ما هى الابرة الموجودة فى البلف بتاع العجلة ؟

**merosss** · 29-09-2009 01:21 AM

النهاردة وانا بزود الكاوتش الراجل بتاع الكاوتش قالى الابرة فى البلف بايظة وحط واحدة من عندة ودانى الابرة القديمة فى ايدى بس انا مش مقتنع انها بايظة مسكت الابرة القديمة السوستة فيها شغالة وعادية جدا هى ممكن تكون بايظة وسوستة شغالة وكان عايز ياخد فى الابرة الى حطها 2 جنية وانا مردتش عامل فيها مش عايز فلوس خالص وبتاع المهم اديتوا الفلوس ومشيت مع ان الراجل دة علية زحمة وعندة نيتروجين مش اى كلام يعنى هو كدة كلامة صح ولا ضحك عليا ؟؟؟؟؟

**محمد فريد** · 30-09-2009 01:49 AM

ابرة ايه دا البلف كله اساسا بتاع 2 جنيه ده للتيوبلس

**merosss** · 30-09-2009 08:34 PM

المشاركة الأصلية كتبت بواسطة محمد فريد

ابرة ايه دا البلف كله اساسا بتاع 2 جنيه ده للتيوبلس

شكرا جدا على ردك اصل انا اساسا مكنتش اعرف البلف بكام ولا اى حاجة واول مرة اسمع عن ابرة البلف دى على العموم انا مش هروح للراجل دة تانى اظاهر انة كان طمعان فى 2 جنية زيادة

**nabajm** · 02-10-2009 12:53 AM

الابرة فيها جوان كاوتش رقيق جدا تحت السوستة لمنع مرور الهواء . ويمررالهواء فى حالة الضغط على السوستة وهذا الجوان سهل ان يتلف او ينقطع فيسرب الهواء . الصينى منها بجنيه اما الالمانى 5 جنيه والبلف التيوبلس الصينى بـ 2 جنيه اما الالمانى بـ 15 جنيه ؟

**merosss** · 04-10-2009 12:21 AM

المشاركة الأصلية كتبت بواسطة nabajm

الابرة فيها جوان كاوتش رقيق جدا تحت السوستة لمنع مرور الهواء . ويمررالهواء فى حالة الضغط على السوستة وهذا الجوان سهل ان يتلف او ينقطع فيسرب الهواء . الصينى منها بجنيه اما الالمانى 5 جنيه والبلف التيوبلس الصينى بـ 2 جنيه اما الالمانى بـ 15 جنيه ؟

شكرا على رد حضرتك بس الابرة الى ادهانى كانت الكاوتش الى فيها سليم مش مقطوع و السوستة بتاعتها سليمة