ا ب عربيات

**egyptawy2010** · 23-09-2009 08:10 PM

ياجماعة انا جديد فى العربيات وما افهمش اى حاجة فيها

فممكن واحدة واحدة معانا تشرحلونا شوية مصطلحات بسمعها لكن مش فهمها

زى مثلا 1100 سى سى مش فاهم يعنى ايه سى سى و سلندر وبتفرق فى ايه سيارة 2 سلندر او 4 سلندر

يعنى اسه فتيس
يعنى ايه كربتير

ده الا فى بالى دلوقتى ياريت اى حد عنده معلومة يفيدنا

شكرا

**أحمد كمال** · 23-09-2009 09:02 PM

الموتور عبارة عن مجموعة اسطوانات مفرغة (باللغة الدارجة سلندر)

بيتحرك فيهم اربع مكابس (بلغة الصنايعية بساتم)

الاربع مكابس دي مربوطة مع بعض بعمود واحد

اما البنزين بيتحرق جوة السلندر تحت ضغط بينفجر و بيزق المكبس

الدراع اللي المكابس عليه بيحول الحركة بتاعتهم من طولية (رايح جاي) لدائرية (العمود بيلف على محوره)

المساحة الاجمالية لكل سلندرات المحرك هي السعة اللترية

1100 سي سي يعني 1100 سنتي متر مكعب Cubic Centimeter

يعني لو صبيت سائل في السلندرات و قست حجمه يطلع السي سي

و كل ما السي سي يكبر معناها القدرة بتاعة المحرك تعلى و استهلاك البنزين طبعا

و نفس الشئ بالنسبة لعدد السلندرات

فتيس و كربراتير اسيبها للخبراء يفهموها عني

**egyptawy2010** · 23-09-2009 09:25 PM

بجد ياجماعة جزاكم الله كل خير يعنى لسة كاتب الموضوع من وقت قليل ولاقى الناس تساعد بالسرعة ده
بغض النزر عن المعلومة كفاية روح التعاون ده

ياريت لو فيه شرح مصور خطوة خطوة

شكرا

**Mustang69** · 24-09-2009 06:13 AM

بالنسبة للكاربراتير كفكرة مبسطة هو مهمته خلط البنزين بالهواءو تحديد نسبة الوقود و توصيله للبساتم في هيئة خليط لانه لو بنزين هو و الهواء دخلوا منفصلين مش حيحصل الحريق الامثل اللي تستفاد منه من الوقود و دور في القسم التعليمي لو عايز شرح مفصل