حد جربها و يقولى . ثباتها كويس ولا لا

السلام عليكم :دلوقتي انا يجماعه مش عارف اعمل ايه واروح فين وايه اللي ابدء بيه الاول :
المشكله دلوقتي انا معايه فيرنا 2008 تمام دلوقتي العربيه دي باقي ليها سنه على القسط والعربيه جابت موتور خلاص والتوكيل كمان قرر انها جابت موتور بس التكلف حتبقى داخله في حوالي 20000
دلوقتي انا لو طلعتها من التوكيل وقمت باصلحها بره ايه اللي المفروض اعملو هيه حتغير البلوكه بالوش تمام انا المفروض دلوقتي لسه مجدد رخصه العربيه يوم 8 الشهرده ودفعت التامين الشامل وكل حاجه بالنسبه للفحص فهو عندي شهر 5 سنه 2014 دلوقتي انا المفروض لو حغير البلوكه وكده المفروض باخد معاها الافراج الجمركي بس ولا باخد فاتوره معاه وبعدين اتجه بيهم على البنك ولا المرور ولا التامين انا اصلي اول مره اتعرض لحاجه زي دي فمعرفش حاجه خالص المهم انا دلوقتي عاوز اعرف بس ازاي اثبت رقم الموتور اللي حيركب وبعدين كلو قالي الموتور كمان مش مدي كبس خااااااااااالص يعني حتى الموتور مش نافع يتصلح والمفروض ارد على التوكيل علشان لو يغير ولا لا بس انا كمان شايف ان التكلفه عاليه جدا فارجو الافاده علشان كمان في حالة اني لو حصلح خارج التوكيل اعمل ايه وشكرا

الردارات الجديدة اللي راكبة علي سلم المشاة اللي عند برج سما
شغاله رايح وجي انا اتأكدت بنفسي انهاردة :)

خلي بالكو علشان الفلاش بتاعها بسيط قووووووي :dzey:

ملحق الاهرام للسيارات -PDF

النهارده الصبح نازل من البيت متأخر كالعاده (مش متأخر قوي يعني نازل متأخر بتاع 10د) لقيت فرده العربيه على الأرض :stink[1]: ودي رقم 1
جبت الكوريك انا موطي العربيه والكاوتش على الأرض فمش راضي ينزل تحت العربيه وقعدت 10د على ما عرفت أدخله وأرفع :I_angr1[1]: ودي رقم 2
روحت الدرس في المنيل وصلت على الوقت بالظبط (مش هحكي عن إسلوب السواقة لإن بعد التأخير ده كله وأوصل في المعاد يبقى كنت متجنن :grin28:)
وانا مروح عديت على بردجستون الفرده سليمه ومفيهاش حاجة :dzey: وغالبا عيل من العيال الي في الشارع فساها بيلعب أو بيستكشف :8941[1]: ودي رقم 3
رقم 4 ودي المفاجئة الجامده قوي (أنا لسه طالب) بس بشتغل في نادي جالي تليفون إن تم رفدي من الشغل :B4_611: ودي رقم 4
يا ترى الغلط فين؟ ولا أنا الي نحس النهارده ولا إيه أنا بكره أول يوم إمتحان ولمده شهر ومش ناقص تكدير

السلام عليكم
مشكلتي اني طريقي كله على الدائري كل يوم من اوله لحد اخره (120 كم رايح جاي كل يوم) المهم كتييير وانا ماشي الاقي عربيه قافل القزاز وماشي في النص وعمال يكسر شمال وانا افضل اكلكلس ولا هو هنا ونفس الكلام مع العربيات النقل ولا هو سامعني وممكن يبقى مش شايفني عشان المنطقه العمياء عنده كبيره
ركبت كتاوك للكلاكس وغيرته وبرضه مع السرعه والهوا والزحمه بحس انه مش مسموع اصلا على الطريق
فعايز اركب كلاكس زي بتوع النقل كده اوصله بزرار استخدمة في الحالات الطارئة فقط لاني والله مش بحب الازعاج ولا بدوس على الكلاكس غير في الضروره اساسا وبليل مش بكلكس خالص تقريبا برعش بالنور بس
فعايز حاجه تقولولي منين ووصفها ايه بالظبط ومش غاليه لاني زي ماقولت دي للضروره مش للعب ولا حاجه
واشكر الجميع

الناس اللي عندي عالفيس هيفهموا قوي قوي انا قصدي أيه
ال face عندي بيستهبل وممكن في post واحد تلاقي كذا رد ليا كل واحد منهم بصورة
أصحابي خدوا screen shots كتيير وحطوها عليال time line
أكتب بوست ألاقيه أختفي
ويجيلي عليه likes وهو مش موجود
كام ساعة ييجي البوست بلايكاته وكومنتاته
الـ notifications عاملة زي ماسورة صرف صحي من بتوعنا في مصر ... تفضل ماسكة نفسها جامد وفجأة تضرب وتجيبلي حاجات من زمان !
بعتت لل developers ومفيش رد
فاكس كل ده
المنتدي النهاردة أبهرني الصراحة
الساعة باينة تحت عاليمين عشان تبقوا واخدين بالكوا ال shots أتاخدت أمتي
ده من صفحة المشاركات


ده من قسم التويوتا


ده المشاركة نفسها


ده الموضوع نفسه
http://www.nilemotors.net/Nile/289115-a.html

حد يقولي في أيه !
اللي عندي عالفيس will relate :)

بالمناسبة ... جهازي مش معمول عليه هاك ( مستحيلة )
ومعنديش أي حاجة بايظة !

الحكاية زي ما بيقول العنوان كدة..

أنا من اسكندرية أولا..
كنت سهران مع بعض أصدقاء في سانتوس اللي ف محطة الرمل..
خلصنا السهرة علي 12 ونص وبما اني ساكن في بحري فا باخدها مشي..
وانا ماشي علي الترام ف المنشية قبل ما تدخل ع الشارع اللي بيطلعك علي السنترال (قرب موقف المشاريع بالضبط)..
لقيت واحد ماشي بيشد اكرة كل عربية ويشوفها مفتوحة ولا لأ..
في الأول افتكرته سايس المنطقة وبيأكد ع العربيات قبل ما يمشي.. بس لقيت أكتر من حاجة غلط..
أولا بيشد الاكر بقوة غريبة زي ما يكون عاوز يكسرها مثلا..
ثانيا والأهم انه بيحاول من جنب واحد بس (ناحية الرصيف) ودي من ناحية الراكب مش السواق والطبيعي لو بيجرب من ناحية واحدة يجرب ناحية السواق احتمالها تبقي مفتوحة أكبر..
بس لأن ناحية السواق من علي الشارع فا تقريبا خايف حد يشوفه..

أنا بعد ما عديته بشوية وقفت ولفيت أبص عليه.. مش عارف حب استطلاع للناس دي شكلها عامل ازاي ولا باشوف هو مثلا ناوي يسرق عربية كاملة ولا كاسيت والسلام ولا ايه؟
المهم اللي كان في دماغي مع أول عربية تفتح معاه حازعق وأصحي الناس.. ولو كان السايس أكيد حايبقي معروف ولو كان لأ حلاقي الناس مزبهلة.. يعني ماكنتش عارف حاعمل بعدها ايه بالظبط بس كانت الخطة لسة بتتحط في دماغي..

حصلت الحاجة اللي ماتوقعتهاش.. اتلفت حواليه عشان يشوف لو حد شايفه ولاحظني.. فضل يبصلي.. حسيت اني المفروض أمشي بس للأسف فكرت اني ممكن لو حسسته اني فعلا لاحظته حايهرب..

حصل العكس.. لقيته جاي ناحيتي وحاطط ايده ف جيبه.. بصراحة فكرت وقتها أشمر البنطلون وايدها يا فكيك.. بس حاتقول ايه بقي ف عزة النفس.. لفيت ومشيت عادي وهو ورايا.. بصراحة مش عارف وقتها كان منظري عامل ازاي ولا احساسي ايه.. وبجد لولا خوفت اني لو جريت كان ممكن الناس تفتكر اني أنا الحرامي كنت عملتها..

المهم لفيت من الشارع اللي بيطلع من الترام علي أول ميدان عرابي (المتقاطع مع سعد زغلول في نصه طالل علي السنترال) وحسيت ان فيه ناس بدأت تظهر.. بس للأسف كل ما ارمي عيني الاقيه لسة ورايا.. لغاية ما لقيت قهوة ف نص الشارع ووقتها ماعرفش جاتلي الفكرة منين قلت يا تصيب يا اتشهد علي روحي بجد.. دخلت القهوة فجأة وطلبت كوباية مية.. لقيته دخل ورايا.. فجأة خبط فيا من الضهر وقالي بالحرف "ابقي حاسب".. فكرت بجد اني أقول اي حاجة وانا ف نص القهوة بس حاقول ايه؟ ولمين؟

طبعا الحمد لله لقيته طلع بس خد اتجاه تاني.. تقريبا حس الشارع منظور أو خاف اني أبلغ فا قال يقلب عيشه ف حتة متدارية..

أنا كل اللي عملته اتصلت بالنجدة (مافتكرتش نمر الدوريات اللي في المنطقة) وبلغتهم اني شفت واحد بيحاول يفتح عربية ف المنشية ع الترام.. لعل وعسي..
طبعا الغتيت اللي رد عليا بدل ما يسألني ع الموضوع سألني الأول "انت بتتصل بالموبايل"؟؟ قلتله "وفرو تليفون أرضي ف الشارع وانا أكلمك منه".. سبحان الله!!

