الموضوع: يا جماعة ابترا ولا نيسان صاني

رغم إن النيسان تقفيل مصري وشكلها قديم نسبيا إلا أني أرجح كفتها عن الأوبترا كونها لا تزال تنتمي للعائلة اليابانية وهو ما يعني اعتمادية أعلى.

بخصوص التوكيل، الناس بتشكر في منصور.

على فكرة أنا ما جربتش العربيتين بس ده انطباعي العام

وربنا يوفقك للخير

الاخ الفاضل الاستاذ هشام شكر علي سرعة الاهتمام ولكن اعتقد انك في انتظار العديد من الاجبات مثلي وبصفة خاصة الاجبات العملية المبنية علي تجارب اعضاء للسيارتين لك شكري وجزيل احترامي

النيسان أفضل
بصرف النظر عن ياباني او كوري
النيسان فيها تكنولوجيا أفضل بكتيير و أحدث من اللي في الاوبترا
و النيسان سوقها أكبر ;)

النيسان افضل من الاوبترا فى كل حاجه تقريبا ما عداسعر اعاده البيع واللينك ده فى مقارنه بين الاتنين
http://www.nilemotors.net/Forum/viewtopic.php?t=2104

الخلاصة استبعد الاوبترا خالص وهات صنى بكل تأكيد

اولا احب اوضح لحضرتك ان الهدف من مشاركتى ديه هى النقاش و ليس الدفاع عن الاوبترا
ثانيا حضرتك بتقول انك بتستبعد الاوبترا خالص و بتفضل الصنى صح

بالنسبة للتكييف تلاجة ولا يؤثر على السحب

من قال لحضرتك ان تكييف الاوبترا مش ثلاجة و انه بيأثر على السحب
احب اقل لحضرتك ان تكييف الاوبترا فريزر مش ثلاجة و انه لا يوثر على السحب اساسا

قطع الغيار اقل من لانسر وتيوتا بس معرفش قطع غيار اوبترا ايه بصراحة

انا معاك تعاله نقارن بين قطع غيار الاوبترا و نشوف المتوسط اذا كانت قطع الغيار بتاعت الصنى ارخص يبقى عند حضرتك حق
فلتر الزيت ب 14 جنيه فى الاوبترا

الصاج اقوى عربية بالنسبة للصاج وده بالنسبة للعربيات اليابانى اللى فى نفس الفئة هيه اقوى من لانسر وتيوتا بالنسبة لاوبترا الصاج ضعيف جدا يعنى غير معمرة

عندك حق و ديه اكبر عيب للاوبترا

الشكل الخارجى والداخلى اشيك بكتير جدا من اوبترا

مسأله ازواق بس اللى اقدر اقوله لحضرتك انك بتتكلم عن عربية موجوده في العالم كله بنفس الشكل اللى عندك انما الصنى اللى فى مصر وقف انتاجها من سنتين من العالم كله

العيوب صوت الموتور عالى-استهلاك بنزين عالى-بتحك فى كل المطبات

الاوبترا عالية عن الارض و ديه بيخليها ما تحكش فى الارض و صوت الموتور اهدى موتور ممكن تسمعه بعد الهوندا طبعا و ممكن تتأكد بنفسك

التوكيل الاتنين من انضف التوكيلات فى مصر بكل امانة انا بتعامل مع العوض جروب وهما موزع معتمد لنيسان ولمنصور للسيارات ناس محترمين جدا

معاك ان التوكيلين كويسين جدا
نيجى نجمع مميزات الصنى اللى مش موجوده فى الاوبترا مش هتلاقى حاجة غير الصاج اجمد من الاوبترا
بس نيجى نجمع مميزات الاوبترا اللى مش موجوده فى الاوبترا قطع الغيار ارخص بتنتج فى العالم كله بنفس الشكل مش موديل قديم صوت موتور هادى جدا استهلاك بنزين اقل مش بتحك فى المطبات و اهم من ده كله تقفيل بره يعنى تقفيل نضيف جدا يعنى مش 45 % مكونات مصرى يعنى مش سمعتيين كلاريون و سماعتين جولدى يعنى مش تفتح الكابوت تتسد نفسك انك تفتحه تانى و كل مشاكل التقفيل المصرى
انا مش عارف بعد كل ده هتستبعد الاوبترا خالص و تجيب صنى ازاى

يا hoko_mosha
كلامك جميل و مظبوط
بس حتة ان الصني مش بتنتج برة بنفس الشكل ده مش عيب خالص ولا يهم المشتري المصري علشان هو مش هيروح بيها فرنسا :P
و بعدين تكنولوجيا الموتور و القيادة و الكمبيوتر الذكي اللي في الصني حضرتك مش جبت سيرته بردو وكل دي نقط للصني