الموضوع: تجربتى مع المصرية

اول مرة اشوف حد بيشكر فيهم بصراحة .. بالرغم من انهم منتشرين جامد .

اشتريت منهم عربية أفيو من سنتين
سعرها نزل 1500 جم بعد ماحجزت ولقيت مندوب المعرض اللي كان معايا ساعتها بيبلغني ان تمن العربية نزل 1500 جم ودا بالنسبة لي كمان يعني هاشتري بالسعر الجديد - الأرخص!! مع ان السعر نزل بعد ماحجزت وخدتها 83,500بعد ماكانت تقريبا 85,000 او 86,000
بعد حوالي تلات شهور رحت اعمل صيانة العربية في التوكيل - وطلبت من المهندس في التوكيل يكشفلي على البطارية وعلى المياه بتاعتها بصراحة كنت اول مرة افتح الكبوت جوة التوكيل وبصيت على البطارية لقيتها قديمة ومتجرحة والمهندس بصلي قال لي البطارية جافة ومالهاش صيانة - ac delco - تقريبا دا اسمها فطلبت منه يشوفها قال لي دي مش بتاعة العربية انت مغيرها ؟ قلتله انا شاريها كدة - قال لي اطلع عالمعرض - اللي هو المصرية - وفعلا رحت لهم
طبعا المندوب نفضلي وبعتني على مديره ومنه لمدير المعرض قال لي انت جاي بعد تلات شهور ؟؟؟؟؟؟ قلت له وانا هافتح ليه كبوت عربية زيرو ؟؟؟ قال لي طب تعالالي بكرة
انا اتوقعت مماطلة تاني يوم لما رحتله وعلى عكس ما اتوقعت تمام بعتني لصاحبة المعرض - هي شابة مش كبيرة في السن - وصوتها بيجلجل في المعرض غيرولي البطارية بتاعة عربية الأستاذ - اللي هو انا - بالبطارية بتاعة الافيو اللي في المعرض وشوفولي البطارية دي راحت فين - من غير مانطق بــ : ولا كلمة !!!! واتغيرت ومشيت !!!

وانا اشتريت منهم العربيه الماتريكس وحقيقى ماشوفتش منهم حاجه وحشه فى الميعاد رحت لاقيت العربيه مغسوله وجه مهندس
عرفى كل شئ فى العربيه والترخيص راح معايا واحد ( اى نعم اديته فلوس) بس قام بكل شئ وانا قاعد
وعموما كله بيرجع للمشترى لما يراجع على كل كبيره وصغيره ساعه الاستلام

العملية نسبية مفيش حكم مطلق على اى حد ومع ذلك اراء الاعضاء المتضررين من المصرية اكتر من الى بيشكرو فيها يعنى الشكر فى حدود 10% لا اكتر

المشاركة الأصلية كتبت بواسطة adelll13

مع احترامى للجميع اللى بيشككوا فى المصرية انا تعاملت معاهم بالفعل ببساطة اشتريت عربية فيرنا من المصرية اللى فى مصر الجديدة فى يناير 2009وطبعا لقيت العربية المعروضة واضح عليها البهدلة وسالت هو انا لو هاخد نفس اللون هاتبقى دى
وطبعا الرد كان لا كل العربيات دى للعرض فقط
وفعلا بعتوا جابوا عربية واثناء غسيلها لاحظت جرح خفيف قوى فى الاكصدام ورفضت استلمها وبمنتهى الذوق والادب بعتوا جابوا واحدة تانية وطبعا شيكت على كل سنتى فيها وكانت بجد زيرو
ومن خمس سنين اخويا برده اشترى عربية من فرع الكورنيش وكانت بجد زيرو
وغير كدة بعد البيع بعتوا معايا واحد للترخيص وبصراحة الراجل عمل كل حاجة وانا قاعدة ماقمتش غير على الامضاءات بس يعنى ناس فاهمين شغلهم او على الاقل ده اللى انا شفته
ياريت ياجماعة مانخدش الكلام على علاته من غير مانفكر فى مدى صحته معلش انا عارفة ان دمى تقيل فى التوبيك ده بس بصراحة اصلى قرات لواحد بيقول فيهم كلام مايتصدقش ولا لو المعرض ده تحت بير السلم يعنى
لكن برده ياريت لو حد عنده تجربة شخصية معاهم بس تكون حقيقية يعنى يكون اشترى فعلا وطلع فيه حاجة فى العربية يدخل ويقولنا تجربته

يا راجل ايه اللي بتقوله ده غريبه

حاسس انك عايش في حلم جميل