المهم أكيد طبعا ماقدرتش أكمل مشي ومش عارف أساسا أنا مشيت لغاية الميدان ازاي.. نطيت في أول تاكسي قابلني وعقبال ما دخلت البيت الحمد لله كنت هديت.. وأكيد طبعا ماحكيتش حاجة لحد والا كان زماني ممنوع من الخروج بعد 7 بليل ههههههه..

المهم.. لو شكيت في حد انه حرامي بجد ماتحاولش تعمل شجاع.. عشان مش حاتفيدك الشجاعة لما يبقي معاه سنجة ولا مسدس ومصيبة أكبر لو معاه واحد تاني وراك.. وأكيد بيبقي مبلبع حاجة..

وبجد نفسي أعرف ايه التصرف اللي كان المفروض أتصرفه ف وقت زي ده؟ هل أعمل نفسي مش شايف حاجة؟ ولا كان المفروض اتصل بالنجدة اللي أساسا 90% مش حاتيجي من أصله؟ ولا ايه؟

السلام عليكم.

ممكن الافادة عشان عايز اركب زينون في الفوجات في التيريوس مقاس h8 بس عايز نوع كويس و سعره حنين.

برجاء الافادة فين و بكام في أسكندرية.

[youtube]http://www.youtube.com/watch?v=8JfAaOABk4g&feature=g-logo[/youtube]






[youtube]http://www.youtube.com/watch?v=ouegmRIvoeQ&feature=related[/youtube]
:go::penguin4:

السلام عليكم ورحمة الله وبركاته
بدون الدخول فى تفاصيل
اكتشفت انى كنت شارى منه فرده وعاملها استبن كان الكلام ده سنه 2006
والنهارده بالصدفه ببص على التاريخ على الفرده لقيته 2004 يعنى حوالى سنتين الا كام شهر حسبى الله ونعم الوكيل
طبعا انا غلطت برضه ساعتها انى مبصتش ع التاريخ

بعد ازنكم يا رجاله كنت عايز منك مشوره كده بخصوص دهان العربيه
انا لسه مجدد وراشش الحمد لله قريب
المهم كنت سايب العربيه مرة وانا ف مشوار رجعت لاقيت حد مريح ع الكبوت من ادام مطبق تطبيقه خفيفه
بس المشكله انه الدهان طق منظرها ضيقنى جدا والبوجيهى قلى سيبها زى ما هى ملهاش حل
المهم تانى مرة بردو وهيا واقفه ف الجراج الاقى تريحه ع الرفرف الامامى وبردو نفس الزفت الدهان طاقق كده واتشرخ كنت هتجنن طبعا ده ايه الارف ده هو كل تريحه الاقى الدهان ضرب مش عارف البوهيجى اداها معجون كتير ولا هيا العربيه صاجها مش مظبوط
ويا ريت لو حد عنده حل يا جماعه لحسن شكلها خنقنى دى لسه مكملتش شهرين

يا جدعان انا عندى زجاج المرايا الشمال بتاع العربية وقع ومش عارف وقع فين المهم انا قولت اروح اركب زجاج بدل اللى وقع لقيت الراجل بيقولى فين الكف بتاع المرايا انا مش عارف اية الكف دة واجيبة منين يعنى بيتباع لوحدة ولا لازم كدة اجيب مرايا كاملة !!!؟
نوع العربية : هايما فاميلى
واية الكف اللى ممكن يركب على المرايا بتاعت العربية لو ملقتش بتاع الهايما فاميلى !!!؟

أخواتي الأعزاء أنا عارف أن الموضوع ده بعيد شوية عن موضوعات القسم بس انا قرأته من موقع على النت فحبيت انكم برده تاخدوا بالكم .... على الرغم من أني عايش في البحر الأحمر والحمد لله موضوع سرقة العربيات مش كتير عندنا ولكن على أساس أن الدال على الخير كفاعله واتمنى منكم الدعوة الخالصة لوجه الله وألا تروا أي مكروه لديكم ...
بعد انتشار ظاهرة سرقة السيارات خلال الفترة الماضية وعقب ثورة 25 يناير بسبب الانفلات الأمنى قام مجموعة من رجال مباحث مكافحة سرقة السيارات بوزارة الداخلية بتقديم نصائح، للحفاظ على السيارات من السرقة، قدر المستطاع لتصعيب المهمة على اللصوص عند محاولة سرقة سياراتهم على الأقل.

أولا: لابد من وجود جهاز انذار فى السيارة ومن الأفضل تركيبه لدى الوكيل حتى لا يتم العبث بالضفيرة الكهربائية الرئيسية عند كهربائى خارج التوكيل وتخرج السيارة من الضمان.. ويفضل أيضا رفع حساسية جهاز الإنذار حتى يطلق صفارته لأقل حركة بجانب السيارة.

ثانيا: حاول قدر الإمكان استخدام قفل الدركسيون الذى يتم تركيبه وفكه بواسطة المفتاح والبعد عن قفل الدواسة الذى يتم فكه بمجرد الطرق عليه بمطرقة أو حقنه بماء نار.

ثالثا: لا يترك مفتاح السيارة مع أحد مهما كان، فرغم أن مفاتيح السيارات الحديثة مشفرة وعند نسخ المفتاح لن تدور السيارة بمفتاح منسوخ، إلا أن ذلك المفتاح يمكن أن يفتح أبواب السيارة بشكل عادى وهو كفيل بتسهيل دخول السارق للسيارة ويمكنه فك أسفل علبة الدريكسيون وإدارة السيارة من خلال الأسلاك.
كما أن ترك النسخة الاحتياطية مع البواب يزيد من خطر سرقة السيارة، لأن السارق يمكن أن يكون قريبا للبواب ويتتبع صاحب السيارة ليقوم بسرقتها أثناء تسوق صاحبها فى منطقة أخرى غير محل سكنه.

رابعا: لا يترك أشياء ثمينة مكشوفة داخل السيارة حتى لو كانت بسيطة، وينبغى أيضا عدم وضع جرائد مثلا أو ما الى ذلك داخل حقيبة بلاستيكية فى مكان ظاهر.

خامسا: لا تترك السيارة فى شارع جانبى أو هادئ، ويجب قدر المستطاع ركنها بالقرب من المسكن بحيث تستطيع أن تطل عليها من حين لآخر، ولو سمعت صوت جهاز الإنذار يمكنك أن تطمئن عليها بسهولة، ومن الأفضل أن تقوم بركنها فى جراج يوجد عليه حارس.

سادسا: تحسبا لوقوع أى حادث سرقة يمكن شراء جهاز محمول بسعر بسيط لا يتعدى مائة جنيه وشراء خط يوضع به ويتم تخبئته داخل مكان غير واضح كأسفل التابلوه أو أسفل الكنبة الخلفية، بحيث إذا سرقت السيارة يمكنك أن تقوم بالتبليغ عن السيارة ليتم البحث عنها وتحديد مكانها بواسطة رقم الموبايل.

سابعا: لا تقف لأحد أيا كانت الظروف صباحا أو مساء .

ثامنا: إذا اضطرتك الظروف إلى إجراء أية إصلاحات تخص كهرباء السيارة خارج التوكيل، توجه إلى أى كهربائى متخصص ولكن بعيدا عن محل السكن.

تاسعا: إذا كنت تسير فى طريق مزدحم وسمعت خبطة بجانب السيارة لا تنزل من السيارة أبدا .

عاشرا: تأكد قبل انطلاقك بالسيارة من إغلاق السنتر لوك للأبواب الأربعة، وكن حذرا عند الوقوف فى الإشارات لأن التشكيلات العصابية تلجأ إلى أسلوب المفاجأة

بس والله كلام مفيد جدا

قائمة أكثر السيارات إنتشاراً ونجاحاً في السعودية في عام 2011



(منقول من سعودي شيفت ) :
إنتهينا من إحصائية عملنا عليها في سعودي شفت لقياس نسبة أكثر السيارات إنتشاراً ونجاحاً في السعودية في عام 2011. تصدرت قائمة أكثر السيارات إنتشارات في السعودية شركة تويوتا وإحتلت شيفرولية وفورد في الترتيب الثاني،

و أما عن قائمة السياره الأكثر نجاحاً في 2011 تصدرتها هيونداي سوناتا ثم شيفرولية تاهو/ GMC يوكن بنجاح كبيره حققته هذه السيارات في عام 2011.

تويوتا حافظت على صدارتها لأكثر شركة سيارات إنتشاراً في السعودية، فقد كانت تويوتا كامري و لاندكروزر الأبرز إنتشاراً هذا العام.

وقد حققت تويوتا كامري المركز الثالث في قائمة السيارات الأكثر نجاحاً والمركز الأول في السيارة الأكثر إنتشاراً، وحققت لاندكروزر لقب السيارة الـSUV الأكثر إنتشاراً في عام 2011 في السعودية.

فورد بعد إطلاقها لسيارتها الجديدة كلياً تورس، حققت إنتشار كبير في الأسواق السعودية، فقد زادت من إنتشار علامة فورد بجانب كروان فكتوريا و إكسبلورر، وقد حققت فورد إكسبلورر الترتيب الثالث في قائمة أكثر سيارات SUV إنتشاراً في 2011، بالإضافة إلى أن كراون فكتوريا تمسكت بإحتلالها جزء كبير من سوق السيارات السعودي على الرغم من إيقاف تصنيعها هذا العام.

