الموضوع: 4X4

يا استاذ الكترومان

الموضوع بسيط و زي ما قلت لحضرتك ان دة منتدى بنخش فية للترفية و المعلومات و الاستشارات و الموضوع مش محتاج من حضرتك كل التبريرات دي
و مش محتاج برضة الهجوم و الانتقاد سواء من حضرتك او من الاستاذ محمد و موضوع ان كان طالب الهندسة و الطب يحق لة استعمال لقب مهندس وللا دكتور مش موضوع المنتدى في الاساس و لا موضوع البوست هنا برضة

و لا داعي للتجريح او الاهانة, و كلنا هنا اخوة و زملاء بيجمعنا نادي محترم وواجب نحترم بعض و نتعامل بلياقة و ذوق

و في الأخر ياريت نوجه وقتنا و مجهودنا إيجابيا بعيدا عن نقاشات و حوارات لن تفيد احدا و ستتسبب في حرق الدم و الحساسية بيننا و بين بعض

استاذ ادهم و استاذ ممدوح
انا مش ناوى ادخل تانى فى اى نقاش و انا مسنعجب بدل ما توجهوا لى الكلام كان لازم تقولوا للاخ محمود ان اللى عمله مكنش يصح ..و لو حد خبط فيكوا كده اكيد كان ده حيزعلكوا مش كده و الا ايه ..؟

الاخ محمود ارجو ميزعلش و يحط نفسه مكانى و بقوله كأخ صغير مكنش فى داعى " للبلاغ " ده . .مالوش لازمه و احنا مش فى منتدى دافوس و لا منتدى للامم المتحدة و لا فيه بروتوكلات بل :

بنخش فية للترفية و المعلومات و الاستشارات

و تمنياتى ليك بالنجاح وتبقى باشمهندس فد الدنيا .
الموضوع منتهى

.. المهم انا ماخدتش تقييم كافى عن التيريوس و لا الفارق بين العادى و الرباعى من الناحية الفنية رغم كل وجع الفلب ده !!

التريوس موتورها ضعيف لأن ال سعه اللترية واطية و مش بيبقى حمل رمل و جبل و لو معشق 4*4 العزم بتاع الموتور قليل
قوي عالاربع عجلات

حضرتك حدد اية المطلوب في استعمال العربية 4*4 بالنسبة لإستخدامك و انشاء الله تلاقي حد مننا يقدر يفيدك في الجزئية دي

رساله الى كريم منير الاخ صاحب الموضوع ده مشترك بعضويتين المشاركه الاولى له باسم electroman و المشاركه الخامسه فى الموضوع لنفس العضو و لكن باسم Abu Aly و اعتقد ان ده مخالف للشروط
ولكم جزيل الشكر

كان أحسن يا عم محمد إنها تكون على الخاص
على العموم إحنا اسفين جدا يا إلكتومان

ياريت حد من الخبرا يقوللنا ايه باظبط الفرق بين العربيات العادية و العربيات 4x4 و مميزات و عيوب

أنا مش خبير ببس هاقول إلي عارفه
الفرق هو استهلاك البنزين لصالح 4*2 - العزم الأقوى لصالح 4*4
سعة الكنبة الخلفية لصالح 4*2 - بالنسبة للسواقة داخل البلد انا مش شايف صعوبة نهائيا في 4*4 خاصة إنك بتتكلم في تريوس

و خايف من توكيل الفولكس

عندك حق بس أنا رأي تشوف السوران عربية جامدة جدا و ب106

شكرا يا جماعة .. انا المهم عندى اولا عاوز عربيه عالية شوية مش لازم ضرورى 4 فى 4 ..و كمان معظم استخدامى

عنك التريوس و السوران و الكروس فوكس و الماتريكس و فيتارا

لكن مش متأكد من متانة العربية

صاج التريوس هو سمك 8\10 مقياس كده سمعت عنه بس حقيقة ماعرفوش المهم الرقم ده كويس

ثباتها حتى 140 كيلو و اسعار قطع الغيار و الصيانة و هل فرق سعر بين 2 x و 4 4x يستاهل و الا لا خصوصا ان
التيروس 2 فى 4 بدون ABS و الا التيريوس كلها متستهلش مع انها يابانى

