تقرير مصور كامل عن فيات لينيا

**dabdob86** · 09-10-2009 03:14 PM

احب فى الاول اعرفكم بنفسى انا جون مهندس تنفيذ طرق و كبارى و طبعا بعد الاستفادة الرهيبة اللى شفتها فى المنتدى هنا كان لازم اعمل التقرير ده كرد للجميل اللى شفته هنا من مساعدة الناس لبعضها و الردود المفيدة و العملية و الحرص دائما على مصلحة الغير

طبعا علشان التقرير يكون كامل ان صورت كل حاجة فى العربية بالتفصيل و لو نسيت حاجة اسئلوا و انا هاجوب
بس انا باشوف النت يوم واحد فى الاسبوع لان شغلى فى الصحراء فاصبروا و انا هارد ان شاء الله

اولا انا استلمت العربية الفئة الاولى فى التربو كان نفسى اجيب اعلى فئة بس قلة فلوس بقا

مواصفات العربية
موتور : T-Jet1400 و 16V
عدد السلندرات : 4
الحصان : 120
العزم : 206N.m@1750RPM
نسبة الانضغاط : 9.8:1
حقن الوقود : MPI
نظام الجر : امامى
الفتيس : 5 سرعات
الباور ستيرنج : هايدروليك
الفرامل : - امامية : اقراص مهواة D257
- خلفية : طنابير D240
الفرامل مزودة ب ABS + EBD
العجل : 60/195 R15
وزن السيارة : 1160 kg
سعة تنك الوقود : 45 لتر
سعة حقيبة الامتعة : 500 لتر

الكماليات
تكييف هواء يدوى مع فتحة تهوية خلفية
باور ستيرنج
زجاج كهرباء
مرايات كهرباء
راديو CD + اربع سماعات + اثنين تويتر
عجلة القيادة قابلة للضبط فى اربع اتجاهات
مسند يد للسائق
2 airbag
trip computer
Multi Function Steering Wheel
كرسى السائق يمكن ضبط ارتفاعه
مفتاح ريموت يفتح الابواب و شنطة السيارة
مخادع رأس امامية و خلفية
فرش اتنين لون
عجلة القيادة و الفتيس جلد

السعر : 96000

الصور

واجهة العربية

خلفية العربية

الفانوس الامامى

مكان فانوس الضباب

المساحات و رشاشات المياه (بترش فى ثلاث اتجاهات)

المراية الجانبية

شنطة السيارة(البطانة الداخلية عليها كلمة fiat)

نور بداخل الشنطة

ذراع لغلق الشنطة (علشان تشد منه يعنى ناس مابيتسوش حاجة)

الاريال

نور الفرامل الخلفى

العجل

الكاوتش bridgestone
المقاس 60\195 R15

الاستبن و الكوريك و العدةو مفتاح العجل

**dabdob86** · 09-10-2009 03:17 PM

نظرة على موتور السيارة

الموتور و التربو

علبة زيت الباور

علبة الفيوزات الخارجية و اربة المياه و اربة المساحات و البطارية

وحدة ال ECU

بطانة الموتور

السيارة من الداخل

عجلة القيادة

ذراع النور و الاشارات

ذراع المساحات و به زرار trip من الجنب (نسيت اصوره)

ذراع التحكم فى عجلة القيادة فى اربع اتجاهات (اعلى و اسفل , الامام و الخلف)

الكونسول الاوسط (فتخات التكيف - الcd - التحكم فى التكيف)

التكييف بيشتغل بالضغط على زر التحكم فى المروحة للداخل

فتحة التكييف الجانبية و تحكم فى كمبيوتر العربية و ارتفاع و انخفاض النور الامامى
و تحكم فى اضائة التبلوه و نور الضباب الامامى و الخلفى

فتحة تخزبن بجانب السائق وغطاء علبة الفيوزات الداخلية

الدواسات و فتحة التكييف السفلية

فتحة التكييف الجانية و ايرباج السائق

احلى حاجة ان الايرباج متحدد مكانها يعنى لو فتحت هتغير الغطاء بتاعها بس مش التابلوه كله