أما بالنسبة لشيفرولية فقد كانت شيفرولية تاهو و GMC يوكن السيارة الأبرز والأكثر إنتشاراً لديها في عام 2011، ثم تأتي كابرس لتزيد من إنتشار شيفرولية وإحتلالها نسبة كبيرة من السوق السعودي،بالإضافة إلى أن كمارو حققت لقب أكثر سيارة رياضية إنتشاراً في عام 2011 مما جعل شيفرولية تحتل المركز الثاني بجانب فورد كأكثر شركة سيارات إنتشارا في السعودية.


هيونداي حققت إنتشار هائل في عام 2011 بعد إطلاق (سوناتا، أزيرا، إلنترا، أكسنت) فقد إحتلت سوناتا المركز الأول في قائمة السيارات الأكثر إنتشاراً وحققت هيونداي المركز الثالث في أكثر شركة إنتشاراً في السعودية.

مرسيدس الفئة S كانت السيارة الفاخرة الأكثر إنتشاراً، فقد تميزت بثقة المستهلك وجودتها وخدمة الوكيل المميزه، و تقدمت بورش بانميرا لتحتل المركز الثالث لأكثر سيارة فاخرة إنتشاراً في 2011 حيث يعتبر هذا اللقب إنجازا لبورش لمنافسة أقوى وأفخم شركات السيارات الفاخرة على إنتشارها في الأسواق السعودية بأول سيارة سيدان تطلقها.

السيارات الرياضية في عام 2011 زاد إنتشارها بنسبة كبيرة بفضل السيارات الأمريكية الثلاث (كمارو، موستنج، تشالنجر) ، فقد كانت شيفرولية كمارو الأكثر إنتشاراً هذا العام في الأسواق السعودية بسبب تصميمها الجديد المميز والسعر المناسب، تليها فورد موستنج بإحتلال المركز الثاني بسبب جودتها العالية وثقة المستهلكين.

كاديلاك وجاكوار كانت أقل شركات السيارات سمعة وثقة من بين بقية السيارات، المشاكل المصنعية والنقص في قطع الغيار سبب رئيسي في هبوط سمعتها والثقة في سياراتها.
ملاحظة: تم حساب هذه الإحصائية لعام 2011 فقط، أي أن نسبة إنتشار السيارات تم قياسها في عام 2011 وليس لها علاقة بإنتشار السيارات من عام 2010 أو 2009 وليس لها علاقة بسنة صنع السيارة أيضاً.

@@@@@@@@
وتقبلو تحياتي
me_medoo
@@@@@@@

بس السؤال هنا أيه أكتر عربية في مصر !
حققت نجاح في سنة 2011
منقطع النظير؟ من حيث المبيعات
@@@@@@@@@@@@@@@

:8941[1]:

السلام عليكم ورحمة الله

حبت ازف لكم الخبر السعيد ده اخيرا الخدمة رجعت اشتغلت تاني بعد توقف كبير نظرا لتطوير
نظام الارقام الى الحروف ومع البطأ المعتاد في اي شئ حكومي الخدمة بقت شغالة دلوقت ولله الحمد
والناس برضه اللي مكنتش تعرف الخدمة دي خدمة عن طريق النت عشان تعرف مخالفات عربيتك
بالتفصيل الممل اول ما تنزل

https://www.masr.gov.eg/services/Loa...ction=personas

حد من الاعضاء ف منتدي هنامن بني سويف عايز خدمه صغيره منه ؟؟؟؟؟؟؟؟؟؟

استوقفني اليوم مشهد في منتهي الغرابة
المشهد الحقيقة قديم نوعاً ما وليس بالجديد
ولكنه في مكان غريب والموقف لا يستدعي
هذا لا يهم - فالمهم هو المشهد نفسه

احد قائدي السيارات يتصفح الجريدة في الصباح امام عجلة القيادة - والمشكلة الأكبر انه بدأ يتحرك بالسيارة ومازال يسترسل في القراءة

المشاهد المشابهة كثيرة جدا واذا اردت الحديث عن الأنشغال بغير القيادة فحدث ولا حرج

تناول الوجبات السريعة أثناء القيادة
فاكرين فيلم أحمد حلمي لما منه شلبي خبطته ؟؟ كان مبررها ايه ؟ انها بتاكل والكاتشب بظ من الساندوتش
ولو طبقنا هذا في الحياة العملية ؟؟؟
والأغرب شرب البيبسي في كان اثناء القيادة - انا شخصيا تعرضت لمطب تسبب في طيران علبة البيبسي من علي الطابلوه ووقوعه علي الأرضية والفتيس وانا شخصيا وكل الدنيا

التحدث في المحمول
اكبر كارثة
اولا لأنك مشغول بالحديث مما يتسبب في التقصير في القيادة اما بتهدئة السيارة اكثر من اللازم او السهو تماما عن الطريق
ثانيا اما تلغي احد اليدين للأمساك به او انك تسند التليفون برقبتك علي كتفك
ثالثا عند الرد او طلب الرقم فهذا يعني انشغال علي الأقل 3 ثواني او اكثر
رابعا الطامة الكبري - كتابة رسالة علي البلاك بيري

تدليل ابنك او ابنتك
من الخطورة بمكان الأهتمام بغير القيادة اثناء القيادة
فما بالك تلاعب ابنك او ابنتك اثناء القيادة
واكبر خطر في الدنيا - حمل الأطفال علي الرجلين اثناء القيادة او تجعله يتولي هو التوجيه بعجلة القيادة

الأنشغال بالكاسيت
كثير منا يهتم جدا بتشغيل اسطوانة معينة مما يدفعه للبحث عنها بأهتمام شديد وكأنه DJ
ماذا يحدث لو قمت بتشغيل ما ترغب قبل التحرك بالسيارة او اثناء الأشارات او بلاش خالص

الأنشغال باي أشياء أخري
كأن تفتح الشنطة التي بجوارك - تبحث عن الولاعة او الكبريت - تنظف النظارة الشمسيه او تبحث عنها داخل الدرج - تشوف كان في حاجة عالكنبة ورا ومش عارف راحت فين فتبدأ بالبحث تحت الكرسي او بين الكرسيين وكأنك بتدور علي قلم في درج المكتب


هل تعلم ان حتي التدخين اصبح من ضمن الأشياء المحظورة داخل السيارة
ناهيك عن منظمة الصحة العالمية وتقارير البيئة وكل هذا - قانون المرور كما منع المحمول منع ايضا التدخين واعتبر كل من يدخن اثناء القيادة مخالف والزمه الغرامة الفورية
وبالتالي اصبحت السيارات بالمواصفات الأوروبية تطرح في الأسواق بدون ولاعة سجاير وتحويلها لمصدر امداد بالطاقة لأغراض شحن التليفون او تشغيل اي جهاز كهربائي

نصيحة أخوية - نقراءها كل يوم علي اللافتات في الشوارع
"لا تنشغل بغير الطريق"

Best Practice
- تناول افطارك وتصفح الجريدة اليومية ومتابعة الأخبار قبل النزول من البيت
- أضبط محطات الراديو علي ذاكرة الكاسيت وجنب نفسك مخاطرة البحث عن محطة - فمعظم مشغلات الأسطوانات اليوم مجهزة بالتسجيل حتي 6 محطات * 3 موجات = 18 محطة لل FM فقط
اعتقد عدد كافي جدا لحفظ جميع محطاتك المفضلة
- استعمال سماعة الأذن ما اذا تلقيت مكالمة تليفون
- اذا كنت ممن ابتلاهم الله بالتدخين فحاول اما استخدام الولاعات التي تستخدم السخان (معروفة للمدخنين) او التدخين في الأشارات

وفي النهاية ادعو الله ان يستر طريقكم جميعا ويجنبنا المخاطر واياكم

والله المستعان
،
،

أقرأ ايضاً
سلسلة سلوكيات القيادة الأمنة - الحلقة الرابعة (ضغط أطاراتك كام؟)
الحلقة الثالثة (افساح الطريق لسيارة الأسعاف)
بتسيب مسافة قد أيه بينك وبين الي قدامك ؟؟؟
بتمسك الدريكسيون ازاي ؟؟؟

روحت النهاردة فرع بريدجستون الي في شارع مراد في الجيزة علشان املا نيتروجين
وانا بحاسب قلت للمدير معايا استيكر نايل موتورز علشان الخصم
قالي الاتفاق الي ما بين الشركة والمنتدى خلص من 30 .12 .2011 ومتجددش تااااني
وقالي ان في واحد راحلو امبارح بردو ومعاة الاستيكر ومرضوش يعملولو خصم
اية الحل بقا ؟؟؟ !!!

