تكييف الشاهين

**al_qassam2003** · 18-09-2009 03:20 AM

انا عندى عربية شاهين 1600 لسه بتلين فى 1000 كيلو الاولى بس التكييف من ساعة ما استلمنها وهي التكييف بتاعها ضعيف الراجل قال لما تلين هيتغل كويس بس انا كملت 900 ولسة التكييف ضعيف مش عارف اعمل ايه ؟ والشكلة فين
كل عام وانتم بخير

**elansary** · 18-09-2009 03:42 AM

ربنا يباركلك فيها ويحميك من شرها بس اعتقد ان عندك مشكلة في التكييف لان مش منطق ان العربية لما تلين التكييف هيبقي كويس لان اي عربية جديدة بيبقي تكيفها كويس وقوي وكان لازم تجرب التكييف ومتستلمش العربية ارجع ليهم تاني لانو عمرو ماهيتظبط من نفسة

**Ignition-Kid** · 18-09-2009 05:49 AM

انت جربت التكييف بتاعها قبل ماتشتريها ؟؟
مش ممكن يكون العربيه اصلان تكييفها ضعيف ؟؟

والراجل ده مش فاهم علشان مافيش حاجه اسمها العربيه فى التليين يبقى التكييف مايشتغلش كويس !

انا الفيرنا من ساعه مااخويا استلمها والتكييف شغال قبل حتى متكمل ال 50 كيلو !

حاول توديها التوكيل وابقى طمنا

**zizophone** · 18-09-2009 07:27 AM

معلش احب اوضح لحضرتك الي حيحصل بعد كدة انا معايا نفس العربية بس مو 2007
وبرضة انضحك عليا بنفس الكلمة لما روحت التوكيل واشتكيت كذا مرة من ضعف التكيف وسخونة العربية , وكل مرة تخش الكشف يرش ماية على الساربنتينة ويقولك تمام لكن للاسف الحقيقة ان التكيف الي في العربية دي اخرة يشتغل مروحة مش تكيف لانة ضعيف جدا وبيستهلك بنزين كتير جدا ولما فكرت اغيرة بساندن يباني لقيت ان الموضوع حيخش في حوالي 3500 جنية فقررت اني اريح دماغي واتعامل على انها من غير تكيف , هي فيها اية اصلا تخليك تقتنع ان فيها تكيف من ابواب مزعجة لصالون ضيق ل..... كفاية علشان مكرهش حضرتك فيها

**dabdob86** · 18-09-2009 06:06 PM

انا انصح حضرتك انك تروح تكشف على التكييف عند اى واحد متخصص لان انا عربيتى كانت نفس الحوار كده و لاقيت ان الفيرون ناقص كتير و لما شحنته التكييف بقى وهمى و بيسقع العربية كويس اوى
هو مشكلته بس انه بيأثر جامد على السحب لو انت ماشى بالراحة جوه البلد انما لو انت مسافر التكييف مش هاتحس بيه انه بيأثر على السحب