أخدت مخالفة بحوالي 450 جنيه...حاجة تكسف!!

**ashraf229** · 29-09-2009 12:48 PM

السلام عليكم......

ايه الأخبار يا جماعة؟؟؟

امبارح ماشي في أمان الله على الطريق الدائري الشرقي بمدينة الرياض و عادي جدا و الدنيا زي الفل و مفيش مشاكل و ماشية قدامي عربية بسرعة أقل مني بشوية المهم تلقائي قلت أعديها و بمنتهى التلقائية رغم علمي بأنه كده غللط بس من غير قصد والله عديتها بس من ((اليمين)).......!!!

و هنا بدأت المشكلة أتاري العربية اللي كانت جنبي و انا مش واخد بالي تويوتا كامري 2009 فضي عادية جدا لكن و للأسف طلعت من (شرطة المرور السرية) يعني من الدوريات السرية و دي عربيات عادية جدا بأنواع كتير في كل مكان و ألوانها عادية خالص و ممكن تكون سوناتا أو كامري أو لومينا أو كابريس أو شفروليه سبيربان أو لاندكروز أو أف جي كروزر أي نوع بس بتكون مفيمة زي معظم العربيات هنا و انوار السرينة مختفية خلف زجاج العربية الخلفي و بها مصد حديد أسود صغير في الأمام علشان المطاردات لو لزم الأمر.....

و فجأة و في لحظة واحدة لقيته لازق فيا في المراية و مشغل أنوار فلاشرات من النور اللي قدام و سرينه و كلكسات شرطه و بيقلبلي اني أقف على جنب و حسيت ساعتها كأني سرقت بنك مثلا أو ارتكبت كارثة........

طبعا في لحظتها وقفت على جنب...و في كلمة ونص........

-سلام عليكم
و عليكم السلام
ليش متجاوز خطأ؟
و الله ما انتبهت لكن السيارة فيها تنبيه لو السرعة فوق المية و عشرين و ما سمعته!!
ما أقصد أقول انك متجاوز سرعة أقصد انك متجاوز من عاليمين..تجاوز غير قانوني و خطر
و الله ما انتبهت يمكن سرحت شويه عالعموم هذه أول مرة و سامحنا يعني ما قصدت
زين....عطني الرخصة و الأستمارة (رخصة العربية يعني)....
حاضر......اتفضل
استريح بسيارتك لين ما أشيك عليهم عالكمبيوتر بسيارتي
عالعموم و الله هذه اول مرة
زين خلينيا نشوف الكمبيوتر...استريح

و خد الرخص و بعد دقيقتين لقيته راجعلي بالرخص و معاهم ايصال الغرامة

اتفضل..... مرة تانية انتبه ولا تتجاوز بطريقة خطأ
حاضر
بعد اسبوع شييك على النت أو على اي ماكينة صراف ألي عالمخالفة بتكون نزلت ولازم تندفع قبل شهر ولا بتكون الضعف
يعني اتحسبت مخالفة؟؟
نعم
بكم؟
من 150 الي 300 الادارة بتقرر و بنشوف كم نقطة بتتخصم منك
طيب......شكرا.....سلام عليكم
و عليكم السلام
(أنا في سري: حسبي الله و نعم الوكيل.....الحمد لله على كل شيء)

النظام نظام و القانون قانون علشان كده المدينة كبيرة جدا و سكانها اكترمن سبعة ملايين تقريبا أو اكتر و كل بني أدم عنده عربية و عربيات فورد و جمس و كده مع ذلك منتهى النظام و الاشارات زي الفل و كله ماشي بهدوء و كله حقه محفوظ حتى لو حاجة تافهة انا مكنتش بأخد غرزة يعني ده الطريق مفتوح و سسريع من خمس حارات و ماشي بسيولة و يسر.......مع ذلك مسكني رغم اني مش قاصد

مفيش محسوبية ولا واسطه ولا نسر عالنمر و لا كاب عالتابلوه ولا حاجة
غلطان تتحاسب حد غلط فيك ما تخافش حقك محفوظ

يارب نشوف مصر كده عالأقل نعيد امجادنا اللي لليوم كل يوم نكتشف ابتكار جديد و سبق جديد لأجدادنا..........