بصراحة منظر العربية وهى بتنشطر لنصفين خلى الواحد يزبهل ...! :oho: :toothgrin:
202B403D4FAF96C6183449 - YouTube

ازيكم يا شباب
اخباركم ايه وعاملين ايه؟
في الحقيقة محتاج يوم اطلع اقضه برة داي يوز
اطلع فين من وجهة نظركم؟!
العين السخنة واللا الاسماعيلية واللا فايد واللا الفيوم واللا فين بالظبط؟!
وعاوز اعرف اسعار الشاليهات ايه بالتحديد؟!
ياريت اللي يعرف معلومة يديهالي على طول :D
معلش طولت عليكم :Bravo:

كنت عاوز اسال هيه مخالفه الستاير كام ؟ مكتوبلي ستاير حاجبه للرؤيه وياريت كمان حد يقولي هخش افحص ولا لاه ؟
وعاوز اسال كمان هيه مخالفه الفاميه كام ؟
انا مفيم والظابط بدل ما يعملي مخالفه فاميه عملهالي ستاير

بس ياريت اللي يجاوبني يبقي متاكد من الارقام
والف الف شكر ليه مقدما

انا الحمد لله جبت كاوتش جديد كوتننتال r15/195/50 و جنوط hrs تايوانى بس لسه مركبتهمش
و بفكر جديا انى اسافر القاهره لاستاذ محمد يسرى اعمل تسليح بس خايف من اكتر من حاجه
اولا مفيش واحد بتاع كاوتش شكر فى الموضوع ده عمالين يخوفونى منه اللى يقولك اوعى
العربيه حتبقى ناشفه و الكاوتش حيعمل ضرضره و صوت فى السرعه واللى يقولك طب لو فيه حاجه كده و ناجحه منزلتش فى العربيات الزيرو ليه واللى يقول ده نصب و الكاوتش حيبوظ واللى يقول بيكلف كام اقوله حوالى من 800 ل 900 الاربعه يقولى ليييه دانتا تكمل عليهم و تجيب كاوتش تانى و كلام كتيييير

ثانيا انا اصلا جايب المقاس ده فى الكاوتش و مرعوب من البلالين عشان البروفيل قليل و شوارع بلدنا
انتوا عارفينها بس انا جبت اعلى سعر فى المقاس ده تقريبا عشان تكون اعلى جوده و الكوتننتال انا مجربه و شركه محترمه بس مجربتوش فى البروفيل الصغير ده الفرده عملت 550 جنييه

الواحد متردد بسبب كل اللى قلتلكوا عليه ده فياريت الناس اللى ليها تجارب فى الموضوع ده تدخل و تقول رايها بصراحه و الله المستعان احسن الواحد دماغه خلاص :penguin4:

لوسمحت عاوز اعرف ازاي اشيل بقعة امير من فيبر اللي في التابلو العربية ؟؟؟

جربت الجاز و الاسيتون منفعش اعمل اية ؟؟

انا هبدأ موضوعي بسؤال ودي عكس طريقتي في الكتابة الي دايما بتنهي موضوعي بسؤال
بس الموضوع اكمنه بيتكلم عن وضع غلط ومقلوب زي باقي الأوضاع النهاردة
فاشمعني انا الي هكتب الموضوع بالمعدول

هو الموتسيكل كام راكب ؟؟
بالذات الصيني

المنظر دة اكيد مش انا بس الي بشوفه وبيحرق دمي

المنظر للأسف ماصورتوش لأنه مش غريب او حاجة نادرة
انت لو نزلت الشارع ووقفت 5 دقايق هتشوفه 300 مرة بمعدل موتوسيكل كل ثانية (5*60 =300)

المنظر كالتالي
موتوسيكل صيني
مش معلق لوحات
3 راكبينه (يا سبحان الله)
الي في النص او الراكب الأخير لابس كاب ورافعه خالص من علي راسه (الأستايل الجديد في لبس الكاب الصيني بردو ابو 5 جنيه)

طريقة القيادة
متهورة اشبه بالجنون والأنفلات بين العربيات زي السكينة في الحلاوة

مظهر الشباب الذين يمتطون المسكين - قصدي الموتوسيكل
رفيعين
احدهم لابس شبشب
الثاني لابس كاب
الثالث لابس قميص مشجر وفاتح صدره (تعبير عن الأنطلاق بالمعجزة الصيني الي متحملاهم)

السلوك
شتيمة
معاكسة
الفاظ نابية كناية عن خفة دمه وسوء تربيته

النهاية
خناقة مع احد قائدي السيارات لتجاوزه سرعتهم الجنونية
لو لأنه مش بيعرف يسوق وخبط فيهم وهما بياخدو غرزة ضيقة ماتعديش فار
او لأن حد بيئة مش عاجبه الشتايم والهزار بتاعهم

في منظر تاني لا يقل عنه اهمية

الموتوسيكل ابو طقم صوت طاحن (يطحن اذان المارة ويدغ دغ مشاعرهم)
تلاقيه غالبا موتوسيكل ديلفري صيدلية ومركب السماعات اما علي الجادون (عجلة القيادة بس في الموتوسيكل) وطبعا بتبقي مغطية علي عدادات الموتوسيكل زي السرعة ولفات الموتور بس هو مش محتاج للعدادات لأنه واثق انه مقفلهم هما الأتنين
او بيبقي مركبها في صدر الموتوسيكل مكان صندوق الخزين في حالة انه فيسبا

وطبعا مستوي الصوت علي اخر حاجة وبيسمع اغاني اما عاطفية مليئة بالشجن للمطرش العاطفي (ي و هـ ن م ل ك ق ف غ ع ظ ط ض ص ش س ز ر ذ د خ ح ج ث ت ب أ) (الحروف مقلوبة زي الأوضاع)
او بيسمع اغاني شعبية (بردو راقية) كلها اما عتاب للصديق الندل او حسرة وندامة علي غدر حبيبته يعني من الأخر مفيش صاحب يتصاحب علي حد تعبيرهم

للأسف مش بهرج ولا الموضوع للفكاهة

انا حزين علي المستوي المتردي
وقد ايه كم الموتوسيكلات الطائشة التي لا تحمل لوحات ومخالفة جميع القواعد والأداب والمنافية للسلوك القويم

اتمني ما شوفش المنظر دة لأنه بجد وان دل فأنما يدل علي ان مصر اخر الركب ولن تلحق بأي حضارة طالما راكبة موتوسيكل صيني (التقسيط بصورة البطاقة - ياريت حتي بالأصل) والدول المتقدمة راكبة عربيات تربو

في حين ان اول مركبة بعجلات كانت في مصر من ايام العجلات الحربية

وسمعني سلام
عظيمة يا مصر

والله المستعان
،
،

السلام عليكم

إن شاء الله مسافر طنطا لمدة اسبوعين وعاوز اعرف شوية حاجات

1- احسن فندق موجود (يفضل 5 نجوم)
2- اسعار المواصلات هناك (التكسيات)
3- هل فيه هناك صالات جـيـم وايه أفضل واقرب صالة جـيـم للفندق

أي نصائح اكون متشكر جداً

لحد دلوقتي سمعت كلام كتير اوي عن الهيونداي 2012 ذات التصميم الفضائي
العربية الي كلها فوانيس
او فوانيسها اكثر من صاجها

بصراحة الفانوس دة انا ماشوفتش منه غير كل خير
للأمانة لما بينور بيعمل حزام نور حوالين العربية بينور للجيران علي جانبي الطريق

مش دة المهم

نرجع لمرجوعنا

علي الطاير كدة دول موضوعين بيتكلموا عن نفس الودان
واحد بالأنجليزي والتاني الترجمة بتاعته تقريبا

المهم ان اخر واحد هيسمع الموضوع هو صاحب الموضوع (لأن الموضوع يخص ودانه)

http://www.nilemotors.net/Nile/28878...post3874309105
http://www.nilemotors.net/Nile/28880...post3874309418

ودة موضوع ثالث اتكلم عن العربيات الكوري بوجه عام وعن السيراتو بوجه خاص
http://www.nilemotors.net/Nile/28187...post3874226338

السؤال بقي !!

هل الألنترا هتسلك مسلك السيراتو ؟؟

ولا الناس بتسبق من دلوقتي عشان ماتنتشرش انتشار السيراتو وبعدها الناس تكتشف عيوبها زي السيراتو

يعني السيراتو عملت مبيعات وهمية وبعد 4 سنين اكتشفوا عيوبها
فالناس من دلوقتي بتحظر من الألنترا عشان ماحدش يجيبها

انا بس عايز افهم ليس اكثر
لا بتريأ علي النترا ولا علي سيراتو ولا علي الراجل ولا علي اي حد


انا بس عايز افهم - الكلام الكتير الي بنسمعه اليومين دوول مجرد تحذيرات ولا تخمينات ولا احباط لمحاولة اعجاب الناس بيها ؟؟؟

شكرا لحسن استماعكم

والله المستعان
،
،

An accident involving a 2012 Hyundai Elantra that reportedly resulted in a side curtain airbag lacerating a driver's ear and face has captured the attention of the National Highway Traffic Safety Administration (NHTSA), which has opened a preliminary investigation into the matter. "The photographs of the model year 2012 Hyundai Elantra provided by the vehicle owner show a ....l component protruding from the left edge of the headliner above the driver's seat," said the safety agency.
"It appears that the ....l component caused a laceration to the driver's ear/face," NHTSA added.
Hyundai released a statement saying, "The evaluation is in the very early stages" and that it has not had the opportunity yet to inspect the vehicle in question. The Korean automaker noted that it "has no other reports of injury from side curtain air bag deployment in 2012 Elantras."
While the NHTSA has not yet issued a recall, the agency said, "An investigation has been opened to evaluate the alleged defect in the subject vehicles".
The probe covers an estimated 123,000 units of the 2012 Elantra.

