الموضوع: لو عايز تفهم Aerodynamics او عايز تعدل فى شكل عربيتك صح يبقى لازم تدخل

بسم الله الرحمن الرحيم


النهارده هانتكلم عن حاجه مهمه جدا ومعظم الناش مش واخدين بالهم منها وهى ال Aerodynamics Studies

مسالتش نفسك مره ايه لازمه الوينج او ال سبويلر او الكساحات غير ان شكلهم بيبقى جامد؟

طيب ليه فى عربيات بتنزل فيها وينج او سبويلر وعربيات لا ؟

نفسك تعدل عربيتك صح وتخلى شكلها جامد وفى نفس الوقت توفر فى البنزين وتزود فى الثبات والتسارع ؟

طيب خليك معايا وان شاء الله خير

تعريف ال Aerodynamics
هو دراسه حركه الهواء او الغازات حول جسم متحرك ومدى تاثير حركه الهواء على هذا الجسم المتحرك

Aerodynamics is the study of moving gases (in this case air) over a body in motion, and how that

. airflow will affect the body's movement through the flow

طيب بعد التعريف هانتكلم عن اهم عنصرين بيؤثروا فى الموضوع ده

Drag Force

وهى القوه اللى بتعاكس او بتبقى ضد حركه جسم متحرك وفى حالتنا هايكون الهواء وبيعاكس
حركه العربيه

In fluid dynamics, drag (sometimes called air resistance or fluid resistance) refers to forces that oppose the relative motion of an object.


lift Force

وهى قوه عمودييه على اتجاه حركه الهواء (من الاخر هى قوه بتعمل على رفع مقدمه للعربيه عن الارض)
والقوه ديه هى اللى بتخللى الطياره تطير طبعا احنا مش عايزين العربيه تتطير
Lift is defined to be the component of this force that is perpendicular to the oncoming flow direction

اخر تعريف هانتكلم عنه علشان انا عارف انكم اتخنقتوا

( Drag Coefficient (CD, CX or CW
وده رقم بيوضح مدى مقاومه الهواء لحركه العربيه (كل ما الرقم ده بيقل كل مابيكون مقاومه الهواء لحركه العربيه اقل)

the drag coefficient (commonly denoted as Cd, Cx or Cw) is a dimensionless quantity which is used to quantify the drag or resistance of an object in a fluid environment such as air or water

واخدين بالكم من البروشور بتاع العربيه دى شايفين مكتوب ايه



طيب واحد يسالنى هو يعنى لازم اعرف الرقم ده ياعم كفايه اعرف الهورس باور بتاع الموتوروالعزم و الاكسسوارات والجنوط والتكييف تاتش ولا بكر

هاقولك شايفين الرقم محطوط فين فى خانه الperformance او الاداء معنى كده انه بيفرق فى الاداء و مهم زى اى حاجه تانيه

مهم فى ايه يعنى !!
مهم لانه بيفرق فى استهلاك الوقود بطريقه فظيعه ولذلك الشركات كلها بتتنافس علشان الرقم ده يكون اصغر
مايمكن

الرقم ده بيتراوح مابين .29او .30 وبيحاولوا يخلوه يوصل ل .25
(خللى بالك احنا قولنا ان الرقم ده كل مابيصغر كل مامقاومه الهواء للعربيه بتبقى اقل وبالتالى بتقل كميه الوقود اللى بستهلك علشان تتغلب على مقاومه الهواء دى)

حوالى 60% من قدره الموتور على السرعات العاليه بتروح علشان تتغلب على مقاومه الهواء دى,شفت قد ايه الموضوع مهم

About 60% of the power required to cruise at highway speeds is taken up overcoming air drag, and this increases very quickly at high speed. Therefore, a vehicle with substantially better aerodynamics will be much more fuel efficient

ده جدول بيوضح ال Drag Coefficient لكذا عربيه

# 0.33 - Dodge Charger, 2006
# 0.33 - Audi A3, 2006
# 0.33 - Subaru Impreza WRX STi, 2004
# 0.33 - Mazda RX-7 FC3C, 1987-91
# 0.33 - Citroen SM, 1970
# 0.32064 - Volkswagen GTI Mk V, 2006 (0.3216 with
ground effects)
# 0.32 - Toyota Celica,1995-2005
# 0.31 - Citroën AX, 1986
# 0.31 - Citroën GS, 1970
# 0.31 - Eagle Vision
# 0.31 - Ford Falcon, 1995-1998
# 0.31 - Mazda RX-7 FC3S, 1986-91
# 0.31 - Renault 25, 1984
# 0.31 - Saab Sonett III, 1970
# 0.30 - Audi 100, 1983
# 0.30 - BMW E90, 2006
# 0.30 - Porsche 996, 1997
# 0.30 - Saab 92, 1947
# 0.29 - Dodge Charger Daytona, 1969
# 0.29 - Honda CRX HF 1988
# 0.29 - Subaru XT, 1985
# 0.29 - BMW 8-Series, 1989
# 0.29 - Porsche Boxster, 2005
# 0.29 - Chevrolet Corvette, 2005
# 0.29 - Mazda RX-7 FC3S Aero Package, 1986-91
# 0.29 - Lancia Dedra, 1990-1998
# 0.29 - Honda Accord Hybrid, 2005
# 0.29 - Lotus Elite, 1958
# 0.29 - Mercedes-Benz W203 C-Class Coupe, 2001 -

