ممكن كيفيه تركيب الشدادات فى الكليو ؟

**nodey** · 30-09-2009 07:37 AM

السلام عليكم روحمة الله وبركاته وكل عام والجميع بالف خير
انا مصري موجود بالمملكة وتواصلت معكم كثيرا بالنسبة للسيارة الرينو كليو 2004 جير اتو
الحمد لله الامور علي ما يرام لكني لدي بعض الامور ومحتاج احد يساعدني لما نزلت الاجازة في شهر 7 الماضي اشتريت مجموعه قطع كانت السيارة محتاجها منها البواجي وسير الدينمو وبكر شداد وفلتر هوا وفلتر زيت وبنزين
المهم ما ركبتش الا البواجي وهي شامبنوين اقماشات الفرامل وهي اسباني
وجاء الدور علي تركيب الشدادات لانها تطلع صوت زي صوت الجرار لكني الميكتانيكية وجدا ان امسافة بين الشاسيه من جهة الرفرف الموجود عنده الشدادات وبين الشداد ضيقة جدا والكل خايف يجازف ولا عمرهم اشتغلوا في نوعها قبل كدا منهم من قال لازم ارفع الماكينة من السيارة ومنهم من قال ممكن نقطع جزء من الشاسيه ونصل للشدادات والكل عمال يفتي وانا مش عارف اعمل ايه ولو احد عملها قبل كد يوضح لي ازاي وايه اللي فكه الميكانيي للوصول للشداد وياريت لو مجموعه صور اكون شاكر
الرجاءءءءءءءءءءءءءء من حضراتكم ساعدوني في طريقة لتركيب الشدادات دي انا خاسس انها خلاص علي وشك انها تنكسر كم قوة صوتها والاحتكاك الصدار منها

ومشكورين وجزاكم الله خير وتقبلوا وافر احترامي / ابو خالد

**عمرو عمارة** · 30-09-2009 10:50 AM

مشكلة حوض الكليو إنه ضيق على موتور الـ1400 16v والشغل في الأجزاء الخاصة بالكاتينة والشدادات والسيور بيكون صعب جداً لضيق المكان

لازم التوكيل أو متخصص رينو هو إلي يشتغل في العربية

كان الله في عونك

**nodey** · 30-09-2009 11:39 PM

السلام عليكم
شكرا لك ا عمرو ولئما جعالك الله عونا لنا
بالنسبة لبكر الشدادات انا اخذت اثنين من مصر صناعة تركي ولله الحمد توصلت لمكانيكي ركبهم وركب السير ومكنش في صوت غير صوت الماتور ورحت مشوار حوالي 5 لك سماع صرخة كدا طالعه من نفس المنطقة ارجو الافادة
وما هو افضل نوع من هذه الشدادات وسعرها كام شكرا لكم

**عمرو عمارة** · 01-10-2009 12:16 PM

طيب كويس إن حضرتك لقيت الميكانيكي الي يركب

بالنسبة لصوت الصراخ.....هو ممكن يكون إما من سير التكيف أو الدينامو مش مشدودين كويس
جرب كده لما تسمع الصوت تطفي التكيف.....لو إستمر يبقى سير دينمو

كان الله في عونك

**nodey** · 02-10-2009 10:10 AM

شكرا لحضرتك يا ا عمر انا بس حبيت اوضح لحضرتك ان سير الماكينة الخارجي اللي ركب علي الشدادات مع التكييف والدينمو مع بعض
بس ممكن اعرف اجيب الشدادات اصلية منيين في القاهرة او المنصورة
شكرا