تجهيزات لوضع رادار وكاميرات على الطريق الدائري

المصدر : bey2ollak

اخوكوا اتظبط امبارح باليل و النمرة الخلفية اتسرقت من على العربية :penguin4:
المهم رحت القسم على 11 باليل كده اعمل مذكرة او محضر علشان ما حدش يعمل مصيبة و يكون معلق النمرة بتاعتى و البس انا :go:

دخلت القسم و بالمناسبة هو قسم الرمل

القسم فاضى و رايق جدا

انا:عايز اعمل محضر علشان اللوحات الخلفية بتاعت العربية اتسرقت
المخبر :اخر اوضه على ايدك الشمال
خبط و دخلت
لقيت ضابط رتبة صغيرة
انا : النمرة الخلفية وقعت او اتسرقت و عايز اعمل محضر علشان اروح بيه المرور
هو:مش حاينفع دلوقتى علشان الختم مش موجود !!!
انا: طب ينفع امتى ؟!!
هو:بكره من 8 الصبح لغاية الساعة 4
انا:شكرا،السلام عليكوا

رحت طبعا الشغل النهارده و زوغت بدرى على واحدة و نص كده (شعور جميل انك تبقى ماشى من غير نمر :Bravo:)

وصلت القسم على 2 و ربع
دخلت اوضة النوبتجى
لقيت امين من النص كم اياهم دول
انا:عايز اعمل محضر علشان كذا و كذا
هو:مش حاينفع دلوقتى !!!!!!
انا:ليه ؟!! انا كنت هنا باليل و الضابط قالى تعالى قبل الساعة 4
هو:احنا مش مقصرين،بس الموظف اللى بياخد الرسوم فى الخزنة بتاعت المحضر بيمشى الساعة 2 !!!!!
مسكت نفسى باعافية انى اطول لسانى :grin28:
انا: موظف فى الخزنة ؟؟؟؟؟
هو :اه
انا : طب الحل ؟؟ انا كده حايبقى ليا يومين ماشى من غير نمر و الله اعلم باللى ممكن يحصل
هو : تعالى بكره الصبح الساعة 8
انا بلمت و تنحتله و قلت فى بالى هو انا فاضيلهم !!!

الخلاصة كده
اقسام الشرطة بقت عاملة زى المصالح الحكومية
من 8 الصبح لغاية 4 العصر بعد كده نام يا عطا وشد الغطا
الخزنة اللى جوه القسم اللى بتاخد منك الاتاوة بتقفل الساعة 2 زى خزاين المصالح الحكومية برضه
النتيجة بالنسبالى
لو شفت ضابط داخلية فى الشارع بعد 4 العصر يبقى ضابط مضروب :cow07:مش اصلى

و تحيا مصر بعد هوجة 25 يناير

كل الشكر للأدارة والدعم الفني علي تلبيتهم رغبات الأعضاء في اضافة عدد مرات الشكر في المشاركات واضافة زرار جديد جمب الرد السريع علي شكل يد في نهاية المشاركة

مع تمنياتي بالتوفيق
ومن افضل الي أفضل ان شاء الله

والله المستعان
،
،

زى ما هو باين من العنوان كدة ... الموضوع ده معملول علشان حرقة دمى بسبب شغل الصنايعية اللى بيعتمدوا على ادمغتهم الجميلة اللى مليانة خيرات كتيرة من أفخر انواع الافكار .
وطرقهم المثالية لحل المشاكل المتعلقة بالعربيات أو طرق الوصول للحل .
فيا ترى حضراتكم بيحصل معاكم حاجات تحرق دمكم من أعمال الصنايعية الفتايين المصريين المتحدين على مبدأ واحد ... ألا وهو انهم مينفعشى يقولوا منعرفش ومينفعشى ميشتغلوش بطريقة التجربة والخطأ اللى بتؤدى لكثير من الخسائر المادية والنفسية على حساب صاحب العربية ...!

من امبارح الموقع مش راضي يفتح من البي سي جربته علي 2 لاب توب وبردو نفس الكلام و بيفتح من الموبايل عادي في حل للمشكله دي ؟

استفسار يا اهل الخبره بخصوص شارع دمشق بتاع الاكسسوار
دلوقتى فى اتنيين شارع دمشق
واحد فى المهندسيين وواحد فى مصر الجديده
يا ترى انهى واحد فيهم بتاع اكسسوارات السيارات الاولانى ولا التانى :W_030::W_030:
واروحه ازاى مواصلات من العباسية
لانى مش عايز اروح بالعربية علشان الف براحتى وما شلش هم الركنة
ولكم جزيل الشكر والتقدير :satelite:

انا مسافر مطروح بالسيارة الفيليشيا 1997 وعايز نصائح من ذوي الخبرة اكشف على العربية واغير الزيت الخ...

اليومين الي فاتوا دول وعز شارع الهرم ابو الغباء الي في العالم كله من سواقين المكروباس والتكاسي

كونت ماشي عي شارع اسمه خاتم المرسيلين ومفيش غير حاره وحده وهوباااا وحده وفقت تاكسي قدامي وراح راكن في وسط الشارع العادي بمبدا التكافل الاجتماعي والست كانت كبيره وكان معاها بنتها
طبعا انا اتجننت وده بكل برود مطلع ايده من الشباك راحت الست مزعقاله وقايلاله يركن على جنب وانا والله احترمتها

--------------------------

تاني موقف بقى في زحمه بنزينه عليها ميكروباصات كتييير وقلق وعربيه 128 على الشمال مفيمه مش باين مين جواها المهم سواق مكروباص تنح برضو على يمينهم وفجاه راح رامي عليهم شمال بتناحه غريبه وخابط العربيه ونازل يبرطم المهم البيه ده غلط غلطه عمره
فجاه لقيت الاربع بيبان بتتفتح ونازل منها اربع اشخاص ولا ال 777 اربع رجاله من الي تشوفهم تحس ان الدنيا بقت برد ________ مسكوه دغدغوه ضرب وكل الناس الي واقفه في الزحمه قعدت تضحك وهوه بصراحه يستاهل لانهم 99% منهم عربجيه

---------------------------------------------

تالت موقف بقى اللي شلني كنت هتجنن منه واقف في الزحمه في فيصل عادي فجاه سمعت صوت خبطه نزلت لقيت سواق ميكروباص بيركب في الاكصدام الخلفي بتاعي الي هو خبطه ووقعه على الارض بس الشهاده لله هوه الاكصدام يادوب متركب انا طبعا نزلت اتجننت وهو بصراحه منطقش كلمه نزل وقعد يحاول في الاكصدام وطبعا انا ركنت على جنب وهو فضل معايا يركب في الاكصدام بكل احترام ومشي

بصراحه 90% من زحمه مصر بسبب الميكروباصات والتكاسي وبعد كده تخلف بعض سواقين الملاكي

النهاردة وانا جاي من شوية من العاشر من رمضان وماشي في اقصى الشمال على سرعة 120
طبعا الطريق فاضي
اتفاجأ بحاجز خرساني قدامي
طبعا اتفاديته بأعجوبة خصوصا ان انوار العربية عندي ضعيفة ومش فارشة كتير في الارض
الكلام ده قبل المركز الطبي العالمي بحوالي 2 كيلو
المهم ياريت الكل يخلي باله من الحتة دي

دلوقتى بقالنا فترة محدش اتكلم على الرادات شغالة ولا لا و اية اللى شغال و اية اللى مش شغال و فى انى حتة و كمان عايز الموقع بتاع المخالفات دة مظبوط و لا لا لان جيت اعمل مخلصة مخالفات للعربية الفيات عشان عاوز ابيعها لقيت عليها مخالفات و الموقع كانت كاتب لا يوجد

و معلش لو حد عندة معلومة عن لما بتزيد السرعة بتبقى المخلفة عاملة كام يعنى مثلا لو انتا ازيد من السرعة المقررة بعشرة كيلو مثلا تبقى عاملة كام و لو 20 كيلو يبقى كام كدة يعنى

medo_elgezy

أفضل تصميم



CriptonX

انهارده بعد ما طلعت بالعربية بعشر دقايق تقريبا سمعت صوت نونوة عالية جاي من جوه العربية فوقفت علي جنب وفتحت الكبوت لقيت قطة صغيرة قاعدة فوق علبة الفيوزات وطبعا حرارة الموتور هي اللي خلتها تنونو بالطريقة دي . هي صعبت عليا بصراحة وكويس انها مجتش ناحية السيور والا كانت اتفرمت . في الفيرنا للأسف التصفيح اللي موجود تحت الرادياتير بس لكن وراه مفيش اي حاجة وممكن اي حاجة صغيرة تدخل جوه الموتور و أخيرا أحب أشكر غبور علشان محطش عزل في كبوت العربية سواء ورا الموتور او في الكبوت نفسه والا كنت ساعتها ما سمعتش اي حاجة من الكبوت . شكرا ليك ياغبور وياريت بعد كده تنزل العربية من غير كبوت صاج أساسا علشان ابقي شايف الموتور ولو في حاجة دخلت جواه أشوفها :))))))))))))) :wink10:

السلام عليكم ورحمة الله وبركاته

الواحد بدا يحس انه دمه تقيل وكل مواضيعه عن الحوادث !!

لكن نعمل ايه القدر هو اللى بيجبرني اني اسوق بشكل يومي على الدايري من صفط اللبن لحد اكتوبر !! وياكمية المهازل اللى بشوفها على الطريق ده بشكل يومي

بشكل يومي حوادث ابشع من بعضها ربنا يسترها معانا

النهارده حصل موقف غريب كان هيتسبب في حادثة او كارثة بمعنى اصح لولا ستر ربنا

هقولكم على الموقف لانه فيه اكتر من سبب من اسباب الحوادث اللى بتحصل بشكل يومي لكن للاسف الناس مش بتاخد بالها

بتلاقي كارثة او حادثة مميتة حصلت بسبب حاجة بسيطة جدا !

اللى حصل وانا ماشي على الدايري بعد دريم بارك بحجات بسيطة متوجه نحية نزلة الصحراوي

طبعا الطريق ده زي ماحضراتكم عارفين مكون من ثلاث حرات واغلبه ملفات وياكثرة العربيات النقل والترلات على الطريق ده

انا واخد الحارة الشمال وماشي بسرعة 90/100 تقريبا

في الحارة اللى على اليمين بي ام معدي من جمبي

وقدامنا في الحارة اللى في النص عربيتين نص نقل تلاجة ماشيين ورا بعض

اول ما البي ام عدت من يميني قعدت ابص عليها كدة واقول بسم الله ماشاء الله البي ام شكلها وهي بتجري روووووووووعة "كانت 320i"

مكملتش الكلمة ولقيت بتاع النص نقل اللى كان قدامنا في الحارة اللى في النص يرمي يمين على البي ام !