فى العربيات القديمه الرقم ده بيبقى اكبر (علشان كان مش بيفرق معاهم لان البنزين كان رخيص فا مش فارق

استهلاك الوقود معاهم)

حاليا برضوا فى بعض العربيات الكورى والماليزى الجديده بيبقى استهلاكها الى حد ما كبير علشان هما مش بيهتموا بموضوع ال AeroDynamics وبيتعمدوا مايكتبوش الرقم ده

طيب احنا دلوقتى لسا معرفناش ازاى اعدل فى العربيه واقلل فى استهلاك الوقود وازود الثبات واخلي التسارع افضل

طيب التعديلات اللى هاتتقال دلوقتى دى خاصه بتقليل ال Drag Force على جسم العربيه

1-

حاول توطى العربيه على قد ما تقدر وده هايقلل مقاومه الهواء بنسبه 3% غير انوا هايقرب مركز الجاذبيه Center of Gravity من الارض من اهم مميزات الموضوع ده انه هايخللى العربيه صعب انها تتقلبRolling Over



2-


حاول تحط مصفح اسفل العربيه او اى حاجه مشابهه"body pan", كده انت بتخللى الهواء يمر بانسيابيه من تحت

العربيه بدون مايكون فى حاجه تعوق حركته (حاجه زى كارتيره الزيت والقنطره) يعنى من الاخر حاول يكون اسف العربيه الى حد كبير ناعم او او Flat



3-

شيل اى زوايد ملهاش لازمه بره العربيه كمثال نزل الانتنه بتاعه الراديو وهات انتنه داخليه

( فى بعض العربيات دلوقتى بيستغنوا حتى عن المرايات الخارجيه وبيحطوا بدالهم كاميرات علشان يقللوا مقاومه الهواء لحركه iلعربيه)


4-


موضوع السبويلراو الوينج (Rear end spoiler or Wing ) بقى مهم قوى وهانتكلم عليه بعدين




5-


لو عربيتك مافيهاش Intercooler داخلى فوق الموتور يبقى ال roof scoop ملوش اى لازمه





خليكوا فاكرين احنا بنعمل كل ده علشان نخللى العربيه انسيابيه الى اقصى حد علشان الهواء يمر بسلاسه من على جسم العربيه

طيب فيه واحد يقولى انا عايز اخللى العربيه ثابته سواء على السرعات العاليه او فى الكورنرات



وهنا هانتكلم عن التعديلات الخاصه بال Lift Force


اول حاجه ممكن تعملها تحط كساحات Front Air Dam + عتب Side Skirts
ايه فايده الكلام ده علشان الكل يبقى عارف

فاكرين لما اتكلمنا على ال Lift force
ال Lift Force دى على السرعات العاليه بتخللى مقدمه العربيه ترتفع عن الارض لان بيكون الضغط اسفل العربيه اعلى من الضغط فوق العربيه وبالتالى العربيه بتترفع لفوق نتيجه للضغط ده

حاجه زى كده يعنى ( مش بالشكل ده طبغا لان العربيه هنا بتعمل Wheelie انا بس بحاول اوصل ايه اللى بيحصل)




طيب انا دلوقتى عايز اخللى العربيه تبقى ثابته على الارض و مايحصلش الكلام ده يبقى لازم نخللى الضغط اسفل العربيه اقل من الظعط فوق العربيه علشان يحصل زى شفط لجسم العربيه وبالتالى ماترتفعش عن الارض على السرعات العاليه

طيب وهو يعنى الكساحات و العتب عملوا ايه يعنى

فيه قانون بينص ان كلما زادت السرعه قل الضغط

وده اللى احنا هانعملوا هنا عن طريق ان احنا بنضيق او بنخنق مسار الهواء تحت العربيه فا بالتالى سرعه الهواء هاتزيد وبالتالى هيقل الضغط اسفل العربيه vacuum pressure و هاتتشفط لتحت وهو ده اللى احنا عايزينه


بالنسبه بقى لموضوع السبويلر او الوينج(فيه فرق مابين الاتنين بس هانعتبرهم واحد)




السبويلر او الوينج سلاح ذو حدين

لانهم بيعوقوا حركه الهواء بانسيابيه فى موخره العربيه وبالتالى مقاومه عاليه الى حد كبير لحركه العربيه (الناتج من كده زى ماقولنا هو زياده استهلاك الوقود والتاثير فى عمليه التسارع)

بس هو كمان ليه فايده مهمه قوى فى ثبات العربيه اثناء الدوران فى ملف لان الهواء بيمر عليه بطريقه معينه

وبيضغط على موخره العربيه Increase downward force over the rear wheels كلها وبيخللى العجل الخلفى

يتماسك مع الارض ( More Traction Force ) اكتر ويكون فيه احتكاك اكتر مع الارض Maintain traction at high speed cornering وبالتالى مش هايحصل ان العربيه تحدف


يعنى شوف انت عايز ايه لو عايز توفير فى الوقود شيله لو عايز ثبات وتحكم اكتر فى الملفات يبقى من الافضل تركب واحد بس حجمه معقول


ومعلش انا طولت عليكم ويارب انى اكون افدتكم ولو بمعلومه واحده

شكرا على المعلومات القيمة
ولو سمحت أزاى ممكن أحسب مركز الجاذبيه Center of Gravity من الارض بالنسبة للسيارة حيث انه غير متوفر فى الكتالوج