هو إلي أنا سمعته إن ثبات النسخة الجديدة من التريوس جميل و إنهم واسعوا قاعدة العجلات
قطع الغيار هي الأرخص على مستوى الياباني
الفرق يستهال حقيقة

ياريت حد من الخبرا يقوللنا ايه باظبط الفرق بين العربيات العادية و العربيات 4x4 و مميزات و عيوب

أنا مش خبير ببس هاقول إلي عارفه
الفرق هو استهلاك البنزين لصالح 4*2 - العزم الأقوى لصالح 4*4
سعة الكنبة الخلفية لصالح 4*2 - بالنسبة للسواقة داخل البلد انا مش شايف صعوبة نهائيا في 4*4 خاصة إنك بتتكلم في تريوس

الفرق بين العربيات العادية و ال 4*4 هو ان العادية الدفع بيبقى عالعجلتين الخلفيتين او جر عالعجلتين الاماميتين, بينما في ال 4*4 بيبقى الدفع اختباري على عجلتين بس او عالاربع عجلات و بواسطة فتيس الغرز يمكن التحكم في اذا كانت السرعه عالية و العرز منخفض او التقل عالسرعه البطيئة و العزم العالي

و الطبيعي في العربيات ال 4*4 انها تكون متينة الصناعه في الشاسية والصاج بكتير عن العادية لأنها سيارات صممت للخدمة الشاقة و الصحراء و الدبش و الزلط و السواقه مع الهبد و الرزع في مطبات الجبال

و سميت تلك السيارات SUV (Sport Utility Vehicle) اي سيارات الامكانيات العالية او الرياضية

لكن خلال السنوات الاخيرة اصبحت تلك السيارات كذا كاتيجوري من حيث الحجم وبالتالي الامكانيات
فبقت Mini SUV & Medium SUV and Large SUV

و لا شك ان زي مافية عربيات عادية ذات سعه لترية كبيرة و اخرى بسعه لترية صغيرة, كذلك السيارات ال 4*4 يوجد منها كذلك مؤخرا سيارت بسعه لترية اقل بكثر من المعتاد في السنوات السابقة

يعني السيارات الأمريكة سواء 4*4 او عادية سعاتها اللترية عالية

بينما معظم اليابانية و الكورية و الألمانية ذات سعات لترية قليلة

و هذا يقلل من امكانياتها في السير بالصحراء نظرا لضعف العزم الناتج عن تلك المحركات

اما بالنسبة لسعة السيارة فحكاية ان السيارات ال 4*4 ضيقة من الداخل مش قاعدة و لا تنطبق على معظمها, مثلا الباجيرو و اللاند كروزر و الفرونتيرا و التريل بليزر و غيرها و غيرها واسعه جدا من الداخل و بالذات من الخلف (الكنبة الخلفية) واسعه جدا فوق الطبيعي لدرجة انة من الممكن ان يجلس شخص عالارض بين الكنبة و الكرسي

كذلك تلك السيارات من حيث العرض عريضة جدا من الداخل
[/b]

[/quote]
صاج التريوس هو سمك 8\10 مقياس كده سمعت عنه بس حقيقة ماعرفوش المهم الرقم ده كويس
[quote]

0.8 مم مش صاج تخين بتاتا, الصاج المعتاد بيبقى 1 مم و العربيات القوية بيزيد بكسور المللي عن هذا الرقم

ثباتها حتى 140 كيلو و اسعار قطع الغيار و الصيانة و هل فرق سعر بين 2 x و 4 4x يستاهل و الا لا خصوصا ان التيروس 2 فى 4 بدون ABS و الا التيريوس كلها متستهلش مع انها يابانى

هو إلي أنا سمعته إن ثبات النسخة الجديدة من التريوس جميل و إنهم واسعوا قاعدة العجلات
قطع الغيار هي الأرخص على مستوى الياباني
الفرق يستهال حقيقة

التريوس ثباتها مش عالي لأن العربية كنزة و عالية, يمكن هي اثبت من الموجيل القديم بتاعها او الشكل القديم بس ماهياش ثابتة زي العربيات العادية