البي ام مسك فرامل ومافيش اي مشاكل بالنسبة ليه

الكارثة فين بقى !!! زي ماقلت لحضراتكم فيه 2 نص نقل ورا بعض

لما الاولى رمت يمين على البي ام اللى وراه يتفاجأة بعربية تويوتا ياريس قدامه وماشية في نص الدايري على سرعة لا تزيد عن 30/40 كم !!! ماتفهمش ده ماشي في النص بالشكل ده ليه

طبعا مسك فرامل جامد وراح حاااادف شمال ! والحمد لله اني كنت في الشمال بس وراهم بحبة والا كان زمانه طيرني على الاتجاه التاني

العربية النص نقل مع الفرملة والكسرة الجامدة بدات تلف وتنحرف عن مسارها وكانت هتطلع عكس اتجاه لولا ان ربنا ستر واتعدلت في اخر لحظة !!

طبعا كل ده حصل في حوالي ثانيتين تلاتة بالكتير

عديت انا من الشمال وببص على الياريس اللى ماشية بتتمختر في نص الدايري على سرعة 30 دي عايز افهم بيعمل ايه !!؟

اتاري الاخ الفاضل صاحب النص نقل اللى كان هيتقلب وقف على الشمال وتقريبا نازل يتخانق مع بتاع الياريس ! وانا طبعا باصص للياريس ومش واخد بالي من الطريق

مرة واحدة ببص قدامي لقيت النص نقل واقف !! مسكت فرامل جامد وايدي على الكلاكس راح هو رامي يمين وفاتحلي حارتي والحمد لله ربنا سترها والموقف عدى على خير

مما سبق نستنتج ان كان هيحصل كارثة لا قدر الله لو كانت النص نقل طلعت عكس اتجاه !! او لو كان في اي حد في اللحظة دي جاي من الشمال كانو هيتعملو ساندوتش :oops2:

وان حجات بسيطة جدا كانت هتتسبب في كارثة وانا لخصتها لحضراتكم في التالي :

1- واحد حمار ماشي على الديري وفي النص وبسرعة لا تتجاوز 30/40 كم !! طبيعي يتسبب في كارثة لو عربيته فيها حاجة ياخد اليمين ويدي انتظار ويمشي براحته انما في النص وبالمنظر ده !!!

2- واحد اخر حمار سايق عربية نص نقل ولازق في العربية اللى قدامه لدرجة ان لما العربية اللى قدامه غيرت اتجاها لبست هو في اللى قدامها لانه مش سايب مسافة امان !!

3- واحد تالت حمار زيي كدة بالظبط سايب الطريق وبيتفرج على الياريس وبيشوفها ماشية براحة ليه <<<< انت مالك يابني ماتخليك في حالك !! يخربيت الفضول اللى عند الشعب المصري :fun_10_9_134[1]:

وطبعا رقم 3 دي بتحصل كتيير بغض النظر عن السبب في الانشغال عن الطريق !! اما واحدة بتعدي السكة وشاب بيتفرج عليها ! عربية جامدة عدت من جمبه ومركز معاها ومنشغل عن الطريق ! بياكل بيشرب بيكتب message على الموبايل ... الخ !!

كل دي اسباب بتتسبب في كوارث وللاسف الكوارث بتحصل في ثانية وماحدش بيلحق ياخد باله من حاجة

بس تفتكرو مين اللى يلام اكتر !! الياريس عشان ماشي في النص على سرعة هادية ؟؟ ولا النص نقل عشان مش سايب مسافة امان بينه وبين اللى قدامه ؟

منتظر تعليقاتكم

وربنا يسترها معانا ويحفظنا

اجو المساعدة انا معى 127 متظبطة املكها من 5 سنوات بفكر اغيرها ومحتار بين اونو او سكودا فيليشيا او كيا برايد .
وكمان نصحنى البعض بريجاتا يعنى على قد فلوسى من 25 الى 30 الف .

ما شاء الله تم الإفتتاح الرسمي لمحوري na + النفق يوم الخميس الماضي والطريق اصبح روعة وكمان عملوا حاجة كويسة جدا وهي اغلاق اشارة الحي السابع أمام مستشفى الشرطة اللى كانت عاملة تكدس مروري رهيب واللى بيمشي على الطريق دا بيحس انه ماشي بره مصر الصراحة
وكنت نوهت عن الافتتاح التجريب قبل كدا عنه :)

السلام عليكم ورحمه الله وبركاته
انا امامي عربيه هوندا اكورد موديل 92 وكنت عايز اعرف عيوب العربيه دي وقطع غيارها منتشره ولا قليله وهل يوجد له قطع غيار بتتباع جديد ولا معظمه استيراد
والعربيه دي منين اشتري ليه قطع غيار ومين الميكانيكا بتوعها وياريت ميكونش في الحرافين
العربيه دي كمله اتوماتيك وفتحه سقف تعملها كام
تنصحوني بيها ولا عربيه تغلبني في مصاريفها مع العلم انا عايز عربيه مريحه قطع غيار واعطلها قليله وياريت متكونش صديقه الصنيعيه لي ان عندي بيت واسره فا مش هبقا فاضي اصرف علي العربيه والبيت ياريت ترده عليا دروري

السلام عليكم
فى كتالوج السارة وجدت هذه العبارة :

عند الوقوف على منحدر ضع عمود الجير على وضع الخلف

طبعا ده لمزيد من التحكم فى السيارة بس مين فينا بيعمل كده ؟

نتشرف بتقديم عرض خاص جدا لأعضاء منتدي نايل موتورز ، وكذلك بمناسبة الافتتاح لمركز أوتوسبا :
http://www.nilemotors.net/Nile/285163-a.html

نقدم عرض خاص جدا لى أسعار أفلام لومار ، للحماية ، والعزل الحراري

لومار صناعة أمريكية ، واحنا بناخد الافلام من التوكيل في مصر

موقع شركة لومار :
LLumar Automotive Window Films and Window Tinting

موقع التوكيل في مصر :
NEAT Co. - Solar Control Films
- - LUUMAR EGYPT -

فيه برضه أفلام حماية للدهان :
http://www.nilemotors.net/Nile/58953-a.html


وده فيديو عن افلام الحماية :
Llumar Security Film - YouTube

فيديو تاني عن السرقة :
LLumar Automotive Security Window Film - YouTube

__________________

بالنسبة حضرتك للعرض :

حضرتك حسب نوع الافلام اللي عاوز تختارها

فيه عندنا أربع أنواع :
air blue 80
pp60

safety 7ml
safety air65

__________________

أول نوعين هما للعزل الحراري الارقام اللي جنب اسم الفيلم تدل على مدي شفافيته ، كل ما الرقم قرب من المائة ، كل ما كان شفاف أكتر
الفيلم الأولاني الاير التمانين ، هو أغلي فيلم فيهم
تمانين في المية شفافية ، وثلاثة وأربعين في المية عزل حراري
الفيلم التاني أرخص شوية علشان أغمق ، ستين في المية شفافية ، وتلاتة واربعين في المية عزل حراري

الفيلمين التانيين دول بتوع الحماية ، الهدف هو مش حماية الزجاج من الكسر ، ولكن حماية العربية من السرقة في حال كسر الزجاج ، ومنع الحرامي انه يدخل في حال شرخ الزجاج ، هو بيحافظ على الزجاج بعد كسره إن الحرامي مينفعش يوقعه

الفيلم الثالث شفاف تماما ، وهو حماية بس
الفيلم الرابع ، حماية و كذلك عزل حراري في نفس الوقت

______________________

العرض بمناسبة الافتتاح أسعاره كالتالي ، بالنسبة للعربية السيدان :
العربية تنقسم لثلاث أجزاء الزجاج الأمامي ، الأبواب الجانبية ، الزجاج الخلفي

سعر تركيب الجزء من الثلاث أجزاء air 80 : ٧٠٠ جنيه

سعر تركيب الجزء من الثلاث أجزاء pp 60 : ٥٠٠ جنيه

سعر تركيب الجزء من الثلاث أجزاء Safety s7 : ٤٠٠ جنيه

سعر تركيب الجزء من الثلاث أجزاء air65 s6 : ٨٠٠ جنيه

______________________


دلوقتي حسب ما حضرتك عاوز بتختار السعر المناسب ليك ، يعني مثلا حضرتك ممكن تحط قدام
اير تمانين ، أعلى عزل حراري اعلي شفافية
ومعاه أبواب فيلم عزل حراري وحماية في نفس الوقت : اللي هو اير خمسة وستين
ومش هتعمل الزجاج الخلفي خالص ، علشان عندك شماسة ورا

كده يبقى احنا هنستخدم جزء إير تمانين بسبمعيت جنيه ، وجزء اير خمسة وستين بثمنميت جنيه
يبقي الاجمالي : ١٥٠٠ جنيه

مثال تاني ، حضرتك مهتم بالعزل الحراري جدا ، ومش مهم الحماية ، وعاوز تعمل الزجاج الامامي والخلفي اعلي حاجة ، والابواب حاجة غامقة شوية
كده يبقى جزء air80
جزء pp60
جزء air 80
٧٠٠ + ٥٠٠ + ٧٠٠ = ١٩٠٠ جنيه

