مين احسن كيا برياد العصفورة ولا فيات اونو

**haythammon** · 28-05-2010 04:54 PM

انا عايز أعرف البرايد العصفورة اخر موديل فيها كام وعايز اعف هى كام حصان بالظبط

**kasten** · 28-05-2010 05:29 PM

اكيد فيات اونو

**د.محمود صلاح** · 28-05-2010 10:35 PM

انا ركبت البرايد وركبت الفليشيا ... البرايد بالنسبة للفليشيا كأنها لعبة ...

بس الفليشيا تغوووور بسبب السخونة ومشكلة جوان وش السلندر ( ضرب مني 3 مرات في سنتين )

أما البرايد >>> زيرو أعطال

**semsem_uno** · 29-05-2010 07:10 AM

برايد ايه ؟؟؟؟؟!!!! و مين اللي بيقولو زي ال127؟؟؟! هي علشان بديلة ال127 تبقي هي ؟؟؟
انا شايف ظلم للأونو مع اني مفتكرش حد ركبها من اساسو
انا ركبت الأتنين و بسواقة غشيمة كمان و عندنا اونو اصلا
اليك الأتي
الأونو = ناعمة جداااا و مريحة جدا جدا عن البرايد في السواقة و مع انها مش باور تحسها باور حتي الأزاز العادي و هو بيطلع و ينزل خفيف جدااا مش تقيل
1000 سي سي بس اوعي تستقل بيه (سرعته القصوي 140 و لو مظبط اداء ممكن يعديها) 5 سرعات و انا جايب بيه 142 علي طريق مستوي و الصورة موجودة (مواتير الفيات كمان مواتير عزم مش قوة حصانية يعني ده 45 حصان بس العزم بيكون عالي غير انه بيجنن اي حد لحد 90 100 بعد كده تحس بالفرق و هو يطلع منك)
مفيش ار بي ام ولا ازاز كهرباء و ده للأسف علشان الأونو اللي منتشر في مصر الbasic انما ال1300 و ال1500 الكاملة (سنتر فوج لايت و صن روف و ازاز كهرباء و باور و تكييف و ار بي ام و كمبيوتر اعطال نادرة اوي بس حاجتها كلها موجودة ) يعني ممكن تجيب اونو و لما تحب تكمل كماليات تجيب الحاجات ديه استيراد تبقي زيك زي الكاملة
لوحة العدادات مثلا الي فيها ار بي ام ب200 جنيه استيراد و فرش البيبان اللي مسند اليد فيه زراير الأزاز الكهربة موجودة و كده
العربية نازل منها مواتير 1400 تربو و 1800 ديزل يعني متستقلش بيها ولا بقوة الشاسيه او العفشة
قطع غيار متوفرة جداااااااا مثال فانوس امامي ب95 جنيه هندي و جوز مساعدين الماني الصنع ب400 مقص ب 120 جنيه طنابير ايطالي 70 جنيه تيل فرامل 40 جنيه ممكن تركب عليها مراية الشاهين ال2003 و بتدي شكل روعة و سعرها 45 جنيه صناعة تركي يعني مفيش كلام (بالمناسبة العربية من ورا على دنجل مش مقصات و ده = ثبات حلو + مفيش ظبط زوايا ورا + استحمااااال)
واسعة و بالذات ونتا ادام ممكن تمدد رجليك جوة (انا طويل) من ورا بس اللي تحسها ضيقة شوية انما لو طلعت الكراسي شوية للأمام مش هتحس بكده و كمان اللي قدام هيفضل مستريح بردو
الشنطة اوسع من البرايد و كمان الكنبة بتنام و تتلم كلها في ضهر الكراسي و بتبقي نص نقل (مش عارف بردو مين في المقارنة قال عليها ضيقة) و السقف يخليك قاعد مرتاح و بعيد عن دماغك سواء الناس اللي قدام او ورا
امان عن البرايد + صاج انشف بكتير و خصوصا من موديلات لحد 93 لأنها الأيطالي
و في الأخر الأونو عربية اوروبي و الكل عارف يعني ايه
افضل في العزل (تقفل الأزاز متسمعش صوت و مفيش هوا يدخلك)
و مفيش حاجة اسمها تنفع للسفر او لأ العربية الكويسة في الحالة و العفشة و الموتور تسافر اي حتة
و للأخوة اللي بيقولو الأونو بيعها تقيل (و انا رايح لحد جامع السلام موقفنني من عند نصر سنتر 8 او 9 للبيع و لسة مدخلتش جوة كمان )
و عامتا الفيات بسيط و تقدر تظبطه و بيبان عليه

و ابعد عن الفليشيا لأنها سواقتها تقيلة و قطع غيارها غالية و كتير بشوفها وقفة سخنة و جايبة اخرها

بخصوص البرايد طبعا بردو قطع غيارها رخيصة جدا بس معرفش الصراحة بس مثلا مراية ب 75 جنيه الكوري من الحي السابع
عفشتها مش وحشة و ثابتة طبعا بردو و ال1100 اللي هي الفاضية و ال1300 هي اللي فيها كماليت

**semsem_uno** · 29-05-2010 07:42 AM

المشاركة الأصلية كتبت بواسطة semsem_uno

برايد ايه ؟؟؟؟؟!!!!

محدش يزعل مني في الكلمة ديه

انا بس اندفعت لما لقيت الأندفاع بالطريقة ديه عالأونو

و نسيت اقوللك
الأونو من 89 الشكل ده لحد 2003
و من 89 لحد 93 ده الأيطالي و بعد كده تركي و بولندي و اسعارهم ممكن لو الحالة نضيفة تبقي اغلي من اللي بعديها لأن الأيطالي خامات اقوي و صاج اجمد (تابلوه الأكسيل موديل 97 مشقق من فوقو حالته بشعة , الأونو موديل 93 مفهوش غير تشقيقة واحدة صغيرة جدا من الشمس)
الأسعار للعربية من 23 لحد 29 او 28 حسب الموديل و الحالة و الأغلبية انتا بتشتري حالة
كده بقي القرار ليك انتا و مينفعش تقول انتو شايفين ايه و لازم تركب ديه و تركب ديه و تسأل عالقطع بنفسك بردو

علشان مفيش عربية تتظلم بردو

و خد ديه نمرة واحد في السابع عندو قطع غيار الأتنين محل اسمه خالد و شركاه 22611926