شدي حيلك يا بلد...........

أسف عالأطالة...........

**ashraf229** · 29-09-2009 12:55 PM

سيارة الشرطة زي دي بالظبط هيئتها زي أي عربية عادية علشان لما تغلط و تفتكر انك نفدت تلقطك و تخالفك

و دي الدورية العادية المعروفة

**zyadahmed** · 29-09-2009 01:04 PM

التجاوز من اليمين فى دولة قطر كارثة وقيمة المخالفة اعلى بكتير من كده
وقفنا عسرى قطرى او ضابط مش عارف افرق ( كلهم لابسين شيك ) وقال لصديقى المصرى مخالفة قاله ليش ايش سويت .... قال الضاابط تجاوز من اليمين
قلنا ده عادى فى مصر وحصل خير ما صار شئ
وكان الرد المفحم من الضابط ( انت فاكر نفسك لسه فى مصر بتسوق فى السيرك الكبير اللى عندكم ) .؟؟؟

**HRH_Sameh** · 29-09-2009 01:41 PM

عقبالنا
يمكن يوم نبقى بنى أدمين
لكن للأسف أشك

**Lord_Fouad** · 29-09-2009 01:54 PM

ربنا يوعدنا .. احنا في القرن ال21 و لسة عايشين بنظرية اللي يعرف شيخ البلد يعمل ما بدا له

**أحمد كمال** · 29-09-2009 02:09 PM

المشاركة الأصلية كتبت بواسطة zyadahmed

التجاوز من اليمين فى دولة قطر كارثة وقيمة المخالفة اعلى بكتير من كده
وقفنا عسرى قطرى او ضابط مش عارف افرق ( كلهم لابسين شيك ) وقال لصديقى المصرى مخالفة قاله ليش ايش سويت .... قال الضاابط تجاوز من اليمين
قلنا ده عادى فى مصر وحصل خير ما صار شئ
وكان الرد المفحم من الضابط ( انت فاكر نفسك لسه فى مصر بتسوق فى السيرك الكبير اللى عندكم ) .؟؟؟

للاسف عنده حق

**KSA2011** · 29-09-2009 02:11 PM

احنا المفروض نلومك يا اشرف باشا هههههه
المهم حصل خير و ياريت نبقى ربع النظام ده

**عمرو عمارة** · 29-09-2009 02:15 PM

وأنا في الطريق من المدينة إلى مكة كنت قاعد بجانب السواق وحاسس براحة نفسية غير طبيعية عشان كل التخطي بيكون من الشمال وكل واحد ملتزم بحارته مع السرعات العالية وعيني اليمين دي كانت بترف من إنعدام التخطي من اليمين إلي إحنا متعودين عليه في بلدنا الجميلة

فعلاً.....بتنفيذ القوانين الصارمة أصبح أهل البلد ملتزمين تلقائياً بشكل عجيب

إهنا هنا في مصر فعلاً مبنعرفش نسوق .....حسبنا الله ونعم الوكيل

**Karim_Monir** · 29-09-2009 02:19 PM

عشان مرتبات الشرطة عندهم تخليهم مايفكروش ياخدو رشوة او مخالفة
لكن عندنا لما يكون عسكر مجند مرزوع في الحر طول النهار يجي اخر الشهر يدولة 80 جنية اكيد هايمد ايده للربع جنية والخمسين قرش

نفس مبدأ الضرائب دلوقتي
هو فيه ممول يقدر يرشي مامور ضرايب
اكيد لاء عشان عارف انه بيقبض كويس وحوافزة محترمة

الموضوع: أخدت مخالفة بحوالي 450 جنيه...حاجة تكسف!!

LinkBack

أدوات الموضوع

عرض

-

-

-

-

-

-

المواضيع المتشابهه

شوفوا وصلت لأية... بجد حاجة تكسف تكسف تكسف (فيديو من الـFacebook)

والله حاجة تكسف ياخصارة الشيفورلية

صلاح الدين - حاجة تكسف

المصريين و جوجل... حاجة تكسف!!

الكلمات الدلالية لهذا الموضوع

المفضلات

المفضلات

ضوابط المشاركة