الحمد لله صلحت العربية المتور الجديد ركب

**egytamer** · 09-10-2009 11:37 AM

السلام عليكم اخواني الاعزاء
الحمد لله العربية اتصلحت بعد مالمتور باظ وكنت عايز اكتبلكو التفاصيل من فترة بس للاسف كنت مشغول جدا وكنت مستني لما اظبطها الاول فاول مفضيت قررت اكنبلكو علشان الي يحب يعرف الاسعار و المصنعية
اول مالعربية باظط اخويا وداها لميكانيكي عادي فالحرفين حاول يشغل المتور والبستم سايح ال بيجرب يمكن ينفع فاتكلفت الاتي
150جنية خراطة الوش
85 جنية جوان وش سلندر
100جنية مصنعية المحاولة
وطبعا فشلت فشل زريع بعد كدة سحبت العربية عند قطب وقلي ان العمرة هتتكلف حوالي 4500 ومش مضمونة ونصحني اجيب متور استيراد واريح نفسي وابتدي المشوار والتكاليفك الاتي
اولاا ماتور 1600 زيتيك من الصفا ب2700
كوعة فبر بالحساس كوعة المتور من الصفا برضو 170 بعد فصال كبير جدا.
وصلة مياة نحاس استيراد احسن من الجديدة ب50جنية من الصفا
سير كاتينة ايطالي من سامي فخري ب90 جنية بيعد 40.000 كيلو
سير ادارة بوش من يافا ب 100 جنية بوش الماني
فلتر بنزيم حديد اصلي من بدروسيان ب 75.
ماسورة نحاس مصنعية من عند الخراط نصح بيها قطب علشان يلغي دورة تسخين المياة الي راجعة ب20جنية
شوية مسامير وخلافة 30جنية
خرطوم هواء اصلي من الصرفي ب120جنية
غطاء قربة الرديتير متوركرافت اصلي من الصرفي ب65 جنية علشان في حساس الله يخرب بيت التعقيد
بوجيهات موتر كرافيت من الخليل ب110 .
بلي شداد سير الادارة تركي ب75 الواحد هما بليتين
مصنعية قطب 900 جنية استنو متتخضوش 450 جنية للمتور انا بعد مركبت المتور الاول طلع بايظ وفكيتة ورجعتة للصفا فداة الي خلي الموضوع زاد
طبعا تغير الزيت والفلتر 65 جنية.
اكراميات للصنيعية عند قطب 65 جنية
كتاوت دنمو تايواني ب 75جنية البوش ب200 جنبية والتركيب والتظبيط 80 جنية.
28 زيت باور
20 كهربائي جمب قطب ظبط المروحة وشحن البطرية
حوالي 100 جنية مصاريف تاني معرفش فاية المهم اتصرفو
الموضوع اخد حوالي شهر من فك وتركيب المتورين واخد وجع دماغ وقلب من مشاوير وحرقة دم مع الصنيعية البطاء جدا ولما المتور اتركب وطلع بايظ مش قادر اوصفلكو شعوري كنت مدايء جدا بس الحمد للة
العربية بعد ممشيت بيها سخنت جدا كذا مرة بعديها بكام يوم فرحت لرمضان مكنش موجود الصبي الي عندو شال ترموستات من كوعة المياة الي انو بيستخدم في الدول الباردة علشان يحبس المية السخنة بين الردياتير والمتور فقطع الترموستات قطعة وركب الوش بس في الكوعة من غيرة بس للامانة درجة الحرارة مبئتش تعدي النص بئيت ممتازة
وهكتبلكو اي شيء افتكرة تاني واي حد يحب يسئل علي حاجة انا تحت امرة

**nab!l** · 09-10-2009 11:39 AM

الف ميروك

**egytamer** · 09-10-2009 11:59 AM

الله يبارك فيك وشكرا ليك

**aYaBooY** · 10-10-2009 11:59 PM

بس نتمني في الاخر ربنا يكرمك و تغير طقم الدبرياج

و تتعلم السواقة ههههههه

و عاوزين نتفق يوم نروح الحرفيين علشان الي كنت مستنيه باع العربية خلاص

**aymansaad** · 11-10-2009 12:03 AM

مبروك
ربنا يبارك لك فيها

**egytamer** · 11-10-2009 10:42 AM

الله يبارك فيكو كلكو وشكرا لذوئكم
وانشاء الله هغير طقم الدبرياج بس لسي قدام شوية لان الميكانيكي قلي انو مش محتاج تغير بس احتمال اغيرة بعد متعلم السواقة كويس و اوريك المتور الزيتك 1600 يا aYaBooY والطريق واسع واوعي القطر يا عم الحج تووووووووووووووتتتتتت

**goofy301** · 11-10-2009 12:26 PM

الف مبروك ياباشا وربنا يكفيك شرها ان شـاء الله...

**aYaBooY** · 13-10-2009 06:16 PM

المشاركة الأصلية كتبت بواسطة egytamer

الله يبارك فيكو كلكو وشكرا لذوئكم
وانشاء الله هغير طقم الدبرياج بس لسي قدام شوية لان الميكانيكي قلي انو مش محتاج تغير بس احتمال اغيرة بعد متعلم السواقة كويس و اوريك المتور الزيتك 1600 يا ayabooy والطريق واسع واوعي القطر يا عم الحج تووووووووووووووتتتتتت

يا سكر الرك على الدركسيون مش على العجل ممكن تسال اي سواق ميكروباس و انت مروح
ههههههههههههههههههههههههه هههههههههه