___________________

أسعار الاس يو في ، العربيات الكبيرة ، بتزيد خمستاشر في المية تقريبا

لو فيه أي حاجة مش واضحة يريت حضرتك تعدي علينا علشان تتفرج على الافلام بنفسك وتختار
_____________________

وفيه مفاجأه كبيرة ؛ فيلم حامي للزجاج من الخارج واق ضد الزلط والرمل

شلل بحركه المرور علي الدائري من المعادي وحتي المنيب في اتجاه المريوطيه

بسبب اعمال الصيانه للفواصل اعلي المنيب وغلق حارتين من الطريق

لمتابعة بقية الخبر من هنا

السلام عليكم ورحمة الله وبركاته
اخوتي الكرام تعودت في هذا المنتدى الرائع ومن الاخوة الرائعين دوما حسن المعاملة والنصيحة فلذلك اود ان اطرح عليكم شيء محير بالنسبة لي راجيا من الله ان اوفق لحل به على يديكم وشكرا مقدما لكل من سيرد او يدخل ليقرا دون اي رد ..
الموضوع ببساطة اني بعت عربيتي بعد ما حصل عدة مشاكل والحمد لله خلصت ومستني اجيب عربية هيونداي النترا الشكل الجديد 2013 فور نزولها باذن الله وزي الكل ما هو عارف هي احتمال تنزل بعد شهرين وممكن اكثر او اقل الله اعلم فانا دلوقتي بدون عربية اللهم الا عربيات الشركة اللي انا فيها ودي مش بحب استخدمها بمشاويري الخاصة والشخصية وبستحرم ده المهم بقى دلوقتي انا محتاج لعربية تقضيني الفترة اللي جاية لحد ما ربنا يسهل وتنزل العربية الجديدة فالحيرة بقى اني أجر عربية مثلا الشهرين دول واقضي بيها نفسي مع العلم اني مش هستخدمها الا يوم او اتنين بالاسبوع والباقي كله بالشغل يعني يدوب امشي بالاسبوع 200 كيلومتر ولا اجيب عربية تمليك وبلاش ايجارات وايصالات ووجع قلب زي ما انا مرجح ؟؟؟ بس خايف اجيب اي عربية اتغش بيها او اخسر بيها لما اجي ابيعها تاني اكثر من اللي ممكن ادفعه في تأجير عربية للمدة نفسها فلكده حبيت اطرح الموضوع على حضراتكم لعل وعسى اللي عنده خبرة اكثر بالعربيات يساعدني بالموضوع ده واللي يرجح اني اجيب عربية للفترة المحدودة دي ياريت ينصحني اجيب ايه لسهولة البيع والراحة واني محسش يعني بفرق كبير في الركوبة ما بين عربيتي والعربية دي . سامحوني اني طولت عليكم بس الموضوع ده محيرني جدا ولكم الشكر كل الشكر

في خطوة دعائية جريئة غير مسبوقة قرّرت شركة هيونداي أن تترك طراز (i30) الجديد في متنزّه (نوزلي) للحياة البرية في المنطقة المخصّصة لقرود الـ(بابون) لـ10 ساعات وذلك لاختبار قدرة السيارة على التحمّل.


وعلى نحو مدهش خرجت (i30) بسلام من تجربة الـ(بابون) هذه، صحيح أن الطلاء الخارجي تلطّخ بالأوساخ و تعرّض لبعض الخدوش بينما احتاج التصميم الداخلي إلى عملية تنظيف شاملة، ولكن (i 30) كانت تعمل بكل وظائفها.


تقول هيونداي أن إطلاق قرود الـ(بابون) على سيارة (i 30) يشبه إلى حد بعيد ما تتعرّض له السيارة خلال حياتها من الأطفال الذين يتقافزون على المقاعد ويضغظون على مختلف الأزرار ويفتحون ويغلقون الأبواب بقوّة.


وعلّق ( ديفيد روس) مدير المتنزّه على هذا الأمر قائلاً: "شاهدت آلاف السيارات التي مرّت عبر منطقة الـ(بابون) والتي تعرّضت لعبث القرود ولم أر واحدة منها تتحمّل ما تحمّلته هيونداي. هذه القرود فضولية جداً إذا وضعتها في سيّارة فستجد أيّ نقاط ضعف فيها وتدمّرها"

السلام عليكم
بعد الbugatti veyron البورسلين
دلوقتى فيرارى 599 GTB Fiorano مطلية بالذهب
العربية موجودة فى لندن و نمر السعودية
و الصور من 2009 على فكرة

السلام عليكم جميعا
انا عاوز اشترى عربية فى حدود 50000 الى 60000 ودى اول مرة
ارجو منكم النصيحة :wink10:

السلام عليكم
عندى شرخ فى الزجاج الأمامى وناوى إن شاء الله أغيره بس الحتة البلاستك التى تحت الزجاج فى حتة منها مكسورة وعايز اغيرها علشان يكون الزجاج أكثر ثباتا بس مش عارف اسمها أيه وممكن اجيبها منين وعلشان يكون السؤال واضح سأرفق لكم رابط صورة وهى الحتة البلاستك اللى آخر الكبوت وفيها بيركب الزجاج
http://www.directoryofreddeer.com/im...ass_damage.jpg

العربيه عندي الا ار بي ان عالي
وعند بدء الدوران الا ار بي ام بيعلي وبعد كده ينزل
وعلي السلانسيه العربيه عاليه حوالي 2 ار بي ام زياده
كنت عايز اعرف ايه الجزء المسؤل عن ارتفاع المكنه
في الشاهين عارف ان بك السلانسيه ومسمارا الهواء المسؤلين عن ارتفاع عدد اللفات او انخفاضها
لكن في العربيات الانجيكشن
موجود بوابه والبوابه كهربا ودواسه البنزين كهرباء
الميكانيكي نضف البوابه وحساس المانيفول ومع ذلك
القفزه العاليه للعداد موجود ه عند بدء التدوير وارتفاع الموتور علي السلانسيه

لمن فاتته الحلقه
الان الاعادة

شباب معايا عربيه فيرنا موديل 2010 كامله النهاردة فؤجيت بان جهاز الانذار شغال لوحدة كل شويه المهم فتحت العربيه وقفلتها تانى برضة نفس المشكله عمال يشتغل الكلاكس والاشارات كل 10دقائق المهم واحد معاة لانوس قال ليه اقفل العربيه بالمفتاح من غير الريموت فعملتها فهل فى حل للمشكله دى ولا لازم الاوح للتوكيل وتضيع يوم

السبت 12/5/2012م - بالممشي السياحى وبعد العشاء
يعقد مؤتمر الاسلامى
بحضور الداعيه الاسلامى
الامريكى : يوسف استس
والدكتور : محمد صلاح
من قناة الهدى
---------------------
منقول للافادة

السلام عليكم
أعضاء المنتدى الكرام طبعا كلنا لما بيقرب موعد تغيير الزيت بنبقى فى حيرة بين الأنواع الكتير وبين المعدنى والتخليقى المهم علشان مطولش عليكم وفى ناس مبتحبش تقرأ كتير هاختصر امبارح غيرت الزيت لعربيتى واخترت زيت كاسترول إيدج 5w 40 وغيرت الفلتر وغسلت الموتور وتوكلت على الله والنهارده وانا رايح لشغلى حسيت بفرق كبير والله عايز اقولكم أن العربية كانت الأول سحبها وحش وأحيانا بتقطع بس النهارده لقيتها ما شاء الله ممتازة فى السحب والتكيف اتحسن كتيييييييييير معقولة كل ده من الزيت أنا كنت فى الأول بستعمل الزيت المعدنى بس التخليقى أفضل فى الاداء مليون مرة أنا حبيت أنقل التجربة علشان مجرب حيرة اختيار الزيت الجركن ثمنه 275 جنيه غالى هههههههههه بس مايغلاش عليكم يباع فى بنزينة طاقة
وأخيرا ما قلته رأى شخصى قد يخالفنى فيه البعض

القلم الاوروبي الصنع كاشف الحوادث ومحدد سمك المعجون تحت الدهان
حصريا ولدينا فقط وبسعر خاص لفتره محدوده .
- سياراتنا رأس مال لا يستهان به فلنحافظ عليه قبل الندم.
- قمة التكنولوجيا ألاوروبيه أصبحت في متناول يد الجميع.
- القلم مصنوع من التيتانيوم عالي الجوده والمقاوم للحراره والرطوبه ( وليس البلاستيك )
- يعمل بالنانو ماجنيت بدون مصدر للطاقه نهائيا .
- القلم به تدريج ملون لحالة دهان السياره من الداخل والخارج ( فابريكه بدون ورنيش-دواخل- , فابريكه بورنيش , راشه نظافه بدون معجون , مدهونه بمعجون , مدهونه بمعجون اكثر من مره او نتيجة حادث ) .
- القلم به تدريج رقمي لكشف سمك المعجون تحت الدهان ( جزء من الالف من المللي ) .
- حساسية القلم 0.002 مم .
- من حق أي مشتري تجربته على أي سياره ايا كانت ( زيرو أو مستعمله ) قبل الشراء.
- لاداعي للإعتماد على عامل دوكو أو سمكري للكشف على مدى فابريكة السياره .
- الان باستطاعة الجميع وبدون الحاجه للخبره الكشف على كل جزء في دواخل وخوارج السياره - والتعرف على سمك المعجون تحت الدهان __شبعنا من كلمة العربيه رشه نظافه __ .
- الان لا مجال لغش التجار والوسطاء وبائعي السيارات , بالكشف بالقلم على السياره أمام البائع ينتهي الجدال لصالحك إما بعدم الشراء لسوء حالتها أو التخفيض بنسبه كبيره .
- أداه احترافيه للكشف على السياره بعد السمكره وقبل الدهان لمعرفة سمك المعجون وكثافة طبقاته وتدريجه للتعديل قبل الدهان .
- يمكن الكشف على اللحامات المخفيه بدقه في حالة السيارات الملحومه نصفين
- سعر القلم زهيد و لا يقارن بالنسبه للخساره في حالة شراء سياره سيئة الحاله .
- رخص سعر القلم يمكننا من توفيره من ثمن السياره في حالة الشراء.
- ضمان لمدة عام .
- من اليوم ادفع فلوسك وانت مطمئن بعد الكشف بنفسك.
- لمزيد من التفاصيل والاسعار يشرفنا زيارتكم لموقعنا Paint Detector - Land4brand
- الدعم الفني 01090041440 , المبيعات 01099798292 , الاداره 0233047471 , العنوان الدور الثالث شقه 7 , 67 ش وادي النيل بالمهندسين
- نبشركم بتواجدنا الدائم اسبوعيا ( يوم الجمعه ) بسوق سيارات مدينة نصر , أمام بنزينة موبيل من 10 ص الى 7 م .

