إستشارة عاجلة بخصوص تطعيم الإنفلونزا

**A_H_M_A_D** · 13-09-2009 04:45 PM

إستشارة عاجلة من أطباء المنتدى

الشركة عندنا قررت إنها تعمل حملة تطعيم إجباري للموظفين كلهم ضد الإنفلونزا الموسمية العادية

هل التطعيم ده مفيد ؟ ولا ممكن يكون له أي أعراض جانبية أو أضرار غير معروفه ؟؟

و شكرا مقدما للإيضاح

**أحمد كمال** · 13-09-2009 06:22 PM

انا مش طبيب بس انا بقالي اربع سنين باخد التطعيم ده سنويا

ممتاز و يقي من الانفلونزا بنسبة 70%

اضراره المحتملة:

اعراض مشابهه للانفلونزا يوم او يومين ....... و مالهاش علاج غير بانادول و شوية سوايل زيادة

لو عندك حساسية بيض ما ينفعش تاخده لان الفيرس بيبقى متربي في مزرعة بياض بيض

ممكن مكان الحقنة يورم بسبب حساسية بسيطة و علاجه اي مرهم او دواء anti histamine زي الكلاريتين

**أحمد كمال** · 15-09-2009 01:13 AM

العفو يا باشا

انا ناوي الشهر الجاي اروح انا و المدام و البنت ناخد التطعيم على فكرة

**Ahmed Samy** · 15-09-2009 06:10 AM

المشاركة الأصلية كتبت بواسطة أحمد كمال

العفو يا باشا

انا ناوي الشهر الجاي اروح انا و المدام و البنت ناخد التطعيم على فكرة

أخصائي تطعيمات انت

**mohamed777** · 15-09-2009 06:10 AM

وعلى كده ممكن يقى من انفلونزا الخنازير والطيور

**أحمد كمال** · 15-09-2009 11:38 AM

المشاركة الأصلية كتبت بواسطة أبو حمزة

على فكرة كانوا أعلنوا في الجرايد إن المصل متوافر في فاكسيرا بسعر 39 جنيه.
ومتوافر في بعض الصيدليات في حدود 55
اما دكاترة الأطفال فبيوفروه بـ 80 إلى 100 جنيه
سبوووووووبة :)

طول عمري باخد اي تطعيمات في فاكسيرا

الأفضل لأنها المصدر

هما اللي بيستوردوا كل حاجة

عندهم تلاجات كل تلاجة بدرجة تبريد مختلفة حسب الحرارة اللي التطعيم محتاجها

بيبيعوا بالسعر الرسمي

عندهم مولدات عشان لو الكهربا قطعت التطعيمات ما تبوظش

مفيش قلق من سوء تخزين او سوء نقل

و الاهم شغالين 366 يوم في السنة من 8 الصبح ل 11 بالليل يعني مواعيدهم مريحة جدا

المشاركة الأصلية كتبت بواسطة mohamed777

وعلى كده ممكن يقى من انفلونزا الخنازير والطيور

لأ ..... مفيش تطعيم لأنفلونزا الطيور لسه ...... و انفلونزا الخنازير ليها تطعيم تاني خالص

الانفلونزا الموسمية باختصار انهم كل سنة بيشوفوا اكثر 3 سلالات انفلونزا انتشارا و يربوها في مزارع و يعبوها في حقن بعد اضعاف الفيرس شوية عشان يدي المناعة المطلوبة .....

المشاركة الأصلية كتبت بواسطة ahmed samy

أخصائي تطعيمات انت :oc_sun1[1]:

من بعض ما عندكم يا دوك

**Dr.SherifMansy** · 16-10-2009 02:34 PM

المشاركة الأصلية كتبت بواسطة أحمد كمال

الانفلونزا الموسمية باختصار انهم كل سنة بيشوفوا اكثر 3 سلالات انفلونزا انتشارا و يربوها في مزارع و يعبوها في حقن بعد اضعاف الفيرس شوية عشان يدي المناعة المطلوبة .....

شكرا على معلوماتك الجميلة و لكن اسمح لى اصحح نقطة صغيرة جدا فقط

هى مش اكتر 3 سلالات و لكن فيه سلالات معروفة لازم المصل يتضمنها و يضاف عليها السلالات المتحورة الجديدة المنتشرة فى السنة الأخيرة و يتم تنميتها على مزارع خاصة فى البيض و هو ما يسمى "أجنة الكتاكيت" Chick embryo و بعدها لا يؤخذ الفيروس كاملا بل يؤخذ الغلاف الخارجى فقط و الذى يحمل البصمة البروتينية للفيروس و يصنع المصل من ذلك (يخشى من استعمال الفيروس حتى لو كان مضعفا و ذلك لوجود عدة انواع فى المصل مما قد يربك الجهاز المناعى للجسم و قد يسبب المرض بدلا من المناعة ، لذلك يتم استعمال الغلاف الخارجى (القشرة) للفيروس فقط)

و تحياتى