السلام عليكم
شكرا جدا جدا يا هندسة
انا كان عندى مشكله عداد البنزين
الصراحه رحت التوكيل و قالولي طلمبة البنزين باظت و غروهالى على الضمان و الحمد لله المشكله راحت
شكرا جدا جدا جدا
عرض للطباعة
السلام عليكم
شكرا جدا جدا يا هندسة
انا كان عندى مشكله عداد البنزين
الصراحه رحت التوكيل و قالولي طلمبة البنزين باظت و غروهالى على الضمان و الحمد لله المشكله راحت
شكرا جدا جدا جدا
عاوز رقم تليفونك ولو فيه عربية قدامى عاوز اعرضها عليك اقدر اجيلك فين
متابع باهتمام لغاية ماتوقع تحت ايدى حتة a4 جيدة
وانا فى الخدمة
العربيه اوكتافيا A5 موديل 2007
المشكله :ان راديو العربيه بيشتغل لوحدو من غير ميكون العربيه شغَاله ومن غير ميكون فيها حد لوحدو بيشتغل
وده ظهر بعد تغيير البطاريه هل ليها علاقه؟
ياريت تساعدوني
الراديو العريض زي اللي في الصوره
http://www.autotrader.co.uk/EDITORIA...4_interior.jpg
السلام عليكم ورحمة اللة وبركاتة
يا جماعة حقيقى عندى مشكلة ومش لقيلها حل .. انا عربيتى اوكتافيا a4 موديل 99 جميع الكماليات .. انا اشترتها قريب وغيرت فيها كل الفلاتر والسيور وحاجات فى العفشة .. والعربية سحبها جامد جداا لكن أوقات فجأة أضغط على دواسة البنزين مالقيش اى استجابة والعربية صوتها يتكتم ولو ضغطت لأخر الدواسة اسمع صوت اكنة فرقعة مكتومة من الناحية اليمين من الماتور .. انا بجد احترت مافيش حد عارف اية السبب لغاية دلوقتى وانا خايف الحركة دى تحصل معاية وانا على طريق سفر ومعرفش اسحب ... أرجو الأفادة
شكرااا .... دة كان سؤال طرحتة قبل كدة فى موضوع سابق والحقيقة يا باشمهندس المشكلة ذى ماهية مع العلم انى غيرت طلمبة البنزين والبوابة غيرتها برضو .. بس لسة العيب .. هوة انا لاحظت ان العيب بيروح لما اقفل العربية وارجع ادور تانى ... فى ناس قالو دة كمبيوتر وناس قالو دة من الشفرة بتاعة المفتاح .. مع العلم برضو لما العربية بتتحط على الجهاز مش بيطلع اى عييب إلا حساس الأكسجين .. أرجو الأفادة لأنى احترت فعلا
وشكراا
انا عندي سكودا اوكتافيا a4 موديل 2006 العربية ممتازة وكل حاجة بس في حاجة فيها معصباني اوي ان الابواب ثقيلة في الفتح وبالذات الابواب الورانية وبعدين مع المطبات بتعمل صوت تزييق وكل مرة اروح التوكيل يرشلي سبراي والصوت يروح شوية ويرجع ثاني بس الابواب بتفضل ثقيلة لو في حل للموضوع ده ياريت تفيدني
بص هوا فى اوقات لما كابل البطارية بيبقى مش متركب فترة طويلة او بمعنى اصح الكهربا مش واصلة للراديو
بيقى لازم تكود الراديو من تانى. لانك لما بيتجى تركب الراديو تانى اويوصله كهربا العربيا مبتقدرش تتعرف على الراديو . انا فاكر واجهتنا مشكلة كانت جيلنا عربيا الراديو شغال على طول ومبيفصلش. و طلع عيب تكويد . انا رايى انه ان شاء الله تكويد كاسيت تانى. روح لمركز خدمة معتمد وهوا يعملهوللك
مبدأياً كدا لا يمكن تكون شفرة المفتاح ال immobilizer يا يقرا المقتح يا ميقهوش . وبدال دور يبقى انتهى دور المفتاح .
هوا فى احتمالات كتير بس انا هفهم حضرتك الاول دورة البنزين بتم ازاى . الاول البنزين بيبقى فى التانك بيطلع عن طريق الطلمبة بتاع البنزين على فلتر البنزين وبعدين بيخش على حاجة اسكها المسطرة اللى بتدى الرشاشات وبعدين يخش مع الشحنة غرفة الاحتراق ويتم حرقة ويطلع بعد كدا بعد الحرق العادم من الشكمان كدا تمام .
انا شايف انوا ممكن يكون حساس الشكمان بايظ علشان كدا العربية فى منطقة معينة مبتسحبش بس على كلامك انها بتسحب تمام اوى لو حساس الشكمان الطيبعى انا العربية كلها تحس بهرتلة فى كل السرعات .
بالنسبة لموضوع البوابة انت غيرت البوابة خلاص طيب ايه رايك انوا ممكن يكون ال accelerator اللى مع ضغطة دواسة البنزين بيفتح البوابة على اساسه.
علشان متلفش وتدور كدا من الاخر
1- اكشف على البطارية
2- فلتر البنزين
3-طلمبة البنزين
4-اتاكد من ان حساس الشكمان سليم وكهربته تمام
5-شوف الاكسلتير و بدال البنزين
وطمنى عملت ايه :) وان شاء الله خير