الخبر منقول .............

أنا عاوز بس أقول على حاجة...................الناس دى ربنا يكون فى عونها.............بعضهم ممكن يضطر يبيع العربية علشان يسدد المخالفات اللى عليها............ده لو سعر العربية كفي أصلاً.

تصدّرت مواطنة تدعى (س.خ.ج) قائمة الأشخاص الأكثر ارتكاباً للمخالفات في دبي حتى أبريل الماضي، حيث بلغت قيمة المخالفات المستحقة عليها 134 ألف و40 درهما ، فيما احتل شاب مصري (ح.ك) المركز الثاني في القائمة بواقع 131 ألفاً و900 درهماً، وفق إحصاءات الإدارة العامة للمرور في شرطة دبي، التي أشارت إلى ان المواطنين احتلوا بشكل عام نسبة 80٪ من قائمة أكثر 10 أشخاص مخالفين في الإمارة.

وأظهرت الإحصائيات أن النساء شكلن 40% من القائمة ثلاث منهن مواطنات فيما الاخيرة من الجنسية الهندية وبلغت عدد المخالفات اللاتي ارتكبنها النساء الاربع المشمولات في هذه القائمة 766 مخالفة بقيمة اجمالية 469 الف و810 درهما ، فيما ارتكب الرجال المشمولين في هذه القائمة وعددهم ستة خمسة منهم مواطنون فيما الاخير من الجنسية المصرية 1032 مخالفة باجمالي 666الف و590 درهما.

‏ وقال اللواء محمد سيف الزفين مدير الادارة العامة للمرور بدبي ان المواطنة التي تصدرت قائمة المخالفين ارتكبت 218 مخالفة مرورية بقيمة اجمالية بلغت 134 الف و40 درهما، وجاء في المركز الثاني في قائمة المخالفين شخص يدعى (ح.ا.ك) مصري الجنسية ارتكب 187 مخالفة قيمتها 131 الف و900 درهما ، ، فيما جاء الإماراتي (ع.ح.ع) ثالثاً،بارتكابه 206 مخالفة بقيمة 125 الف و700 درهما ، تليه المواطنة (ف.ش) بحيث ارتكبت 218 مخالفة بلغت قيمتها 120 الف و650 درهما ، ثم المواطنة (ح.ا.م) واستحق عليها 118الفا و320 درهما.




وقال الزفن ان المواطن (ا.س.ا) حل في المرتبة السادسة بارتكابه 150 مخالفة قيمتها 117 الف و500 درهما، تلاه ايضا المواطن(ع.ا.د) بواقع 205 مخالفة بلغت قيمتها 98 الف و100 درهما .
واضاف ان المواطن (ع.م.ع) حل ثامنا بارتكابه 131 مخالفة قيمتها 97 الفا و590 درهما ثم الهندية (ك.ب) وارتكبت 148 مخالفة بقيمة 96 الف و800 درهما، واخيرا جاء المواطن(ع.م.م) في المربتة العاشرة والاخيرة بعدد مخالفات 153 وقيمتها 95 الفا و800 درهما.

في كمان حاجة جديدة لاحظتها فوق اول مشاركة في الموضوع
وهو بار Bar بيظهر فيه كاتب الموضوع وعدد المشاركات وعدد المشاهدات وامكانية مشاهدة معاينة الطباعة

في لسة ايه تاني جديد عند نايل موتورز
يبدو ان في كم من المفاجأت كتير في السكة

السلام عليكم ورحمة الله وبركاتة. اخوكم ياسر عضو في نايل موتورز قسم نيسان. الحمد لله وقدر الله اني وانا خارج من النزهة الجديدة في تقاطع ودوست كلاكس وهديت بس واحد بعربية فيرنا كان بيجري جامد وخبطلي السيارة من الشمالز المهم نزلت اشوف لقيت العربية الكبوت مترحل والفوانيس والاكصدام وقع ولقيتة شاب ومعاه واحد وقالي انا سواق المهم قالي انا حصلحهالك وبعدين جيت اركب معاه وسبت عربييتي لقريبي يمشي ورانا. وانا بركب السواق جري. الحمد لله. رجعت انا وقريبي وقريبي قالي وديها لسمكري وقالي سمكري في العبور وشكرلي فيهز المهم روحت قولتلو العربية nissan sunny موديل 2011 هيه فابريكة انا عاوزك تردها على البارد
المهم فك الاكصدام وقالي الخبطة عوجت العربية وكانت من اليمين طالعة لفوق ومترحلة المهم قالي انا حرجعهالك زي ما كانت ومتقلقش خالص المهم طلب مني 1750 وبعد فصال رضي 1400 جنية وقالي ان الجهاز اللي حيعدل علية العربية تكلفتة غالية وحيرجعها بنفس المقاس وده جهاز حديث وعمل عليها شغل علشان انا مش فاهم. ورجعت استلمت العربية بعد يومين لقيتة رد الكبوت حتة صغيرة امام على البارد من غير ما يفك الكبوت وشد العربية من الشمال بالجهاز ورد حكة كانت الناحية اليمين في الرفرف على البارد. المهم قالوولي اظبط زوايا لقيت الراجل بيقولي الكربيدتير مش مظبوط كويس على صدر العربية والرفرف الي الناحية الشمال بياين من جوا انو مش مظبوط وفي عجلة متأخرة وغلط امشي بيها لانها ممكن تجيب كبالن وقالولي امشي بيها 60 انا مش عارف اتصرف ازاي ارجعلو تاني واخد معايا حد فاهم كويس في واحد صاحبي ممكن يجي معايا وهو شغال في الدوكو ورش العربيات ولا اروح لحد كويس ولا اروح التوكيل يشوفو المشكلة دي. بس خايف لتخرج من الضمان ومش عارف اتصرف ازي. الحمد لله على كل حال. وجزاكم الله كل خير

بسم الله الرحمن الرحيم

السلام عليكم ورحمة الله وبركاتة


عايز احكى قصه كده امبارح كنت مروح وفى دخلت المحور وانا رايح اكتوبر

واحد ربنا يهديه فرمل مره واحده والى وراه لحق نفسه

وانا كنت حلبس فى الراجل الى ورا الراجل الاولانى :00020191:

بس الحمد لله فرملت فرمله عمرى ما عملتها قبل كده جامده جدا وعملت صوت عالى

الى غاظنى انا الراجل مشى ولا قال لى حتى انا اسف مع انى والله كنت على بعد سنتى مترات من الاكصدام بتاعه الى ورا وكان ممكن يدفع جامد ولو اتكلم معايا كنت حهزقه :fun_10_9_134[1]:

بس مش دا المهم فى القصه اصلا

المهم انى انا اساسا مشفتش العربية وهى بتفرمل ومش عارف ااساسا انا فرملت ازى لانى ولا قصدت افرمل ولا شفت الموقف غير بعد ما حصل وانا لازق فيه

حد يقولى هى فزورة يعنى

اقوله لا .
السر انى كنت لحظتها بقول اذكار المساء . واقسم بالله ما شفت اى حاجه انا محستش غير برجلى بدوس على الفرامل وفديت الراجل زى ما يكون رجلى داست لوحدها كده

فبالله عليكم يا اخونا الاذكار ثم الاذكار فعلا بتحفظكم جدا انا كنت ماشى على سرعة 60 تقريبا يعنى لو كنت لبست فيه كان حيبقى موال :B4_048:

انا لاحظت تعديل في المنتدي بعد فترة التوقف المؤقت
وهو ان المشاركات بقي في نهايتها
عبارتي
انشر - شكر

بس السؤال
ليه في بعض المشاركات مفيهاش الشكر
وايضا البعض الأخر مفهوش أنشر ؟

لكم مني اطيب التمنيات بدوام التقدم والتوفيق

والله المستعان
،
،

السلام عليكم ورحمة الله وبركاته

لا حول ولا قوة الا بالله.

واحد معرفة اتسرقت عربيته من رابعة العدوية فى 10 دقايق ويمكن اقل.طلع البيت يطلع حاجات ونازل يجيب باقى الحاجة ملقاش العربية.

مازدا استيشن بيضاء 929 رقم اللوحات 715 ر ب ا تم عمل محضر برقم 17835 قسم مدينة نصر اول بتاريخ 8\5\2012

ت.01005011802

&#x202b;اغلس واحد فى الدنيا هههههههههه&#x202c;&lrm; - YouTube

بس لقطه الراجل ايلى بيصلح التكييف مش حلوه بصراحه كان ممكن يوقعه