درج التخزين الجانبى

عصا الفتيس و الطفاية و حامل الاكواب

فرامل اليد

**dabdob86** · 09-10-2009 03:18 PM

مسند يد للسائق يمكن التحكم فى مستواه (مستويين)
اعلى

اسفل

من الداخل

الباب الامامى

الباب الخلفى

احسن حاجة ان السماعات و التويتر فى الباب سواء الامامى او الخلفى

تقفيل الابواب نضيف جدا

ازرار الزجاج الكهربائى و المرايات الكهرباء

السقاطة و المقبض فى ان واحد (جامدة جدا)
مفتوح

مغلق

الكراسى الامامية

ذراع التحكم فى ارتفاع و انخفاض الكرسى (مداه كبير جدا)

بكره فى جنب الكرسى للتحكم فى ميل ظهر الكرسى

حزام الامان و يمكن التحكم فى مستواه

و لو مربطش حزام الامان العربية هتعلمك الادب و هتخليك تربطه بالعافية
لان عليه زمارة متصلة عالية جدا و مستفزة جدا

الكنبة الخلفية (واسعة جدا)

فتحة التكييف الخلفية

مراه الصالون و نور الصالون الامامى

النور جامد و ممكن تقراء عليه

فى نور تانى فى منتصف السقف نسيت اصوره

الشماسة

الشماستين فيهم نور و مراية

**dabdob86** · 09-10-2009 03:20 PM

نشوف العدادات و كومبيوتر العربية

العدادت

اول ما تفتح العربية و تقفل الباب

لما تفتح الكونتاكت

العربية بتكت فى الشاشة انهو باب مفتوح بالضبط معلش نسيت اصورها

شاشه البيانات
ممكن تكون فيها التربو و يوريك هو بيشتغل امتى

او يكون فيها التاريخ

وحدة التحكم فى كمبيوتر العربية

menu : بيدخلك الكمبيوتر
+ , - : يتحكم فى الطلوع و النزول جوه الاختيارات

الكمبيوتر فىه حاجات كتير هتكلم عنها بالتفصبل

Speed Buzzer : يتحكم فى السرعة اللى العربية هتزمر عندها (120- 130 زى ما انت عايز)
trip B data : بخلى العربية تقراء بيانات لعدد رحلتين a , b (هتكلم عنها بعدين تانى)
set time : ضبط الوقت
set date : ضبط التاريخ
first page : الشاشة الدائمة ف التابلوه يا اما تخليها التربو او التاريخ
see radio : بيوريلك اللى شغال فى الراديو او الCd فى شاشة البيانات
auto close : يقفل العربية اول ما تعدى سرعة 20 كم
units : تتحكم فى الوحدات عاوزها كم او ميل
language : تغيير اللغة
buzzer volume : التحكم فى درجة صوت انذار حزام الامان و انذار السرعة
button volume : التحكم فى درجة صوت الزراير فى التابلوه
service : التحكم فى انذار غيار الزيت
passenger bag : فتح و غلق ايرباج الراكب الامامى
exit menu : الخروج من القائمة

بيانات الرحلة trip computer

المسافة الممكن قطعها باستخدام البنزين الموجود

المسافة المقطوعة فى الرحلة

متوسط الاستهلاك

الاستهلاك الحالى

متوسك السرعة

travel time

مؤشر بيان ارتفاع و انخفاض الضوء

**dabdob86** · 09-10-2009 03:21 PM

اخيرا مفتاح السيارة

**Eslam.Elrefaey** · 09-10-2009 03:32 PM

شغل عاليييييييييييييييييييييي ييييييييييي أوى يا معلم وأول تقييم للينيا وإنتظروا الباقى شكرا على التقرير ولون عالى وإنت راجل عالى وشغل عالى وعربية عالية

**damasry** · 09-10-2009 03:39 PM

الله يكرمك يا باشا، ما شاء الله، تقرير شامل ووافي.

**ashouhdy** · 09-10-2009 03:42 PM

يشرفنى انى اكون اول واحد رد على موضوعك الاكثر من رائع
فى الاول
بسم الله ماشاء الله ولا حول ولا قوة الا بالله
ربنا يباركلك فيها يارب و يبعد عنك كل شر
العربية دى بجد اقل ما يكون حترجع اسم فيات تانى فى مصر نمرة واحد
ررررااااائعة فعلا و رأى اتغير فيها تماما ما شاء الله
يا ترى اعلى فئة فيها اية تانى بس !!!!!!!!!!!!!!!!!!