ساعدونى ..انا محتار اجيب ايه ؟؟

**sacha77** · 09-09-2009 01:00 AM

المبلغ المتاح من 50 ال 60 الف
الاستعمال اغلبه دالخل المدينه
انا بحب الانسر ونفسى فى بومه بس لاقيت ان سعرها فوق السبعين

شوفت انواع كتير بس مخى فى الانسر البومه
او عربيه تكون نفس الاستايل
ياترى تنصحونى بايه ؟ ومنين لان اخوكو خبرته فى موضوع الشراء ده تكاد تكون معدومه وكل اللى اتعاملت معاهم شكلهم هيظبطونى

**M.FOUAD** · 09-09-2009 01:28 AM

ممكن تجيب بومة 2003 او 2004 1300 فاضية لو عايزها بحالة سليمة جدا و مش هتزيد 60-62 ابدا ابدا لو فابريقة بالكامل
و ممكن المكوة من 2001-2003
صني نفس الموديل

**sacha77** · 09-09-2009 09:30 PM

اشكرك على الرد
بس فيه سؤال كمان من فضلك
المبلغ ده يجيب ايه تانى غير الانسر ؟؟

**Terrible_DaRsH** · 09-09-2009 09:38 PM

المبلغ ده يجيب عربيااااااااات كتير جدا جدا جدا ..

شوف انت عاوز ايه من العربية علشان تعرف تحدد كويس .

يعنى هاتش باك و لا سيدان , معاك العائلة و لا لوحدك .

هتسافر بيها كتير ولا لا ؟ مانوال ولا اتوتوماتيك .

**sacha77** · 09-09-2009 09:50 PM

انا اسف انى موضحتش بس انا عدلت الموضوع امبارح بس تقريبا فيه مشكله عندى فى النت
المهم
العربيه /سيدان
الاستعمال اغلبه داخل المدينه
ولوحدى ومش بيزيد العدد عن 3 او اربعه فى النادر
الكماليات/اهمها التكيف والباقى اذا وجد اولا مش مهم
الموديل /فوق 2003
استهلاك البنزين/متوسط
قطع الغيار / متوفره مش فارقه السعر المهم انها تعيش
اعاده البيع/مش مهم لانى ناوى احتفظ بيها فتره طويله

المهم عندى
عربيه جامده شاكلها مفرود زى الانسر او ما يشبهها

**Terrible_DaRsH** · 09-09-2009 10:05 PM

لانسر مكواة , جين تو .

فى عربيات حلوة برده بس موديلات قبل 2003 .

**M.FOUAD** · 10-09-2009 01:15 AM

60 يجيبوا غير الانسر او الصني كورولا 2001
ممكن فيكترا 2002-2003 بس قطع غيارها غالية و اعادة بيعها صعب
ممكن افيو و ممكن نوبيرا موديل عالي معرفش دة يكون طلبك و لا لا
بس على فكرة البومة 2004 سهل اوي تجيبها ب60 لو 1300 مانيوال

**محمد أنور** · 13-09-2009 06:44 PM

انا برأي انك تنزل سوق الجمعة و العربية اللي تعجبك ادخل على صاحبها اسألوا بكام .. لو لقيته بيتكلم في 65 اعرف انها ممكن تخلص على 60 .. ممكن تجيب لانسر 2004 او 2005 بس هتحتاج تلف شوية و يبقى معاك سمكري شاطر عشان يطلع عيوب لصاحب العربية يرضى من خلالها انه ينزل من سعر العربية و ربنا يوفقك :)

**sacha77** · 15-09-2009 09:17 PM

جزيل الشكر لكل الاخوه اللى ردو وكل عام وانتم بخير

بس فيه سؤال بسيط
لو ميزانيه لغايه 70
تجيب ايه هاتش باك زى التريوس كده مثلا فى الشكل؟؟

**gold_777** · 17-09-2009 01:02 AM

السلام عليكم ورحمة الله وبركاته
لو انت عاوز كل انت بتقول عليه تجمعه كده فى عربيه وكمان انت عاوز الموديل عالى وعاوز كماليات
يبقى انشاء الله اتوكل على الله وهات جين تو موديل 2007 هى بيتلعب من 60 حتى 70 ده دى اللى هى مش عامله كيلوهات كتير
لان الجين مميزاتها جامده جدا وبعدين خلى بالك انها السياره من تحت كلها لانسر يابانى يعنى العفشه + الجير بوكس + نظام التعليق الرياضى كله يابانى التقفيل ماليزى والموتور شركة لوتس الانجليزيه لو انت اقتنعت بالسياره قبل ما تنزل قولى لان انا عندى واحد عاوزيبيع عربيه موديل 2007 وهو عاوز يبيعها لانه اعبالنا كده انشاء الله ربنا رزقه وجاب هوند سيفك زيرو وهو كان مخلى الجين لانه مستخسر يبعها لانها فعلا عربيه تستاهل المهم لو عاوز تتفرج قولى وانا ظبتها
معاك ومش هنختلف فى السعر لان العربيات دى معرفوه والسلام عليكم