 صباحا
حط على الازاز الخلفى ورقة مكتوب عليها تعليم ( مش عارف هل دة ممنوع ولا لأ )
ومتسوقش بلليل الا لما تحس انك فهمت كل حاجة وبتثق فى سواقتك
متمشيش على سرعات عالية فى الاول
على العموم انك تعلم نفسك بنفسك على عربيتك دة مش مستحب
لانك ممكن تعرض نفسك وتعرض الاخرين للخطر فخليك حذِر
وانتظر الرد من باقى الاعضاء وربنا يستر

المشاركة الأصلية كتبت بواسطة terrible_darsh

طب ما تشوف حد من اصحابك او اى حد تعرفه قريب منك .

يكون جمبك كل يوم فترة السواقة .

اولا شوف مكان فاضي و مساحته كبيرة و بعدين شوف حد تكون واثق فيه من اصحابك يروح معاك .

فى الاول اتعلم نظرى و شوف العربية بتمشي ازاى نظريا و بعدين تشوف صاحبك و هى بيسوق و تتعلم منه و تنفذ بعد كده عملى ..

و انت بتتعلم حاول متجريش بسرعة كبيرة و خلى ايدك تاخد على الفتيس و زود و سقط نقلات فى الوقت المناسب علشان تتعود .

و تحاول كمان تاخد ملفات كتير و تكون فى مكان فاضي برده .

و اخيرا تتعلم ازاى تركن العربية بهدوء و بدون مشاكل .

و اى معلومة تحب تعرفها اتفضل قول .

اولا الف الف شكر ليكم على ردودكم وجزاكم الله كل خير
اانا فعلا عملت زى ما قلتولى النهاردة واخدت واحد صاحبى معايا وخرجنا بدرى والشوارع فاضية

يعنى مشيت بالعربية على الاول والتانى مش وحش كبداية
بس مثلا هو قاللى ان لو رجلى فضلت على الدبرياش كتير ده غلط عالعربية
فانا كنت عاوز اسال ايه تانى ممكن يضر العربية اوانا باتعلم وخاصة العربية حكت منى ف كام مطب كده
هل حكة العربية ف المطبات دى غلط ؟؟؟وايه الحل واجنا عندنا ما شاء الله المطب ارتفاعه نص متر
وكمان هل ماا العربية تبطل منى ده فيه خطورة عالعربية؟؟؟؟
واسف عالاطالة
وليه كله بيخوفنى انى اتعلم عالعربية هو اانا هاعمل فيها ايه يعنى ؟

قدم فى المدرسة و بعد كام محضرة وتدريب عملى ممكن تبدا تسوق عشان متندمش بعد كده

الافضل انك تتعلم علي اي عربية تانية كام حصة كده لحد متتعرف علي الاساسيات وبعد كده كمل علي عربيتك وبرده خلي حد بيعرف يسوق ينزل معاك علي عربيتك لحد متتعود علي عربيتك وتعرف ابعادها كويس انا عملت كده والحمد لله دلوقتي كل حاجة تمام والعربية كويسة محصلهاش حاجة

انا هقولك على رأيي الشخصي اللى مبنى على تجربتى وتجربة صديق ليا

مدرسة تعليم سواقة دى تروحها لو عايز تضيع وقتك

احسن حاجة الاصدقاء وبالزات اللى عندهم عربيات بنفس مستوى عربيتك

انا رحت مدرسة بتاعة واحد قريبي و اتعاملت مع كل المدربين اللى عنده
مقدرتش اخد منهم غير مبادئ المبادئ
وكل واحد بيعلمك بأسلوبه
يعنى واحد نظامه يخليك زى سواقين المايكروباصات يقلك جمد قلبك والعربيات هى اللى توسعلك
قلتله لو عملت زى مابتقولى فى طريق فيه واحد انتا علمته يبقي هنخبط فى بعض
واحد تانى يقعد جنبك وميتكلمش وتطلع منه المعلومة بالعافية
وغيره

وقاعدة واحدة مع واحد صاحبي بيسوق كويس اتعلمت منه 10 اضعاف اللى اتعلمته من المدربين

هقولك على شوية حجات يمكن تنفعك
اولا اتعلم على عربيتك مهم جدا هيخليك تحفظ ابعاد العربية
ثانيا روح مكان زى الشيخ زايد ولف فى الشوارع الفاضية على قد ماتقدر كمشي عادى
ثالثا حط طوب فى شارع فاضي وامشى فيه زجزاج بوشك وارجع برضه بظهرك زجزاج من غير ما تخبط فى الطوب ومتستهونش بالتمرين ده
وعلشان تتعود على المشي بالراحة فى الزحمة خلي صاحبك يمشي جنب العربية يعنى جنب باب السواق
وانتا امشي بنفس سرعة صاحبك وتخليه يقف فجأة ويمش تانى وهكذا التمرين ده خطير برضه
رابعا امشي فى شوارع هادية بس مش فاضية
خامسا امشي فى شوارع زحمة
وعلشان تعرف انك اتعلمت سواقة صح تعالى عندى فى شارع فيصل امشي فيه من اوله لاخره وسط المكروباصات

ومن غير ما تعطل الشارع وخد كام يوتيرن فيه وتعتبر كدة اتخرجت من مدرسة سواقة الحياة

وطبعا فى نفس الوقت اتدرب على الركن لانه مهم جدا ممكن تستخدم كراتين فاضية فى البداية الطريقة دى انا اتعلمتها من موضوع هنا وفى كمان موضوعين حلوين عن الركن

وبرضه موضوع صعود ونزول الكبرى والتوقف فى المطلع والمنزل فى موضوع هنا انا اتعلمت منهم وبعد كدة اتدربت لوحدى

اتمنى ليك كل خير وربنا معاك

متنساش
ميهمكش الكلاكسات والشتيمة
واخطاء الاخرين خلي بالك منها جدا هتتفاجئ لما تلاقيها اكتر من اخطائك

----------------
محمد سالم

المشاركة الأصلية كتبت بواسطة aymansaad

قدم فى المدرسة و بعد كام محضرة وتدريب عملى ممكن تبدا تسوق عشان متندمش بعد كده

المشاركة الأصلية كتبت بواسطة lion_heart

فعلا هيه دى الخلاصة لأنك ممكن تبوظ المارش او تخلى الموتور يسقف منك و بالتالى تقضى عليه او لا قدر الله تدخل فى حد و تعمل مشاكل .

الف شكر ليكم بس انا من البحيرة وعندنا مدرسة السواقة دى ولا بتعلم حاجه بتعلمك الصبر بس على غلاسة الناس اللى شغالين فيها
وانا خلاص اخدت البدائيات فاضللى بس اتعلم حساسية رجلى عالدبرياش والبنزين والسواقة للخلف
وانى اطلع على الطريق باه
شكرا ليكم على ردودكم وجزاكم الله خيرا على خوفكم عليا

المشاركة الأصلية كتبت بواسطة sarah5

الافضل انك تتعلم علي اي عربية تانية كام حصة كده لحد متتعرف علي الاساسيات وبعد كده كمل علي عربيتك وبرده خلي حد بيعرف يسوق ينزل معاك علي عربيتك لحد متتعود علي عربيتك وتعرف ابعادها كويس انا عملت كده والحمد لله دلوقتي كل حاجة تمام والعربية كويسة محصلهاش حاجة

شكرا على نصيحتك وانا فعلا عملت كده النهاردة